كانت تسڨم في روحها عند المرايا مور ما لبست قشها ، اليو م تروح للجامعة باقيلها هاد العام و تتهنى من القراية ، بدات تدير في ماكياجها ولات تبان بومبا ، سمعت تفلونها يصوني عرفت بلي راه يقارعلها ، قالها مين نعيطلك هودي نوصلك ، شافت روحها في المرايا و خرجت مور ما سلمت على أحلام و دات معاها أميرة يوصلوها تاني للحضانة ، صابت لوطو عند الدار طلعت فيها ، بقا يشوف فيها من تحت للفوق مشنف منبعد دور وجهو و قلع ، وصل أميرة نزلتها هيا و دخلتها حتى للداخل سلمت عليها و خرجت طلعت باش يوصلها ، قلع هوا و نفس تعابير تاع وجهو تحسب رافدها فوق كتافو ، شوية و نطق قالها نتي رايحة للعرس و لا تقراي؟؟، دارت عنده راه يهدر معاها!! ، جاوباتو قاتلو علاه غير الخير مالي؟؟، حبس لوطو و دار عندها شدها من يديها ، راكي مرتي دروك!!! منقبلش يجو يهدرو يقولو مرت فلان دايرا تبهدايل ، نترت يدها منو و قاتلو مكان مادخلك لهى في حياتك و مكانش لي يهدر فيا أنا دايرة قيمة لروحي ، و نلبس و ندير ماكياج و كيما نحب ، بغيت ولا مبغيتش خبط راصك على الحيط، هو جنو و جن لي يردلو الهدرة قدمها لعندو و بدا يمسح في الغوجالاڤ بالسيف وهو يعاير فيها ، عيات كي تبعدو مقدرتش كي الحلوف 🥲، مور ما مسحلها الغوجالاف جبد لانجات و مسحلها وجهها ڨاع و قاسها و قلع لوطو
سفيان: والله و نصيبك دايرة قطرة ماكياج غير نقتلك تفهمي ولالا!!!!!
آنآ: اقتل و لا اقعد منسمعش بيك من تالي (قالتها تحت نيفها باش ميسمعهاش)
سفيان: (و هو يعيط) تحبسي ما تمتمييييي ولاااا لاا ***
آنآ: علاه أنا كاش ما قلت!!!، أستغفر الله كيداير
حبس لوطو مور ماوصل للجامعة مين بغات تهود حبسها قالها مديلي الصاك،
آنآ: نملك الصاك؟؟ لا مانمدش
خطفلها الصاك حله و خرج ڨاع الماكيياج لي رافداته معاها عارف بنت و ترفد معاها و عارف مين يروح تعاود تدير من موراه على هادي داهم و رجعلها الصاك ، هيا مادارت حتى ردة فعل تبسمتلو و دات صاكها و هودت ، غير هودت شافهم ڨاع يشوفو فيها من رجال لي برا ولي يقراو تما، سمعت واحد يعيطلها دورت راسها صابتو واحد يقرا معاها و جزايري وسمو كريم ،
مدلها يديه و دارلها سلام
كريم: صافا نونو
آنآ: الحمد الله الزين واش قلتلك على نونو نتا !!!
