أحببت شخصا لا يعرفني🇩🇿

الحلقة 20

دخلت هي منبعد شويا و دخلت انا و مروة رحنا قعدنا ، شافني ريان كيما هكا جا يجري عندي قالي مالكي، قتلكم عزيز عليا بزاف و يعرف مين منكونش غايا، جات سارة تاني ، قلتلهم لا حكمتها نوبة هدا مكان ، انا قلتلهم مكان والو تصرالي مداري، طلعت راصي صبته اونفاص ليا يشوف فيا، معرفتش علاه يشوف فيا بطريقة انورمال، نظن توسوس من الساع واش صرا، المهم ريان قالي نديك سبيطار قتله لا نورمال مكان والو ، فاتت ديك الدقيقة منبعد قالتلي ماياري نعرفك على سفيان قالتلي هادا هو سفيان لي خبرتكم عليه داك نهار و هادي بنته أميرة راحت رفدتها ، توريلي فيه بصح قعدت تبكي باسكو عندها رهاب ، من صغرنا مسكينة هكا راهي باينة علاه باسكو ماعندهاش الأم لي تمدلها الحنانة، أيا راحت رجعتهاله ، منبعد قالته هادي أناغيم قالي متشرفين قتله يسلمك حتى نتا، قعدت نشوف في بنته ، تشبه بزاف ليه ، مي بلوندا و شحال تحلى ، من جيهة نقول بنت مرا وحداخرا نحقد ، نغير، مي ملاك منقدرش نكرها، قلتله نقدر نرفدها ، قالي واه نورمال ، رحت قدمت ليه رفدتها من عنده  ، قعدت تشوف فيا بوحد النظرة ، مع لولة بكات مي تمتم سكتت و حطت راصها عليا ، هو والله تشوكا كيفاه ڨاع بكات عندهم و انا سكتت عندي ، قاتلي وحدة منهم من لي جاو نتي برك سكتت عندك ، انا عنقتها و قعدت بلاصتي و خليتها ، شفت فيه نشوف يلا يشوف فيا، و نيشان صبته يشوف فيا ، و يشوف في بنته ، جا عندي ريان قالي راكي مليحة ، قلتله واه دروك راني غايا ، تبسم معايا و قعد حدا مروة يشوف فيها و يتبسم بلعاني يغير فيها والله ، نطق وارن قالنا نكومونديو العشا من برا شاتاكلو أيا كل واحد و شا طلب ، قعدنا مجمعين حتى صبت أميرة رقدت ، نضت رفدتها قلت نديها عندي ترقد حتى جا عندي قالي مديهالي نديها باش متغبنكش ، مبغيتش نقوله لا مشي من لولة نبدا نشيت، مديتهاله، و قاتلي مروة روحي وريله وين شومبرته قتلها اوكي، شفت فيه ، غير بعينيا مقدرتش نحكي ، تبعني هو مورايا و انا نتمشى القدام ، مين وصلت قتلها هنا شومبرتك ، قالي ماغسي، جا رايح منبعد حبس بغا يقول حاجة مي حبس و راح دخل ، معرفتش واش كان بايقول ، انا صاي قلبي بغا يخرج من بلاصتي من كثرة لي ضرب فوق حده ، دخلت شومبرتي غير حداه ، شفت روحي ف مرايا صبت روحي طوماطيس، يا حوجي كنت قدامه كيما هكا ، صاي باينة توسوسلي تاع بصح هاد الخطرة ، روحت قست روحي فوق بلاصتي ڨلعت فولار و قسته في لرض ، بقيت نشوف في السقف حتى غفيت