أحببت شخصا لا يعرفني🇩🇿

Episode 50

Sofian pov:

ناض من الكرسي تاع المكتب تاعو رافد لوراق بعدما كان يخدم حطهم في المكتبة و بلعها ڨلع نواضرو و بقا يمسح في عينيه زوج سوايع وهو مع هاد الخدمة مين تراكمت عليه ، قدم عند التاقة يطل على النو لي بدات تقطر ، البرد بدا يدخل جو شباب بزاف يموت على هاد الجو ، تنهد من قلبو منبعد دار رفد مفاتيحو من البيرو و خرج ركب في لوطوته رايح للدار ، في طريقه رفد تلفونه باش يعيط لأحلام لي تخدم تما في الدار و تربي أميرة باش يسقسيها يلا كاش ما خاصهم في الدار ، ردت عليه و سقساها، قاتلو ااا، ل، لا و،ولدي ماخاص والو ، طلع حاجبو علاه راهي خايفة؟ قالها ياك صافا مكان والو ؟؟ أميرة ؟؟ كاش ماصرا!!، ضحكت باش تبعد الشك على روحها قالتلو لالا ولدي أميرة راهي حدايا قالها فوتيهالي مدتله التلفون و هوما يشوفو فيها ،" آنآ، أميرة، "غمزت آنآ لأميرة باش ماتبين والو ، الو بابا ، وي بنتي متوحشتينيش ، ايه بابا توحشتك خف ارواح رانا دايري..... ، بلعولها فمها في زوج بيديهم كي آنآ كي أحلام ، ألو؟ أميرة؟ ، ايه بابا قتلك خف ارواح جيبلي معاك شيكولة توحشتها، تبسم قالها صحا بنتي راني جاي ، خطفت آنآ التلفون و قطعت و قاست روحها تتنهد من الخوف مزيا مافاق بوالو . حبس لوطو عند الدار مور ما شرالها الحلوى كيما العادة قبل مايدخل ، هود من لوطوته و بلعها و حل الباب بالمفتاح ، ما جا يحل الباب حس حاجة طاحت فوق راصه جمد في بلاصتو ، "بالون تاع ما "
طاحت عليه مور ما كانت معلقة فوق الباب و قشه كامل ولا يقطر بالما، زير على يديه و غمض عينيه يتحكم في روحها بصح فشل ، عيط عيطة ڨاع بالو على رواحهم ،
" آآآآناااااااغيم ..... والله نقتلك"
لافوا تاعه قلبت الدار و ڨاع واش صرا سمعها تضحك من الشومبرا من قلبها و أحلام و أميرة يطلو من الكوزينة بريصانهم و يضحكو على قشه ، شاف فيهم نظرة راحو يجرو كلي ماكان والو ، على هادي بلع الباب خبطه و دار يديه يمسح الما لي على وجهه و شعره يفكر كيفاه يدير معاها بلا ما يدخل للحبس
_______
كانت ليلة هادئة و باردة ، الريح يدي و يجيب في الليزار لي في التاقة ، كانت آنآ راقدة في سابع نوم عكس هداك لي داير من الجيهة الزاوجة عاطيها بظهره يقارع لحاجة ، ثلاثة ، زوج، واحد، إنطلق تواغ في الشومبرة ناضت آنآ تجري مافاهما والو
آآآآآه! وين راكي؟ شكون هادي؟ مهبولة! خافي ربي! ، شوية و حبس هاداك الصوت و سمعت ضحكة بصح من تحت لتحت راحت دار عند صفيان صابتو يشوف فيها, بدات تفهم بلي خلفاهالها على واش دارت ساع ، بقا يقارع منها تضربه ولا أي حاجة بصح خلعاتو من طرطڨت بالبكا ، حمااار هكا الناس يزعقو ، ياخي أنا مادرتلك والو ، انا نخاف علاه درت هكا قلبي راه يووجع، تشوكا فيها ماصاب مايدير اسكو ينوض اسكو يتجاهلها ، راحت هيا رجعت لبلاصتها و غطات روحها تبكي ، تنهد، بففف، و ناض ڨلعلها الغطا ، قالها نوضي عليا نوضي ، ناضت طارت عليه بعضة في يديه غمض عينيه باش مايقعدش غير معاها و المدابزات ، قالها صاي؛!؟ ريحتي؟ ، تقولي سمحيلي دروك ، دور راصه ، راهي باتهبله ، هوا لمرته لي كان يبغيها و مكانش يقولهالها ، شاف فيها منارفي و قالها سمحيلي بصح هنا تحبس تعاودي الطبايع تاوعك نقتلك و نديرلك كثر من هاك ، طرطڨت بالضحك عليه و قالتلو صح بونوي ، بقا يشوف فيها هادي لي كانت تبكي؟؟، استغفر و راح تكسل في بلاصتو يخمم بواش ربي بلاه ، شوية و تبسم بلا ما يحس تمتم رجع التشنيفا و دار و رقد

