أحببت شخصا لا يعرفني🇩🇿

الحلقة 18

عاودت ماكياجي مور ما صليت و لبست و هودت صبتهم متلايمين قاعدين ڨاع كي الصالة ترفد فرنسا و يبقى البلاص ، المهم مين دخلت ڨاع شافو فيا ، شحال نبغي كيما هكا نولي نآتيري و كامل يشوفو فيا، عيطتلي ماياري قاتلي قعدي حدايا قعدت و من جيهتي مروة تاني ، بقينا مجمعين حتى قال وارن لمايا  علاه ماجاش ، قاتلو لا قالي نجي ، عيطتلو شوية هكا و قالي راني قريب ، نظن تحكي على كاش واحد و لا هداك الراجل لي قالو عليه مرتو ميتة، والله ننسى و نتفكر بنته مسكينة كيفاه راهي بلا يماه زعما تشرب تاكل عندها الحنانة؛؟ قاتلي مروة شكون هادا لي راهم يحكو عليه قلتلها والله ما عرفت ، قاتلي نظن هداك تاع داك النهار مين كنا قاعدين قتلها واه هو، تفكرت بلي كنت حابة نحكي معاها قلتلها نسيت بغيت نهدر معاك قاتلي واه شاكاين قلتلها بصح مشي هنا ، قاتلي صحا ارواحي نروحو غادي انا نروح لولة و نتي تبعيني ، نطقت هيا قالتلهم وين جاي توالات نعاودها بلاصة و قالولها دور على ليسرا ، راحت شوية و نضت قلتلهم با نحكي مع ختي راهي تعيطلي، رحت عندها صبتها واقفة تقارعلي عند الباب تاع الخرجة ، قلتلها تحبيه !!! مفهمت والو مسكينة ، قاتلي شكون هادا ، قلتلها ريان! سكتت ، قتلها مروة علالبي تبغيه راهي باينة من عينيك مكان لاه تقولي لا و تلعبيها خاطيك ؤ قالتلي ايه نحبو مالغري منجموش خطراتش بصح نعشق فيه ضحكت قلتلها مالا نتي مشي تقعدي تدابزي فيه ، تبدلي و هظري نورمال خليهم يبغيك ، قاتلي لا مشكيتش يبغيني ڨاع ، وزيد بانتلي يبغيك نتي، قتلها على هادي جيت نحكي معاك. والله ريان مايحبني ، دايرين كيما ختو سوغتو مين حكيتله على سفيان غضتو يبغي يعوضني و ينسيني برك، قاتلي علاه علابلو،! قتلها وي حكيتلو، على هادي متتوسوسيش، قاتلي صحا نصحيني والله نحبو ضحكت عليها شحال ضحكتني تلعبها متبغيهش سوغتو هي تقولي خاطيني هاد الصوالح ، مين جيت باش نحكي صونا الباب درت قلتلها دقيقة نشوف شكون ، رحت مين جيت باش نحب الباب و شفت شكون ، قلبي طاح ، طاح طاح طاح ، جمدت في بلاصتي ، بياضيت ، صفاريت ، صبت هداك الراجل رافد بنتو ، ورافد لافاليز تاعو ، بصح شكون! هو!! سفيان!! هادا هو؟ ، صاحبهم؟ و انا ميتة عليه، كان قريب ليا و انا معلاباليش ، كيفاه مقالوليش ؟