أحببت شخصا لا يعرفني🇩🇿

الحلقة 54

في الحضانة لي في شارع كالم ، نهار كان جو  شباب و دافيي ، و الدنيا هادية، تسمع غير الزواوش و الحس تاعهم ، و الصغار لي يلعبو في الساحة تاع الحضانة ، و العساسة واقفين يديرو خدمتهم ، و الباب مكانش لي يدخل من غير تصريح ، في الساحة الصغار يجرو و يلعبو بالبلوطة و الدراجات الصغيرة بين ما أميرة قاعدة تحت شجرة تزوق في باربي كيما مسميتها هيا

في نفس الوقت لوطو في نواغ حبست حدا الحضانة حاجة ماتبان فيها بسباب الزجاج الفومي ميبين والو ، خرجو منها زوج رجال عاديين واحد كبير في لاج رافد جورنان و واحد رافد ساشي فيها حلوة ، رفد واحد فيهم تلفونه و يهدر بشوية
**الرجل الأول:** *(بصوت هابط)* وصلنا. واش لازم نديرو دروك

**أحمد:** أسمع، ما نحبش تعقدو الأمور. جيبولي أميرة بلا هدرة زايدة. إذا درتوها صح، مكاش لي راح يلاحظ. فاهم؟

**الرجل الأول:** * غمز لي رافد ساشي و يتبسم باش مايفيقوش ، فاهم. نكملو المهمة دروك
بداو يتحرك يتمشاو للباب حبسهم العساس انا ، جبد الراجل كارت فيها اسمو "كمال" مزورة ، فتح ليهم العساس الباب بلا حتى شك و خلاهم يدخلو
أميرة كانت مندمجة في اللعب ، البوبية تاعها تموت عليها و جامي خلاتها من يديها ، و المعلمة لي معاهم كانت بعيدة تراقب فيهم
قدمت المعلمة عند الرجال مور ما شافتهم دخلو و حكات معاهم   السلام عليكم. كيفاش نقدر نعاونكم؟

**الرجل 2:** *(يبتسم ابتسامة باردة ومزيفة)* وعليكم السلام. جينا ندو أميرة باباها عندو خدمة
شافت فيهم بشك ، راح الراجل يوزع الحلوى على صغار ،  و الشيباني يقارع للمعلمة   لي بدات تشك بصح قالت في راسها علاه تتوسوس مراناش في أفلام باش يخطفوها ولا ، شافت في أميرة لي كانت تلعب و عيطتلها باش تسمعها
المعلمة: أميرة ارواحي هنا ، هيا راهم جاو يدوك بنتي
رفدت راسها و تبسمت ،جات تجري ليها و هي رافدة باربي تاعها خايفة عليها ، وقفت عندهم و شافت في الرجال و ترددت

**أميرة:** *(ببراءة، تحاول تفهم)* شكون نتوما؟ وين آنآ؟
هود ليها الشيباني عندها باش يوصلها و هدر معاها و يتبسم : ماما راهي مشغولة حنا حينا قالنا سفيان نجو ،يالاه نروحو عند بابا ، نروحو؟
هزت راصها و مدتلو يديها: نروح عند بابا؟ ، بصح. آنآ قاتلي نجي نديك اليوم
غمز الرجال للشيباني و رفدها و هو يهدر معاها : اليوم استثنائي ، متخافيش هيا نروحو دروك
دخلوها للوطو و داروها في بلاصتها و الحزام عادي بلا نايبينو حاجة ، طلعو هوما و قلعو لوطو. حست أميرة بحاجة أمورمال مالغري صغيرة بصح خافت بدات ترجف

**أميرة:**   : قالت و هي ترجف:وين رايحين؟ أنا خفت...

رد عليها  : ما تخافيش، راح توصلي لعند بابا قريب غير سكتي برك .
بدات لوطو تتحرك بشوية و منبعد بدات تزيد خرجت من بلاصة لي كانو فيها و السكاني متوجهة لطريق مهجور من كثرة لي فارغ ، الجو بدا يثقال و يخوف فلوطو بالنسبة لأميرة و بدات تحس بالدوخة من كثرة الرعب لي بدات تعيشو ، في دقيقة خرج الراجل كتانة صغيرة من جيبو و قربها من وجه أميرة  ، بدات تبعد في راسها و تعيط و تبكي : لا! ماما، بابا.... وين راكم؟!
حكمها من وجهها زير عليه و قالها : سكتي! كل شيء راح يكون نورمال يلا سمعني الكلام ، كانت هادي آخر هدرة سمعتها قبل ما عينيها يولو ضباب، طاحت البوبية من يديها على الأرض و آخر شي شافتو هو الطريق و الظلام قدامها