❌❌ لا أسمح بنقل حرف من روايتي و إلا سأتصرف بطريقة قانونية
رواية ، الجزء الأول(الحلقات الاولى) حقيقي من بنت أمريكية صديقتي ✅
و الجزء الثاني من تطويري
أناغيم و سفيان، قصة بنت تحب واحد ، هو مايعرفهاش، راح يبادلها الشعور؟ ، هل يوجد لقاء بيناتهم؟، كيف...
مور ما تلايمنا ڨاع جا وارن يوصلنا باسكو عنده لوطو كبيرة ترفد، كيشغل صاريلها كيما bus ، و جايا كيوت ، علابالي اسمه جاي بيزاغ تحسب وهران أصلا انا نعايره كيما هكا ، المهم ركبنا درنا صوالحنا مع رول، انا قعدت وسط ماياري و ريان ، وحدا ريان مروة و القدام تاني كاين شحال من بلاصة المهم شفت مروة ماهيش مليحة ڨاع مڨلوبة، و راني عارفة علاه ، من الغيرة، و هادي ني خايفة تخسر بيناتنا ، تاك تولي تتحس بيني و بين ريان، بانتلي نحكي معاها مي مور ما نكونو وحدنا و زيد بدات تبعد عليا ، نخاف تفهمها حاجة وحدخرة و عندها الصح ، تبغيه كون جيت في بلاصتها ندير كثر من هاك ، المهم مقعدناش بزاف و وصلنا ، الفيلا شحال شاباااااا حبيتها بزاف جايا كبيرة بزاف ، من برا جاردان ، كيما هدوك لي نشوفوهم في المسلسلات و مين دخلنا تاني فمي حليته فيها شحال من شومبرة ، لي سيليباتاغ دايرينلهم سرير فوق سرير ، ''superposé' و لي كوبل دايرينلهم سرير تاع زوج ، باسكو كاين لي متزوجين وجاو معانا و كاين لي كوبل ، انا ديراكت روحت حطيت صوالحي مالغري بغيت شومبرة وحدي و مين عندي زهر بقاو زوج شومبرات وحدة هاداك صاحبهم و بنته معلاباليش يلا يجو ولا لا ، وحدة بقات جايا لاسقة فزاوجة قلت نروحلها ، دخلت فيها جاية كبيرة تاني فيها كلشي و تطل على لابيسين دايرينها في وسط الحشيش ، المهم منظر منقدرش نوصفهلكم من كثرة لي شباب ، حطيت و فرزت صوالحي و قست روحي نريح كانت الساعة 6 تاع العشية و النهار مزال راه مين رانا في الصيف ، قلت نوض نبدل قشي و نهود نشوفهم شايديرو ، لبست حاجة خفيفة و درت فولاغ لهاد الطريقة باسكو سخانة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
