أحببت شخصا لا يعرفني🇩🇿

الحلقة 38

كانو كامل لاهيين و أنا نشوف في مروة و ريان من البعيد راني نشوف فيهم متناقشين و مروة حاطة راسها منبعد عرفتها تنارفات من وجهها، بصح مين شفتو عنقها و هي تاني ، ضحكت ضحكة حسيت روحي أنا في بلاصتها ، كامل شافو فيا مين ضحكت و دورو ريصانهم وين ما كنت نشوف ، ماياري توغت ، وارن شرڨ مين كان يشرب في الما، جوليا حلت فمها ، و سفيان.. سفيان علاه نهدرو عليه؟ هو بلا مشاعر حاجة ما تاترش فيه، دارت عندي ماياري قاتلي حكيلي آنآ حكيلي ، قلتلها كالمي روحك و قعدي ، قعدت في بلاصتها قتلها يحبها قتلك يحبها ، قاتلي قولي والله هو قالك؟؟ قتلها وعلاه رحنا ساع؟، ردت عليا ، اااه طبيب، هزيت راصي و قتلها بصح متتقلقيش مزال منعرفو شاصرا و ماتبينوش تاني، حتى هوما يجو يقولولنا ، سكتنا مين جاو قعدو في بلايصهم ، مروة وجهها حمر من الحشمة و ريان فرحان، شحال فرحت له شفت فيه دىتله بعيني واش! ، غمزلي و تبسم، شفت في مروة صبتها حاطة راسها ، تحمحمت ماياري و دارت يديرها عند وجهها و ركزت على الطابلة و بقات تشوف فيه و في مروة و تتبسم، شاف فيها ريان قالها شاكاين؟؟، قالته لا والو ، هز راصه ودار يديه عند عينيه ، و قالها صح صح تاك نخبركم ، اا، انا، اا، وارن عطاه ضربة للظهر قالها مالك كليت لسانك، ماياري عينينا غير في ريان و مركزة من قلبها راحت فرغت كاس ما و مدتله و هي مركزة ء شحال تضحك، شرب الما و حطه، و قالنا، أنا و مروة احم، مكملش هدرته ناضت ماياري و وارن، وااااااااي و يصفقو و راحو يعنقو فيهم ، ماياري عنقت مروة. و تقولها مبروووووك مبروك، و هو مامبا ماكملش ، بصح كلشي نسيته مين شفت صحبتي فرحانة ، فرحت فرحت من قلبي ، شافت فيا و عينيها يتبسمو تبسمت معاها ، راني باغية نوض نعنقها بصح مشي دروك منبعد و نقتلها بالتعناق نخلي شوية هيبة للميسيو، نضنا ڨاع باش نروحو باسكو كملنا ، جاو ليكيب تاع الساع لي راحو تلاقينا بيهم ، ركبت في البوس بصح هاد الخطرةة مقدناش البلاص بقيت أنا وحدي ماطلعتش، باسكو كامل جاو هاد الخطرة. و كاين لي راحو في لواطاهم، حتى سفيان بلوطوه هو وبنتي، اا بنته حقا، مين ماصبتش البلاص شافتني ماياري نزلت قاتلي روحي مع سفيان ، قتلها لا لا روحي نتي معاه و أنا نروح معاهم، قاتلي بصح راه يقارعلك قتله غادي تروح معاك، قتلها هو كي عرف علاه تقوليله يقول عليا لاصقة، قاتلي مايقولش أصلا هو لي عرض عليا، انا غي حكيت برك قالي قولها تجي معايا كاين بلاص،، تنهدت علابالي ماقال والو غير باش نروح وعلابلي تكذب باش نروح معاه ، دورت راصي صبته يقارع في لوطو قتلها صحا صحا  سلمت عليها وجيت رايحة ، بغيت نركب من لور بصح صونا بكلاكصون قالي طلعي قدام، طلعت و قتله سلام ، سمعت أميرة مين صفقت بيديها و جات تبوس فيا درت عندها و سلمت عليها ء قاتلي تجي معانا؟