أحببت شخصا لا يعرفني🇩🇿

الحلقة 7

كملت الباك و كانت اكبر فرحة ليا ، حسيت ب راحة كبيرة، فاتت دوك ليام و نكدب عليكم كون نقولكم مكنتش مقلقة من النتيجة، المهم، كنت قاعدة وحد نهار نطلع فالانستاغرام، و بديت نقرا على ليفوغماسيون تاع marketing , digital ، و هدوك صوالح مي كنت نقراهم باطل من اليوتيوب بيلاوما درت فوغماسيون نيشان، كنت كل يوم هكا نقرا منا و منا مخليتش حاجة؛ و بديت نحوس على التداول و البيتكوين كلشي ضربت عليه طلة مخليت والو ، و بديت نوجد الهدرة لي نهدرها مين يكرموني ، اييه واه متنخلعوش انا من النوع لي يسبق الأحداث ، كنت دايرا في بالي غادي نجيب معدل شباب و يكرموني ، والله والله يلا ديته يا شيرات ديتها و ديت أعلى معدل وطني ممتاز في داك العام ، يا ربي و كون تعرفو شحال فرحت و شحال توغت نهار لي عيطولي قالولي نتي لي دييتيها و شحال بكيت ، هداك نهار نبصملكم بالعشرة بلي أفضل نهار في حياتي ، ماما و بابا شحال فرحو حسيتهم بايبكو من الفرحة حتى ختي فوتت البيام و هيا تعرف تقرا عليا ، و خير مني مي في زوج دينا معدل ممتاز ، المهم عيطولنا قالولنا تجو لدزاير باش يكرموكم ، فاتت دوك ليام، و جا نهار لي نروح. ليه رحت انا و ختي و بابا و ماما ، خاوتي لخرين خليناهم عند جدي، ، كانت طريق طويلة قلعنا بكري ، مين وصلنا وحد الاستقبال وحد المعاملة الله الله ، الله يبارك عليهم ، و كرموني مع كامل لي داو مليح، مع وزير التربية و الرئيس، تحسبوني راني نزعق مي هادي هي الحقيقة ، مدولي الكادو برية فيها دراهم ، و مين جاتني فرصة قلتلهم ني حابة نكمل قرايتي في فرنسا ، و خليتها على ربي، رجعنا مور ما فاتت ديك الحفلة، و تبوريك تاع لافامي محبسش الحمد الله ، لايمت وحد الدراهم ، قلت لازم نبدا بيهم بروجي، درت فوغماسيون تاع ليزونڨل و ليفوسيل و الحواجب ، باسكو هادو مطلوبين ، و شريت تلفون أيفون ، مشي 15 لا غي 11 قد لي يصورلي غايا ، و بديت نخدم على روحي و نبارتاجي في الكونت لي حليتو ، أيا بداو يجو عندي ، شوفو شهر هاداك راح غير خدمة و دخلت دراهم والله ، هدوك دراهم رحت درت بيهم فوغماسيون تاع حجامة ، وليت غير انا في ديك المنطقة لي نديرها ولاو يجو عندي و دخلت دراهم،  و منبعد دخلت نقرا اللغات كيفاش نحكي بيهم درت فرنسية و انجليزية ، وليت نطير فيهم ، حتى وحد النهار عيطو ل بابا قالوله قبلو طلب بنتك تاع باش تروح تكمل قرايتها و عندها مقابلة مع السفير الفرنسي و نشوفو يلا يقبلوها ولا لا ، تبقى عليها ، وليت نسوطي بالفرحة و وجدت روحي شانهدر و شا نجاوبه حتى جا نهار لي نروح فيه المقابلة و ناس تصور و ڨاع ، أيا بدا يسقسي فيا علاه ني حابة نروح و واش الفايدة و شا راكي حابة تديري بيها ، و انا منيش من العاجزين ، خرخطته مسكين صابني عارفة كلشي على الجامعات و الاستاذة و شحال يقرو ، شحال يخلصو. ، المهم مين صابني كيما هكا مهتمة و عارفة قالي صيبون ، بالفرنسية بيانسور