❌❌ لا أسمح بنقل حرف من روايتي و إلا سأتصرف بطريقة قانونية
رواية ، الجزء الأول(الحلقات الاولى) حقيقي من بنت أمريكية صديقتي ✅
و الجزء الثاني من تطويري
أناغيم و سفيان، قصة بنت تحب واحد ، هو مايعرفهاش، راح يبادلها الشعور؟ ، هل يوجد لقاء بيناتهم؟، كيف...
فاتت سيمانة ، نضت داك النهار باسكو عندي بزاف صوالح منها شوتينغ الإعلان و زيد نقرا و بدات القراية تاع الصح و زيد نخدم ، المهم حيا مخلطة و صاي ، نضت بكري وجدت روحي لبست قشي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
خرجت ديراكت للجامعة تلاقيت شيرات قبلي سلمت عليهم و قعدت حداهم بديت نقرا ، قاتلي مروة راكي تباني مقلقة واش بيك قتلها لا والو جوست عندي نهار شارجي بزاف، المحاضرة ، منبعد شوتينغ ، منبعد نخدم في الكافيتيريا ، طلعت حاجبها تاع الله يعينك ، قاتلي والله كيفاش كتقدري ديري هاد الشي كامل في نهار انا كون راني متت ، قتلها بالزور كيما تقولك السورية مي نحب انا هكا تحديات. يعجبوني ، ايه ونتي كاش معندك اليوم قاتلي عندي محاضرة كيفك منبعد نروح للنادي عقوبة نقي معاهم ، ضحكت و قتلها الله يعينك ، كملت المحاضرات و خرجت شريت باش ناكل منبعد رحت الاستوديو وين ما قالولي التصوير دخلت و استقبلني واحد فهمني كلشي و دارولي الماكيياج ، حسيت روحي بانمثل في فلم شحال من واحد تحاماو فيا باش يخرجوني شابة مالغري انا شابة مايفهموش!، ، كملت و جا المصور واسمو روميو قالي صافا راكي واجدة قتله وي راني واجدة كيفاش نبدا ، قالي كوني على طبيعتك نبداو بالتصاوير الخفاف و ابتسمي ، قتله أوكي غادي ندير لي عليا ، بدا يصور منبعد شاف في الكاميرا في التصاوير و تبسم، قالي واو تباني Magnifique (يحكو كلشي بالفرونسي بيانسور) ، منبعد قالي دروك جربي هاد لاغوب قوتله أوكي شحال شابة هاد لاغوب كيفاش نوقف دروك، قالي برك كوني على طبيعتك عندك طاقة ايجابية ، نتي الوحيدة لي ماغبنتينيش ، المهم درنا لي فيديو و تصاوير ، منبعد جا المصمم قالي باقي هاد collection ختاريتها راح تجي عليك سبيسيال تناسبك في كلشي ، قتله راني متحمسة ، أيا جاو ، و قالي روميو روحي لبسي لاغوب الغوج لبستها و عاونوني و دخلت قالي وقفي مور الخلفية الزرقا ، بدينا نصورو قالي دوري وجهك شوية اليمين قتلها أوكي منبعد قالي دروك دوري غير بشوية ، درت و قتله هكا؟ ، قالي perfecto 👌🏻، كملنا و شكرني ، جاو هدوك لي يخدمو تما الطاقم جابولي وين نقعد حطولي الماكلة ، شربت الما برك ، قالي روميو و المصمم ، تصاويرغادي ليكيب تموديفيها و نرسولولك النسخ ، نهار الاربعاء ننشرو الإعلان ديريه في لاباج تاعك و ديري معاه لاباج تاعنا قتله وي علابالي ، المهم فاتت ديك اللحظة و خرجت مدڨدقة سوغتو مين عرفت مزال الوقت باش نخدم ، حكمت طاكسي ، وصلني و دخلت صبت المدير داخل بعدا تبسم معايا وقالي واش راكي، الحاجة لي تعجبني فيه مشي كيما دوك لي لاعبينها حيا كبيرة ، عنده وحد الاحترام ، تبسمت معاه و قتلها يعني ، قالي راني نشوف فيك عيانة قتله وي لاشارج راك تعرف، هز راصه ودخل و انا رحت بديت ، نخدم رفدت القهوة و رحت نحطها لوحد يكون قدي في لاج ، باينة يقرا جامعة ، مين جيت باش نحطها طاحت عليه ، بغيت نبول على. روحي ، مي الحمد الله ضحك هو و ناض يمسح في يديه مزيا غير في يده، و عاوني نرفد ، قالي تبانلي عندك مشكلة مع القهوة ، قتله ايه راني جديدة عليها صرات هكا سمحلي قالي نورمال ، رحت و عودت حطيناه القهوة و رحت شفت حاجة وحدخرة ، جات وحد المرا كبيرة شحال. نحبها كل يوم وكي انها قتلها مرحبا بيك ، قتلي كياركي و هديك الهدرة و قتلي نحب نشرب قهوة هنا و سوغتو نتي و المعاملة تاعك ، تبسمت معاها و رحت ديتها تقعد و حطيتلها واش خصها ، فات نهار كيما نقولو مدڨدڨ و رحت. للدار قست روحي ديراكت نرقد ، شحال توحشت دارنا غير البارح كنت نصيب كلشي واجد و نزيد نتقلش دروك لازملي نخدم باس ننجح لازملي نخدم باش ناكل ، نخدم باش نشري و بزاف صوالح و الحمد الله ______________ نتلاقاو مور الباك 🥺 ، دعولي نخدم و نديه بمعدل ممتاز ، المهم تهلاو في رواحكم يلا صبت وقت حانحط بارت جديد و يلا مصبتش حتى 13 جوان