حل عينيه على ضو الشمس لي داخل ، حك عينيه كيما كل صباح مين ينوض ، دور راصه صابها راقدة في سابع نوم و شعرها طايح على وجهها ، شعرات كانو يطلعو كل ماتتنفس ، قدم عندها بعد عليها دوك الشعرات باش مايديرونجوهاش ، تمتم فاق على روحه ناض و دخل للدوش ، غير دخل حلت عينيها و تبسمت من واش دار، غير البارح كانت تبكي عليه و اليوم راقدة معاه، صح ماينجمهاش و يكرهها مي المهم راه راجلها و حلالها ، ناضت من بلاصتها خرجت من الشومبرة صابت احلام تحط في الماكلة باش ياكلو الصباح ، قالتلها صباح الخير ردت عليها صباح النور بنتي ،
آنآ: أميرة مزالت راقدة؟
أحلام: ايه راهي راقدة
هزت راصها و راحت دخلت لشومبرتها تمشات بشوية صابتها راقدة كرع في جنب و زاوج في جنب يديها في جيهة و لخرى تاني ، شعرها على وجهها و الغطا راقدة فوقو ، ضحكت عليها شحال كيوت ، بدات تسڨم فيها و دارتها في بلاصتها نورمال و رقدت حداها بدات تمسحلها في شعرها و تبوس في يديها
آنآ: لوكان تعرفي شحال نبغيك ،حطت راسها و كملت ، مراحش تأمنيني ، تبسمت و هيا تخمم تسترجع في الذكريات ، صح! لقاءنا لول مكنتيش تعرفيني! بصح, هههه، من ديك التبسيمة قطعت وعد على روحي شعرة ماتقيسكش، مش برك على جال سفيان راني ندير هك ، صح نحبو و هو لا ! مي هادا تاني وعد لمايليس،و ربي عطاني في قلبي زرع فيه وحد الحنانة من جيهتك تحسب أنا ولدتك ، ههه هادي هيا شعور الأمومة؟ طاحتلها دمعة تمتم مسحتها ، باستها في راسها و بعدت شوية عليها ، تعرفي مكانش حاجة تفرقنا ، صح !!! ، الزواج هادا صوري و على لورق ، ممكن يجي نهار و سفيان يكره و يطلقني ولا أي حاجة مي جامي نسمح فيك هادا وعد ليك بنتي ، عنقتها و سلمت عليها
بلعت الباب بشوية باش مايحسوش بيها و هي حاطة يديها على فمها و عينيها مدمعين ، زواج صوري!! ، مايليس؟ ، يعني كانت تعرفها؟ ، شحال غاضتها ، من جيهة فرحانة لأنو أميرة ربي عوضها بآنآ و من جيهة غاضتها هي تحب سفيان و هو لا و زواجهم مشي صح! و من جيهة الأسئلة في راسها بداو وين تعرف مايليس؟؟, و يلا تعرفها معنتها كانت صحبتها؟ و مين صحبتها زعما باتخونها و تبغي راجلها؟؟ ، هزت راسها بلالالالا مكانش منها منيش فاهمة لازم نسقسيها ، قفزت مور ماحست بيد سفيان تحطت على كتفها دارت عنده صابتو مخلوع فيها ،
سفيان: خالتي!!! ، واش كاين؟ ، صافا؟؟؟ ، كاش ماصرا لأميرة
شداته من يديه و هزت راسها ب لا و بكالم تطمئن فيه
أحلام: لالا ولدي من لش شفتو دروك أميرة ماراح يصرالها والو ، جبدت كرسي و قعدت فيه زاد قعد هو حداها مشي فاهم
نطقت وهي تشوف في الفراغ و تتبسم ، علابالك و شحال انا نقارع لهاد اللحظة؟ ، انو نشوف أميرة عندها لي يخمم عليها و لي يخاف عليها و لي يقطع وعد على نفسو باش يحميها، منكذبش عليك كنت خايفة منها لا تكون مشي قد المسؤولية ، و لا كاش مادير لأميرة بصح دروك تهنيت صاي، منخخمش ڨات فيها و مانتقلقش
فهم هو واش راهي تهدر حط راصه يشوف في يديه و يلعب بالمفتاح تاع لوطو ، طلع راسها يشوف فيها ، ايه شفت الخوف في عينيها ، شفت الحنانة، شفت الفرحة مين تكون تضحك بنتي على هادي خيرتها ، عرفت بلي هيا لي تتهلالي في بنتي و تكون قدها ، و إلا منديرش خطوة كيما هكا و انا ضد الزواج، ناضت من بلاصتها حطت يديها على كتافو، سفيان راك درت أفضل قرار في حياتك و مانضنش راح تندم مي نتا تاني لازم تدير واجباتك كزوج و لا راح تخسرها للأبد، شاف فيها مشي فاهم ، هادي شرة! بصح مفهمهاش راحت هيا للكوزينة كملت واش تدير و هو يتبع فيها عينيه حتى راحت ، ناض من بلاصته و شاف في الباب تاع شومبرة بنته قدم عندو باش يدخل بصح قال لا جا بايروح حبسه الضحكة تاع بنته لي خارجة من قلبها ، من وينتا ماسمعش ضحكتها؟ و سنين ماناضش على ايجابية كيما اليوم....

___________
بنات هنا راح نحبس الرواية 😭😭 باسكو كرهتها و الافكار راحولي مالا باي باي 💔💔