❌❌ لا أسمح بنقل حرف من روايتي و إلا سأتصرف بطريقة قانونية
رواية ، الجزء الأول(الحلقات الاولى) حقيقي من بنت أمريكية صديقتي ✅
و الجزء الثاني من تطويري
أناغيم و سفيان، قصة بنت تحب واحد ، هو مايعرفهاش، راح يبادلها الشعور؟ ، هل يوجد لقاء بيناتهم؟، كيف...
نهار جديد اليوم و هادا هو تالي هنا غدوة نروحو نتفركتو مشي ساهلة والله انا والفتهم بزاف و درت معرفة جديدة ، المهم ، حطيت الغيسيل مور ما درته في عيني و شفت نظرة اخيرة في المرايا لبست هكا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هاد لاكولاغ شحال تجي عليا نولي نبان بزاف شابة مين أنا بلوندا ، و درت مايكاب خفيف غوز باش يجي مع القش
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
(هادا خفيف؟؟ هادا تاع عرس ختي ) هودت مور ما درت شوية من ريحتي تاع الياسمين باسكو نموت على هاد الورد ، بلعت الباب و جيت مهودة في الدروج لقيتهم كامل نايضين و متلايمين يشربو في القهوة ، احم مشي قهوة يفطرو مشي كيما حنا قهوة بالخبز و الدهان ، قتلهم صباح الخير و مشفت ف حتى واحد باسكو مورالي مايسمحليش نشوف فيهم و نتبسم معاهم ، منبعد قلت علاه راني ندير هكا لي صرا صرا المهم بردت جني فيها و قتلها بالضرب ، دقيقة راهي هنا؟؟؟ طلعت راصي صبتها اونفاص ليا، اهوهوهوو، لا و زيد تشوف فيها تحسب يا تقتلني ، وقيلا حاسبتني خايفة مين راني ساكتة مزال مايعرفوش آنآ مين تسكت معنتها مصيبة كبيرة غادي ديرها بصح يلا كاش واحد ديرونجاها، حتى لدروك مكانش لي راه منارفيها من غير هديك و كملت معاها بصح نظن العكس ، باسكو مافهمتش علاه راهي تشوف فيا هكا، انا تاني منيش ساهلة حطيت شاكان ف يدي و و شبكت يديا و بقيت نشوف فيها ، مين حطيت درت الحس شافو فيا، و لا كانو يشوفو فيا من لي هودت بأصح العبارة ، تحمحم ريان خاف يلا كاش ما ندير باسكو راه حافظني ، مين تحمحم مروة فهمت روحها نظن متفاهمين قاتلي آنآ واش راكي ، اا، ك، كولي علاه حبستي لازم تاكلي خير ما طيحي نتي لازملك الماكلة مع الصباح ، نقولكم الصح والله ماسمعتها باسكو كنت رافدة الموس و نقطع في صباع جوليا ، بصح في راسي باينة، و والله ما حطت عينيها ياه مهيش تخاف سما، تبسمت في وجهها ، بصح تبسيمة والله تحسب مشي انا لي كنت قالبة الفيلا البارح ، عجبتني واش درتلها في يديها و رقبتها و وجهها و شعرها لي راه منتوف الله غالب انا خاطيني هي بغات على روحها ، مين ضحكت في وجهها و صابتني نشوف في يديها و المارات لي درتهملها ناضت من بلاصتها و راحت ، غير راحت رجعت للسيريو و التبسيمة راحت وقفت من بلاصتي نشوف فيهم ڨاع، قتلهم ڨاع لي دارته مزالت هنا؟ تخافو منها ؟ حشاتهالكم ڨاع و نتوما كي البهاليل مخليينها ، نطقت وحدة قاتلي مشي جاية نطردوها عيب، قتلها مالا مين نقتلها و و نخليكم تأمنو بلي هي انتاحرت تما نوريلكم العيب وين ، و نعاود نصيب منها كاش لقطة باسكو راهي بادير حاجة راني عارفة و براص يما العزيزة غير قتلتها ، خبطت الفرشيطة و نضت خليتهم ، زاد ناض مورايا سفيان منبعد ريان و مروة ، وارن ، مايا، سارة و ماثيو ، بقاو غير لي يعبدوها تما، على الأقل هادو راهم معايا ، تفكرت أميرة هادو يومين توحشتها تكون راقدة سور ، بغيت نرجع نحكي مع سفيان عليها يخليني نشوفها ، درت بانهدر معاه صبته هو تاني جاي بايهدر ، حبس و قالي ايه ، قتله احكي نتا لول، هز راصه قالي حكيتي مع لافامي تاعك؟ قتله ايه، قالي واش قالولك!، قتله راهم قابلين ، مدار حتى ردة فعل ، حوجي غير تبسم شوية، قالي مالا صيبون كيما قتلك العرس مور شهر و الخطبة سيمانة جاية ،بففف شحال مزروب ، هزيتله راصي و قتله انشااله ، قالي واش كنتي حابة تقولي قتلو بغيت نسقسيك على أميرة حبيت نشوفها، قالي راهي راقدة ، قتله ااه صحا معليش مين تنوض و صاي، قالي تحبي تروحي تشوفيها نورمال منيش مبلع بالمفتاح ، سكتت شوية و قتله نورمال؟ قالي ايه، قتلو صحا مالا راني طالعة و رحت طلعت ، باسكو شومبرته حدايا ، جيت باش نحل الباب صبتو محلول شوية ، حبيت ندخل مي سمعت لافوا سامعتها من قبل ، شكون هادي؟
