أحببت شخصا لا يعرفني🇩🇿

الحلقة 23

صبت أميرة قاعدة في السرير و تشوف فيا ، ضحكت معاها قلتلها يا عمري تقارعلي ، أيا نرقدو ، ضحكت معايا و عينيها محطتهمش قاتلي هادا شعرك ، قلتلها واه شعري ، قاتلي طويل شباب ، قلتلها نتي تاني شعرك شباب ، قاتلي ني باغية كيما نتيا ، قلتلها تكبري و يولي كيما انا ،

(تخيلو تخيلو معليش)

قتلها هيا دروك نرقدو ، رحت رقدت و درتها حدايا و عنقتها ، و بقيت نمسح في شعرها ،قاتلي بابا دايمن يديرلي كيما نتيا حتى نرقد ، نقوله يحكيلي قصة يقولي لا راح الحال ، ميبغيش و انا نبقى نبكي حتى نرقد، قتلها لا هوا يكون عيان برك ، نهار كامل يخدم مين يجي يحب يريح مشي يزيد يعيا ، قاتلي بصح انا نحب لي يحكيلي باش نرقد ، قلتلها انا نحكيلك اليوم قاتلي بصح ، قلتلها واه بديت نحكيلها و هي قاعدة تسمع فيا حتى رقدت ، بقيت نشوف فيها راقدة ، تشبه شوية لماماها و باباها معرفتش فاس تشبهله المهم ميهمنيش هادا ، يهمني ولدي كي غادي يخرج ، نسبق الأحداث قلتلكم!، بصح حبيتها كي بنتي أميرة والله ، ربي دارلي حاجة في قلبي تحسب انا ولدتها ، غطيتها و عنقتها والله منديهاله تبقى عندي ، رقدت انا محسيتش ڨاع بروحي كيفاش رقدت من التعب ، صباح نضت على يد تمسح في شعري ، فطنت صبتها أميرة مقابلتني دايرة يد على خدها تشوف فيا و يد تمسح على شعري ، قتلها بونجوغ قلبي ، قلتلي بونجوغ عملي ، قلتلها شا هادي عملي ، قالتلي نتي تقوليها ، ضحكت و قلتلها عمري مشي عملي ، داك الزين نضت حكمتها وبقيت نبوس فيها و ندغدغ فيها و هي تضحك ، منبعد قاتلي جعت ، قلتلها هيا نروحو ناكلو شفت الساعة صبتها 9 وشي و مكانش الحس كامل باينة راقدين من التعب ، نضت غسلت وجهي و درت شوية  احم احم ، ماكياج بصح ميبانش ، المهم منبانش صفرا و صاي، درت فولاغ تاعي و لبست حاجة خفيفة و هودت انا وياها ، دخلت الكوزينة كبيرة بزاف ،