ضحك و رد عليها: ياخي عادي نحب نعيطلك هكك ، شكون لي وصلك؟؟،
آنآ: زوجي
دور راصه مخلوع
كريم: واااش؟؟؟ راجلك؟؟؟ من وينتا؟؟؟؟ وينتا تزوجتي ، اووو
هود عند كرشها و يهدر
كريم: ماتقوليش راكي دايرتها؟؟؟ راكي اونسات؟؟
قبل ماتكمل هدرتها رفدها و بدا يدور بيها و يضحكو ، هودها و قاتلو لالا مزال مزال
هاد السيناريو كامل فات على سفيان لي بقى يشوف فيها كيفاش تضحك و كيفاش يشوفو فيها ، حتى و هيا بلا ماكياج ، و الحاجة لي كملتها مين رفدها الجنون طلعوله ، ضرب الفولو و قلع يخيط داير في بالو مكان مدخله كل واحد يلهى في حياتو و عندها لي تبغيه ، حبس لوطو في وسط الطريق يهدر معا روحو؟ و يلا كان هداك هو لي تبغيه؟؟؟ ، لالا مكان مادخلني أنا ، قلع لوطو للخدمتو عاود حبسها مين تفكر كيفاش كانت تضحك معاه ، سما هوا ياك؟؟ ، هز راصه يحلف فيها و قلع لوطو و هو مشنف لوحد الدرجة تحسب قتل واحد
دخلت للجامعة تلاقات مع مروة و سارة ، سلمت عليهم و عنقتهم و بدات تحكيلهم كلشي بالتفصيل الممل و هوما مركزين معاها، قالت له مروة تمدلها ماكياج يلا رافدة معاها
مروة: عندي واه بصح يلا كاش مدارلك؟؟
آنآ: واش بابديرلي تحسب بصح يغير
سارة: ايه و يلا راه يغير نيشان
آنآ: يرحم باباك اسكتي سارة و لهاي في ماثيو لي راه واقف اونفاص وحد الشيرة عينيها زروقة و شعرها صفر و راهي تشوف فيه
غير قالتلها هكا راحت تجري عندو و بداو يضحكو عليها ، مدتلها الماكيياج و دارتو
حبس لوطو مور ما كمل خدمتو يقارعلها باش تخرج ، كان منارفي لوحد الدرجة مين دابز في خدمتو ، فالحق هو دابزو✔️، دار فيه كامل الزعاف لي مشي عارف مين جاه ، شافها خارجة و تتمشى في غرضها تحسب عارضة أزياء (هو قالها مشي انا خاطيني)، بقى يشوف في لي يشوفو فيها تحسب جامي شافو بنت و زيد متحجبة!! خلاو كامل لي عريانات و بشعوراتهم و يشوفو فيها ، لي هبلاتو الماكيياج لي دايراتو لا و زيد الغوجالاف احمر و هي بلوندا ولات تآتيري من البعيد ،هنا صاي كانت باقيتلو ذرة تاع عقل بصح راحت ، هذا لا حلف فيها بصح ماراهيش تخاف ، طلعت و بلعت الباب حكمها ديراكت من رقبتها قدمها لعندو زير على وجهها و هو يهدر و يعيط
سفيان: مشي قلت ل$$ متديريش الماكيياج ، مانيش نبان أنا؟؟؟؟ عجباتك هكا يشوفو فيك ياااك ؟!!، تبغي مين يولو يسكانو فيك ، بدا يهدر و يضرب فيها للراص بيدو و هي غير ساكتة ، عارفة روحها غالطة و زادت خافت مين عرفت بلي نيشان راه منارفي و مين يتنارفا ميوليش بنادم ، دمرها و قلع لوطو و هو يعيط عليها، والله ماراني طالڨك لي يشدلك يديك لي يشوف فيك لي رافدك و يدور بيك والله نربيك من جديد
ردت عليه قاتلو أنا مربية عليك الحمد الله يا ربي ، حبس لوطو و بدات حلقة جديدة تاع معايرة و السب ، نخلوهم مدابزين مشي خييير ، و لا مدابزها ✔️✔️
حبس لوطو عند الدار هودت هي تجري علابالها اليوم يقتلها ، حلت عليها أحلام الباب صابتها هكا انخلعت
آنآ: خزنيني خفيبيي قوليلي وين نخزن اليوم يقتلني
مكملتش هدرتها دخل هو يجري راحت للشومبرة تجري بلعت الباب راح موراها يطبطب في الباب ، حلييي آنآ حلي و لا نكسره،
هي مداتهاش فيه راحت بدلت و لبست غوب قصيرة و طلڨت شعرها وهو يعاير من برا ، حلت الباب مور ما كملت شدها من شعرها و دخلها و بلع الباب ....
أنت تقرأ
أحببت شخصا لا يعرفني🇩🇿
Romansa❌❌ لا أسمح بنقل حرف من روايتي و إلا سأتصرف بطريقة قانونية رواية ، الجزء الأول(الحلقات الاولى) حقيقي من بنت أمريكية صديقتي ✅ و الجزء الثاني من تطويري أناغيم و سفيان، قصة بنت تحب واحد ، هو مايعرفهاش، راح يبادلها الشعور؟ ، هل يوجد لقاء بيناتهم؟، كيف...