، قتلها ايه نجي، قاتلي تولي تعيشي معانا، سكتت، قالها أميرة خليها و رجعي بلاصتك سكتت هي و رجعت بلاصتها ، و قلع ،،، بففف فاتت عشر دقايق و مهدرش حرف و أنا جاية من النوع لي ساكت كون ميهدروش مانهدرش ، و هو كثر مني، وليت نتخيل الاحلام تاوعي قبل ما نرقد قبل مانوصلو باسكو نهبل يلا قعدت نقارعله يهدر، تفكرت أميرة ملي قالها سكتي مهدرتش و مبانش حسها ، دورت راصي صبتها حاطة راسها على التاقة و ساكتة ، خطراتش نحس عندها 20 عام ، فطنتني مين صبت دمعة طيحلها قلبي انقسم، نطقت قتلها ، أميرة ، مردتش عليا، عاودت ، أميرة!، شوفي فيا، دورت راصي عند سفيان ، مالغري بغيت نموت بااحشمة باسكو أول مرة بانهدر معاه انا لولة بصح على أميرة ننسى الحشمة، قتله سفيان شاف فيا و هز راسه، قتلها حمبوك تقدر تحبس لوطو !، طلع حاجبه مشي فاهم منبعد قالي اوكي بصح مشي ب فمه باسكو "صُـــمٌ بُكْمّ "، غير براصه برك و حبس لوطو ، ڨلعت السبتة و حليت لوطو و رحت رول عندها و جبدتها عندي درتها في حجري و مسحتلها دموعها قتلها علاه راكي تبكي ، قاتلي بابا ميحبنيش شفت فيه سبته يشوف فينا من المرايا لي القدام مين قالتلي هكا غمض عينيه و رجع راصه على الكرسي حطهم ، علابالي يحبها بصح ديفوا مايعرفش يتعامل معاها ، قتلها نقولك سر؟ قاتلي واه، قتلها أنا نغير منك ، قاتلي علاه، قتلها باسكو مكانش أب في هادي الدنيا يحب بنتو كيما باباك نتي، قاتلي بصح هو دايمن يقولي لا، قتلها مين يقولك لا راه عارف بلي حاجة ماشي مليحة و خايف عليك، قاتلي نتي مشي مليحة؟ ، قتلها كيفاه؟، قاتلي أنا ني حابة تجي معانا تعيشي و هو قالي آنآ متحبش و زي، أميرة سكتي ، قاطعها سفيان مخلاهاش تحكي، بصح هي كملت مداتهاش فيه، قاتلي و زيد مين قتل.. هاد الخطرة في زوج خفنا ، ضرب بيديه الفولو و بدا يزڨي ، أميرة راني نقولك سكتي ، أنا و خفت منه مابالك طفلة صغيرة لصقت فيا قاع عنقتني خايفة عنقتها و شفت فيه بنظرة تاع صاي قوييت، قتله سفيان مشي كيما هكا تحكي معاها راها طفلة صغيرة ، قالي بنتي انا نعرف كيفاش نربيها، قتله ايه بنتك بصح متفهمش هكا لازم غير ب، قاطعني قالي بيني و بين بنتي آنآ متدخليش روحك، والله ما نسكت راني عارفة علاه راني ندير هكا و على أميرة نقلب الدنيا راني مديتلها وعد يا لوكان نكرهو بعضياتنا يا سفيان مانتفاهم معاك على أميرة ، قلتها في قلبي بيانسور ، قدمت عنده و شفت فيه و هدرت بزڨا كيما هدر معايا، قتله راني نقولك تهدر معاها غير بشوية تفهم ولا لا؟؟، راهي طفلة صغيرة مين تكبر يولي عندها صدمةتاع الطفولة و زيد راه عندها رهاب إجتماعي مالازمش تزقي عليها، سكت شوية ، منبعد قتله ، دقيقة! مداري تعاملها هكا؟ ، دار عندي و عينيه حمرين، قالي راني نقولك متدخليش روحك، عيطت عليه قتلها ندخل روحي كيما تخاف على بنتك ، أنا تاني نخاف على أميرة ، قالي أنا بنتي نتي شا تكوني!! ،ااا؟ شكون نتي؟، يماها؟؟، متدخليش روحك في صوالح خاطيينك
____________________
شفتو واش دارلي نسيبكم؟ غاضتني عمري بانتلي نطلقه،😭💔، قلبي انقسم، بصح والله يا سفيان غير تندم قارع برك ، دعو عليه ، خرجوووووه عليا ميكخوب 😭