أحببت شخصا لا يعرفني🇩🇿

الحلقة 51

حل الباب صاب آنآ تدغدغ في أميرة و تضحك تبسم لا إراديا عليها تمتم رجع التشنيفا ، دورو ريصانهم في زوج على الحس تاع الباب و بقاو يشوفو فيه دارو يشوفو في بعضاهم(أناغيم و أميرة) منبعد رجعو يشوفو فيه ، ناضت أميرة سڨمت روحها تشوف فيه كي هيا كي آنآ ، قوس عينيه فيهم سكاتهم يخوف ، قدم عند أميرة و حل يديه باش تجي عنده صابها خايفة منو ، قاتلو ياك ماتضربنيش؟؟ ، قالها علاه من وينتا نضربك ، جاوباتو كيما ضربت البارح آنآ ، حل عينيه تاع انا ضربتها؟؟ ، شاف في آنآ صابها تشوف فيه تضحك غير شاف فيها دورت وجهها دايرة روحها بريئة ، هز راصه صاي فقد الأمل ، قالها شكون قالك ضربتها ، قاتلو انا سمعتها تبكي ، قالها لا مكانتش تبكي كانت تضحك كنت ندغدغ فيها ء حلت أناغيم فمها و هدرت بشوية كذااااااب ، نطقت أميرة صح كنتي تضحكي؟؟ هزت انا راسها قالتلها ايه نيشان ، نزلت و راحت تجري عنده عنقاته رفدها و بقا يبوس فيها دار عند آنآ يهدر معاها بجدية كيما العادة ، تروحي تقراي؟ اليوم ، جاوباتو قاتلو لالا حتى غدوة و نروح اليوم راني حابة نقعد ، هز راصه و مد بوسة لأميرة و حطها ، قبل ما يخرج قالها اقعدي عاقلة هزت راسها و هي تتبسم و دارتله باي باي ، جا رايح شاف في آنآ نظرة تالية و خرج ، غير بلع الباب شدت قلبها تتنهد، شحال راه يضرب مالغري مشي أول مرة  يضرب مين تشوفه بصح اليوم كثر، طلعت عندها أميرة قالتلها واشبيك؟ ، تبسمت آنآ معاها  قالتلها لا والو ، تحبي بابا؟، حلت عينيها على وسعهم ، كيفاه ؟، قالتلها تحبيه كيما تحبيني أنا ؟، سكتت تخمم منبعد جاوبتها قالتلها ايه نحبو بصح نتي كثر ، ضحكت و عنقتها ، سمعت طبطيب و انتحل الباب تطل منو أحلام
أحلام: نقدر ندخل ؟
آنآ : ايه ارواحي كيفاه تسقسيني نتي مولات الدار
ناضت من بلاصتها حلت عليها الباب و دخلتها ، قعدت في السرير معاهم سلمت على أميرة و قالتلها روحي كولي رانا جايين حنا بصح كمليه!!، قالتلها صحا و راحت تاكل ، آنآ فهمت بلي راها حابة تحكي في سوجي وحدهم قعدت في بلاصة أميرة ، قد ما بلعت الباب أميرة ، دارت أحلام عند آنآ و تبسمت معاها ، شدتلها يديها و هي تهدر ، صحيتي بنتي , قوست حواجبها مشي فاهمة قاتلها على واش؟؟،
أحلام: على كلشي ، متفهمينيش غالط بصح ، سمعتك تحكي صباح ، منكذبش عليك انخلعت مين قلتي كلشي مش صح و هاد الزواج صوري ، فهمت بلي كلشي على جال أميرة ، مكانش وحدة دير كيفك و ضيع حياتها مع واحد ميحبهاش ، ياك ڨاع البنات يحبو يعيشو حياتهم و يفرحو مع الراجل لي يتمناوه ،
على هادي الهدرة طرطڨت بالبكا مزالت غايضتها كيفاش هيا صغيرة و شابة و كلشي فيها يتمناه أي راجل، بصح عرس مسڨم ماسواتهش!، كلشي دارته على جالو و يكرهها ، هي تشهڨ بدات تهدر و تحكيلها
آنآ: من لي كنت 16 عام و أنا نحبو ، و مش نحبو نعشقو، قبل مايكون يعرفها حتى ، و حتى و كون كان قريب ليا و مشي بعيد في بلاد وحداخرا مكانش عندي الجرأة باش نعترف تعرفي علاش! خفت عليه ههه ، خفت عليه يلا مشاعري مشي نيشان و ماخممتش في روحي ، انا انانية بزاف ، بصح كامل هكا و نحبو ،
حلت عينيها مخلوعة من لي كانت 16؟؟؟
أحلام: ك.كيفا.اه؟؟ ، وين كنتي تعرفيه؟ كيفاش حبيتيه و هو بعيد عليك
ضحكت هي وسط دموعها
آنآ: نحكيلك أوكي! مي تمنى تأمنيني باسكو حاتجيك بيزاغ حكايتي
هزت راصهاتسمع فيها و بدات تحكيلها ، كل ما تخبرها تزيد تنخلع ، أول مرة تسمع بقصة حب من طرف واحد هكذا، و أول مرة في حياتها تعرف معنى الحب نيشان بينتلها بلي مشي لازم يكون متبادل المهم انو تحبيلو الخير و نظام تحبيلو الخير ربي جامي يخليك تبكي يجي نهار وين تفرحي يا لوكان مع غيرو
عنڨتها منبعد قلتلها ارواحي ارقدي عندي ، تكسلت حطت راسها في حجرها و بدات تمسحلها

