❌❌ لا أسمح بنقل حرف من روايتي و إلا سأتصرف بطريقة قانونية
رواية ، الجزء الأول(الحلقات الاولى) حقيقي من بنت أمريكية صديقتي ✅
و الجزء الثاني من تطويري
أناغيم و سفيان، قصة بنت تحب واحد ، هو مايعرفهاش، راح يبادلها الشعور؟ ، هل يوجد لقاء بيناتهم؟، كيف...
ركبت ف لوطو مور ما فوتت أصعب لحظة في حياتي ، أكثر من نهار لي رحت باش نتغرب على جال قرايتي ، مي هاد اللحظة أنك تشوفي باباك دمعة تطيحلو و يوصي و يعاود في الراجل لي راح تكملي معاه حياتك باش يكون سند ليك و يحبك و يديرك في عينيه و يماك لي شبعت بكا حتى راحو دخلوها للدار باش تتكالما، بيزاغ والله ، هاد العرس هوأغرب عرس عكس واش تتمناه أي طفلة و عكس واش تمنيت أنا ، خصوصا أنا شخصيا من صغري نحلم بعرس ولا في الاحلام و مع الراجل لي نحبو و نشوف ضحكتو و فرحتو بيا ، مي أنا لا! ، قلبي راه مقسوم لوحد الدرجة جامي حسيت بهاد الإحساس ، كنت لابسة لاغوب بلونش و حبيت نطلق شعري نواغ محبيتش نصبغه ، مع ماكياج لي نحبو أنا، تتخيلو عروسة مشي فرحانة؟ مع أنها دات لي كانت حاباتو، تتخيلو عريس مشافش مامبا في العروسة ، غصة حكمتني والله هاد الضربة حياتي كامل ماننساهاش باسكو العرس نديروه مرة في حياتنا ، و علابالي أنا لي خيرت هاد الطريق ألوغ لازم نكمل فيها ، كذبت على والديا قتلهم يحبني حتى. هوا أكبر ممثل ناجح ، يبينلهم يحبني و خايف عليا مي عينيه مدارهمش عليا ، معليش ، حكملي يدي يخرجني من تحت جناح بابا و بدا يوصي فيه ، مانتفكرش كامل واش قاله باسكو راني في عالم آخر حابة نموت و صاي ، حللي الباب تاع لوطو و ركبني ، قررنا نروحو هاد ليلة للأوتال و غدوة نروحو لفرنسا نرجعو ، الله ينعل نهار لي دخلت فيه للإنستغرام و شفت تصويرته و الله ينعل نهار لي حلمت بيه ، علاه حبيته علاه وانا كل دقيقة قلبي ينقسم ، سمعت لوطو قلعت ، درت نشوف فيهم يودعو فيا بيديهم ، درتلهم باي أنا تاني و عينيا دمعو ، منكذبش العرس كان شباب بزاف من ديكور من كلشي شباب حتى الكورتاج بصح الحاجة لي عليها الصح مكانش ، هو ، طلعت البرنوس من على راصي باش نشوف غايا و درته على كتافي ، ركزت على الكرسي فشلت ڨاع ، تنهدت من قلبي ، من اليوم حياة جديدة و مغامرات جدد ، الله أعلم واش يستناني، راني نشوف في البدية ماتبشرش بالخير بصح لازم نتفائل ، طريق كاملة و هو غير ساكت ماهدرش كامل أصلا يهدر و لا لا مدابيا ماينطقش باسكو نخسر معاه مين راني منارفيا ، قلت نغمض عيني باسكو طريق طويلة ، محسيتش بالوقت كامل فطنت على صوته ينوض فيا يقولي وصلنا ، حليت عيني صبت روحي راقدة على الكرسي و راجع للرول ، عرفت هو لي رجعه باش نصيب راحتي و نرقد آلاز، اممم مليح فيه حاجة تصلح ، شفت فيه صبتو يشوف فيا يقارعلي باش نهود ، حطيت كرعيا على لرض و مدلي يديه باش نهود ، شديت فيه باش مانطيحش منبعد طلقتها، لا، هو طلڨ يدي و سبقني للأوتال ، جاب المفتاح و طلعنا في لآسونسار ، وصلنا للشومبرة حلها ، كان فيها ديكور شباب بزاف و الورد الحمر حسيت روحي في مسلسل ، ڨلع هو الكوستيم تاعه لافاست برك قعد بالشوميز تاعه ، أنا قلعت البرنوس ، كنت مقابلة المرايا هاداوين شفت روحي نيشان كنت شابة بزاف بزاف
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
