أحببت شخصا لا يعرفني🇩🇿

الحلقة 46

قتلها مشافش فيا ڨاع و حكيتلها قاتلي نوضي نوضي نسڨملك الماكيياج يا حمارة نتي المهم ديتيه ومشي ساهلة عليه هو راه مضرار قتلها هو مضرار و قلبي؟؟ ، غير هو لي ينضر؟؟؟ ، نسيت باه نقولكم بلي راني مخبرتها بكلشي و هي الوحيدة في عايلتي لي علابالها، قاتلي عفسي على قلبك و ليام راهي جاية و تنقلب الحيا و قولي ماقتلكش ، نضت و بدات تعاودلي في الماكيياج و شعري، قاتلي مزال تاك يشوفك بلا خيمار و يهبل ، مزال يشوف حنانتك و يحن، مزال و يعرف عقليتك و تعجبو، و مزال يشوف هبالك و حقيقتك و يعشق فيك غير راه معمي برك ، ضحكت قتلها راكي تشعري ياه، قاتلي عقلي على هدرتي ، نضت لبست القفطان و درت الريحة تاعي تاع الياسمين لي طيح ڨاع الناس ،احم حوحو يشكر روحو ، بصح وليت نبان بومبا مع الشعر الطويل النواغ و القفطان الڤاغ الله الله

My hair :

خرجت من شومبرتي و رحت للكوزينة باش نحطلهم الجو و المملحات ، رانا في الصيف مباقيش هادي تاع القهوة و صاي، دخلت و حطيتها لهم سمعت تصفار ، شفتها خته ضحكتني، قاتلي واو واش هاد الجمال واش هاد الحلاوة حطيت المملحات فوق الطابلة و قدمتهالهم و بديت نمدلهم في الكيسان تاع الجu ، مديت ليماه تبسمت معايا و عينيها غير يضحكو ، مديت لباباه قالي ربي يحفظك بنتي قتلها و يحفظك نتا تاني، واه كون منخليهمش يعشقو فيا منتسماش آنآ نموت على هادي الشخصية لي تظهر في حالات نادرة، مديت ل ماما و بابا و بقا هوا الخانز ، انا مديتهاش كامل فيه مديتلو في يديه طلع راصه يشوف فيا ، و أخيرا ، علابالي خلعتك و علابالي شابة خويا بعد عليا عينيك ، بصح عينيك الخضرين شابين ياه ياه، دورت راصي و رحت قعدت هوا تمتم حط عينيه و حك راصه ، مين يتوتر يصرالو هكا ، بدينا نجمعو و نحكي مع يماه و باباه و ختو، شوية و نضت حطيتلهم السفة تاع الكسكس باللمكسرات باش يعرفو بلي آنآ تعرف طيب ، شوية و حطيتلهم القهوة، علابالي سفيان غادي عامين و هو يدير في سبوور خسرتله ريجيم لي كان دايره بصح معليش يوالف راه جاييه بزاف صوالح الله يصبره انشالله، مور ماكملو دارلي الخاتم و كي العادة عينيه في لرض تحسب انا الراجل ر#### ، سمحولي تحمست، زغرتو مو ما لبسهالي و طلقو الغنا ، قالولو نوض ترقص ماحبش بصح ناض مين سيفو عليه ، الضحكة حكمتني انا ، نوضوني نرقص معاه حبيت ندخل تحت لرض من الحشمة ، شوية و قالولنا روحو تفاهمو على الشرط ، واش من شرط؟؟ دروك راني مرته نشرط ولالا غير كيفكيف ، دخل هو و رحت انا موراه صبته يشوف من التاقة دار عندي مين شافني دخلت بقا غير يشوف فيا مي بعد عينيه و جا عندي قالي آنآ مغسي علالبي مشي ساهلة عليك تتزوجي مع واحد ماتحبيهش و درتيها علاجال أميرة ماغسي بزاف ، بقيت نشوف فيه عينيا دمعو ، ههه ماعلابالوش بلي هو لي راه يهدر عليه ، هوا حسبني بانبكي عليه مي انا غايضتني عمري منه ، قالي سمحيلي قتله لا نورمال ، أميرة راهي كيما بنتي من نهار لي شفتها حبيتها و درت وعد على. نفسي حاجة ماتقيسهاش ، ميل راصه مركز معايا، كاش واحد يقولو بلي هاد اللقطة تقتلني و منقدرش نتنفس ، الهدرة تلفتلي ، قالي مدامك معايا والله حاجة ماتخصك المهم كوني مع أميرة ....