جات ليام و بعدت على الروايات و ركزت في قرايتي و كبرت و طلعت ليسي ، الحمد الله مولاش يجيني في بالي لانو بعدت و كان نسيت هاد الحكاية ، جا نهار لي تعرفت على شخص في سنابشات و كانت اكبر غلطة ليا ، تعرفنا كأي وحدين ، و انا كان خاطيني العلاقات مي هاد الخطرة غرني الشيطان و درت علاقة غير شرعية مالغري ولا مرة تلاقينا ، مي تبقا حاجة حرام ، طورت علاقتي انا و هادا الولد لي سموه أمير و حبينا بعض ، نوصفهلكم !
هو أشقر ماهوش طويل غير لتم و زينو عادي يعني ، معرفتش واش حبيت فيه؟، لا علينا حبينا بعض ، الصراحة انا هاذا الشير بغيته من قلبي ، و قعدنا مع بعض كثر من 3 اشهر باش حبيته نيشان ، مي مكانش واحدة من صحاباتي عجبها و لا بغاته
و قالي انا ولا مرة درت علاقة ، زعما ، زعما كيفي انا باسكو قتله نتا اول واحد في حياتي ، فاتت 4 أشهر و بدات الحية تبان. و الصوالح ينكشفو ، كنت نقرا هداك النهار في ليسي حتى وثاني ميساج من عنده يقولي صباح الخير رديت عليه كيراكي صافا حمدالله أيا هاد المرة محكاش معايا كيما العادة ، لافاصون انورمال ، قالي راني حاب نحكي معاك في حاجة قتله ايه تفضل واش كاين، قالي انا صاي عرفت بلي راني نبغيك و راني كاذب عليك محبيتش العلاقة تاعنا تبدا بالكذب، قالي انا كنت داير غولاصيون قبلك و كنت نبغيها بزاف مي ، أيا وصراو لي بروبلام بيناتنا و هي جامي حبتني و انا محبيتش نحكيلك عليها ، مي دروك تأكدت بلي نحبك و تعلقت بيك قلت لازم نصارحك ، انا الصراحة من جيهة غاضتني لأنو انا إنسانة نكره نكره البنيادم لي يكذب و يطيح من عيني و من جيهة عجبني من اعتارف ، قوله حتى فاتت 4 أشهر بانتلك تعترفلي! و تقولي الصح ؟ ، قالي سمحيلي و الله يلا نحببك و راكم عارفين هديك الهدرة تاع قاع الذكورة
أنت تقرأ
أحببت شخصا لا يعرفني🇩🇿
Romance❌❌ لا أسمح بنقل حرف من روايتي و إلا سأتصرف بطريقة قانونية رواية ، الجزء الأول(الحلقات الاولى) حقيقي من بنت أمريكية صديقتي ✅ و الجزء الثاني من تطويري أناغيم و سفيان، قصة بنت تحب واحد ، هو مايعرفهاش، راح يبادلها الشعور؟ ، هل يوجد لقاء بيناتهم؟، كيف...
