❌❌ لا أسمح بنقل حرف من روايتي و إلا سأتصرف بطريقة قانونية
رواية ، الجزء الأول(الحلقات الاولى) حقيقي من بنت أمريكية صديقتي ✅
و الجزء الثاني من تطويري
أناغيم و سفيان، قصة بنت تحب واحد ، هو مايعرفهاش، راح يبادلها الشعور؟ ، هل يوجد لقاء بيناتهم؟، كيف...
من غير مايا لي قاتلي كيفاش هادي من البعيد! قادرة تتقربي منه دروك واش بيك، قلتلها لا انا غير شفتها بغيت نتغاشا ، قالتلي نورمال هادي مين لولة مي منبعد صاي توالفي ، قلتلي انا نعرف شاندير ، قلتلها واش؛؛ مين جات با تهدر عيط وارن يقولنا بلي العشا وصل ، خرجو هوما و انا رحت سڨنت روحي و الماكيياج غير لتم مايبانش بصح نبان شابة مالغري بلا بيه شابة ، راكم تعرفو راني عروسة جديدة لازم نسڨم روحي، شفت روحي ف المرايا و خرجت ، صبته خارج هو تاني من شمبرته ، جاي مشنف ، تمشى قدامي بصح انا دالي قلبي معاه علاه راه زعفان علاه! مي باينة علاه قالولي ملي ماتت ديك مزادش ضحك ولا فرح ، ، راح قعد في الطابلة لي ناكلو عليها و كان باقي بلاصة حداه رحت قعدت ، الصدف هادو بداو يعجبوني ، بدينا ناكلو و نجمعو حتى نطقت مايا قالتلها إميرة رقدت قالها ايه ناضت بكات شوية و رقدت ، قالتله يلا تعييك مدها لاناغيم ترقد عندها ، قالها لا مانديرومجيهاش و زيد راهي موالفة عندي غير مين تبدلت عليها' الدار تبكي ، انا هنا قلت لازم نحكي ولا نموت، قتله عادي خليها ترقد عندي حبيتها بزاف ، قالي لا منغبنكش ، نعل جدك قتلك نديها نديها ، لا قلتها في قلبي هادا مكان ، مين جيت باش نحكي جات تجري أميرة نايضة من رقاد بغيت ناكلها شحال كيوت ، هو دار عندها يقارعلها تجي عنده مي جات عندي و تضحك ، رفدتها و حطيتها في حجري شحال شابة يا ربي ، قعدت تهدر هدرة شوية معوقة مي فهمتها ، قاتلي زعما واش اسمك ء قتلها أناغيم و نتي اسمك قاتلي أميرة ، قتلها يا عمري اسمك شحال شباب ، قاتلي بصح! قتلها والله ، قاتلي بابا يقولي انا سميتك ، إياد يقولي نتي مشي أميرة ، قتلها شكون إياد هادا كيفاه يقولك هاكا قاتلي يقرا معايا ، قتلها لا نتي أميرة و اياد يغير منك ، قاتلي ايه و بابا شرالي ايميلي شعرها صفر و عينيها كيما نتيا ، قتلها ياا منبعد وريهالي نلعبو معاها ، شفت في سفيان صبته يشوف فينا بصح ڨالب وجهه علالبي تفكر مرته حبيبة القلب ، حبيت نقوله يخليها عندي مي خفت يقزعني ، مور ما كملنا كلينا نضنا قعدو مجمعين هوما مي انا بغيت نرقد مقدرتش قلتلهم انا نروح نرقد غدوة نشالله قالولي اوكي بونوي ، أميرة جات تجري عندي مين جيت رايحة لصقت فيا ، ناض هو ، الحب تاعي اححم، بايديها بغيت نعطيه صفعة ، مي هي قعدت تبكي محبتش تسكت قتله خليها عندي منبعد نجيبهالك ، محبش مع لولة منبعد قالي اوكي مدهالي و رحنا نرقدو دخلت لشمبرتي و قلعت صوالحي لبست روبة قصيرة باسكو السخانة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
_____________ هااي قيرلز ، علابالي لي بارت يجو قصار ، مي راني لي نكتبه نحطه ، سما على حساب المورال كي يكون داير و نكتب 🙂 آند ثانكيو ، باي ، بارتاجو لصحاباتكم جرووووو
