أحببت شخصا لا يعرفني🇩🇿

الحلقة 19

بصح وين بيعرفو بلي نحبو ، هو قعد واقف يشوف فيا ، مين صابني بياضيت ، طلع حاجبو مشي فاهم ، جات مروة قدمت عندي شافتني بيضة مين شافت شكون جمدت هي تاني تمتم فطنت و بعدتني قالته تفضل، هو مبعدش عينو عليا ، انا حاطة راصي وجامدة و حاطة يدي على قلبي ، الله غالب اي وحدة تصرالها هكا، نضن النوبة با تحكمني من الخلعة مقدرتش نتنفس، هو دخل و انا داتني مروة الكوزينة غسلتلي وجهي و مدتلي نشرب الما ، و انا غير نترعد و قاتلي كورجي شويا ، علابالي راكي مشوكيا انا تاني راني كيفك ، هاه ها راكي تلاقيتي بيه ، علابالي مشي ساهلة أناغيم بصح مشي طيحي راكي بينتيله و توسوسلك ، شحال وهي تحكي معايا باه تكالميت ، قاتلي هيا نروحو عندهم خير ما يتوسوسو ، قلتلها لا لا منقدرش نقابله ، قلبي راه يضرب بزاف و يدي ترعش ، صاي مخصنيش سفيان صاي، نرجع للدار ، نرجع لدزاير صاي  ، قاتلي لا نتي هبلتي والله هبلتي جاتك فرصة يا جدك، راهم يقولو مرته ماتت ، مشي تبعديه عليك ، و مشي نتي لي نقولك هاد الهدرة ياخي قلتي نديه نديه مالا وريلي شطارتك ، طاحتلي دمعة والله ، مقدرتش نشد روحي ، خفافيت ، غير صباح كنت نخمم فيه ، راه قدامي ، وكيفاه هادي مرته ماتت ، الشيرة صغيرة، قاتلي هدا مكتوب ربي ، و هو لي داها و نورمالمو تفرحي مشي تبكي ، قاتلي هيا نروحو ندخلو ، قتلها صحا مشي دروك ، حنا نهدرو و دخلت ماياري صابتني ب ديك الحالة، جات تسقسي فيا، قلتلها مروة ، لا غير حكمتها نوبة ، مداري تحكمها، انا مسحت دموعي باش مانبينش ، و زيد منبعد و نحكيلها باسكو راه آمي تاعها بروش، قاتلي هيا راهم يسقسو عليكم ، و زيد ارواحي نعرفك على سفيان ، قتلها صحا هيا