___________أحببت شخصا لا يعرفني _________
ملاحظة: بارت اليوم قصير و ما كتبتش ، باسكو انفعصت من يدي ، حا نسيي نكتب يلا قدرت نطلع، العوائق راهم غير يجو باش مانكملش بصح انا صاامطة مكانش لي يقدر عليا
___________________________________
نضت و حليت عينيا على يد مروة تديرلي في الما في وجهي ، شفت مليح صبت روحي في شومبرة مشي تاعي ، قتلهم تاعمن هاد لاشومبغ؟ ، قالتلي ماياري تاع سفيان، قتلها علاه راني هنا. قاتلي مفتاح معرفناش وين راه على هادي دارك هنا، قلتلها دارني ؟ ، قاتلي ايه هو رفدك جابك هنا ، نضت من بلاصتي و تنفست مشي فاهمة و تنهدت من قلبي ، اوووووف، ناضت ماياري بلعت الباب و جات قعدت حدايا هي و مروة ، هوما برك كانو هنا ، قاتلي بصح نتي حمارة علاه طحتي، قتلها سما انا نوحي ولا شاه؟ ، قاتلي مفهمتينش ، نتي مين سمعتي بلي با يتزوج انخلعتي، بصح في باطل، قتلها قبل كلشي كيفاه هادي يتزوج و معامن؟ و علاه مقتيليش؟؟، تبسمت قاتلي متتقلقيش تاك نفهمك ، دارت عند الباب تتأكد يلا راه مبلع ، و جات تحكي بشوية، قاتلي انا جبدتله باش يتزوج، قتلها معامن؟! سمعنا طبطيب تمتم ناضت و سڨمت روحها راحت حلت صابت ريان و سفيان و سارة، دخلت سارة و ريان يجرو عندي يسقسو فيا، قتلهم مكان والو ، نضت من بلاصتي ، جا سفيان قالي صفا؟، هزيت راصي و تبسمت قتله مغسي، قالي عادي مدرت والو ،
انا مقدرتش نشوف في وجهه مزالت الصدمة فيا ، مي حسيته با يقول حاجة ، بصح م الغيرة لي عماتني مديتهاش فيه و رحت خرجت حليت شومبرتي و دخلت بلعت ، قعدت عند الباب ركزت عليه و نخمم ، منبكيش منبكيش مشي كل يوم، عييت كي نقنع في روحي باش منبكيش بصح والو قعدت في لرض و بقيت نبكي، هاد العام شحال بكيت فيه من لي جيت تاني ل هاد الفيلا و انا نموت كل يوم من الغيرة و زيد دروك يتزوج! ، بقيت نشهڨ من قلبي ، منبعد استغفرت و نضت و انا مازلت نندب ڨلعت قشي و لبست غوب قصيرة و رحت رقدت ، شحال و انا الدمعة تطيحلي حتى حسيت روحي غفيت،
___________________
اليووووووم عيييييد مييييلادييييي ، في ليل نكتبلكم وعععد
أنت تقرأ
أحببت شخصا لا يعرفني🇩🇿
Romance❌❌ لا أسمح بنقل حرف من روايتي و إلا سأتصرف بطريقة قانونية رواية ، الجزء الأول(الحلقات الاولى) حقيقي من بنت أمريكية صديقتي ✅ و الجزء الثاني من تطويري أناغيم و سفيان، قصة بنت تحب واحد ، هو مايعرفهاش، راح يبادلها الشعور؟ ، هل يوجد لقاء بيناتهم؟، كيف...
