أحببت شخصا لا يعرفني🇩🇿

حلقة 3

المهم انا الصراحة زعفت منه ديك دقيقة و حرق تلفون عليا ، مي مع الوقت رجعنا نورمال و سمحتلو و هادي تاني غلطة درتها ، فاتت ليام و الشهور و جا وحد النهار لي دخلت في التلفون قاعدة نكونيكتي حتى بانتلي نروح نشوف الإيميل لي مدهلي اسكو نقدر ندخل فيه، أيا بديت نسيي في ليموتباس من عندي ، كل خطرة نسيي كل خطرة حتى صبت موتباس نيشان و انفتح الإيميل ، و يا ليته لم يفتح ، دخلت صبت الكوارث الكوارث ، عندو شحال من كونت يحكي مع شيرات، عنده آزار ، المهم كارثة و خلاص، انا تم حكموني جنون صاي ، رحتاه و دابزته و هو محبش يستعرف قالي بغيتي تسحريني علاه دخلتي في الكونت تاعي تاك تديلي تصاويري انا ولافامي ، المهم ديك ليلة انا في طريق و هو في طريق ، و راكم تعرفو!! فاتت ليام و عاود رسلي و يحاول و شاكاين و شا مكاش، و رجعنا و سمحتلو، جات العطلة و كملت القراية رحت عند جدتني ديك الليلة نبات مع بنات عمتي و عمومي ، حتى وصلني إشعار في التلفون مور ما دخلت بالسناب باي كاين واحد حل كونت جديد بنيمير راه عندك مسجل في تلفونك (، لي يعرفو لسناب يفهموني) ، المهم شفت هداك النيميرو صبته تاع أمير زاوج !!! ، رحت حكيت لبنت عمتي قاتلي متققلقيس تاك انا نرسله من كونت زاوج تاعي و نشوفو اسكو هو ولا كاش واحد برك حال بنيميرو تاعه ، انا قتلها اوكي ، جا ليل و عيطتلي قاتلي اجري راه اكسيبتاني و رسلي ميساج ، قوله ارجاي خليني نحكي معاه انا و نشوف اسكو راه نايض و لالا ،  حكيت انا معاه من عندي و قالي راني نعسان و مريض منيش قادر و غدوة نصبح خدام خليني نرقد قتله يا سيدي معليش روح تريح و بونوي، قالي اوكي