آنا: (تبكي) خالتي، مانيش كيفاش عارفة نكمل هكذا. هو ما يحبنيش، كل شي في زواجنا غير تمثيلية...

أحلام: (بحنان) يا بنتي، الحياة أحيانا تكون قاسية. بصخ لازم تتعلمي كيفاش تكوني قوية. الحب الحقيقي يحتاج تصبري والوقت

آنا: (بصوت مكسور) بصح أنا نحبه من صغري،  وهو حاجة ماعلابالوش بيها و يكرهني كيفاش نقدر نكمل هكذا؟

أحلام: لازم تكوني صبورة وتفهمي حاجتين. الأولى، إنك لازم تكوني صادقة مع نفسك. إذا كنتي تحبيه نيشان، لازم توريه حبك بالطريقة الصحيحة. والزاوجة، لازم تعطيه الوقت. فقدان زوجته مش سهل عليه.

آنا: (تبكي أكثر) خالتي، والله راني  خايفة. خايفة ما يكتشفش حبي ويبقى يحب مرتو ،

أحلام: (تمسح دموعها) يا بنتي، مش كل حب لازم يكون متبادل من البداية. أحيانا الحب يجي مع الوقت. كوني واثقة بنفسك وبإحساسك. وحاولي تفتحي له قلبك بالحنانة و سايسيه

آنا: (تنظر لأحلام) ويلا  ما تغير والو؟ و يلا بقى يحبها؟

أحلام: لازم تكوني مستعدة لكل الاحتمالات. بصح الأهم، أنك لازم تعيشي حياتك وتكوني سعيدة بنفسك، مش معتمدة على حب شخص آخر ليك. إذا كان قدركم مع بعض، راهي بيان راح تثبت لك هذا.

آنا: (تتنهد) شكراً خالتي. كلامك يريحني.

أحلام: (تبتسم) دائما هنا باش نساعدك، يا بنتي.
ناضت من بلاصتها و عنڨتها صراحة ريحت بزاف مور ما حكلتلها سوغتو مين هيا كبيرة و تفهمها ، و الحاجة لي فرحتها هي مين تقبلتها و جات معاها مشي ضدها و فهمتها ..

________ هاي بنات توحشتكممممم😻🥺
واش راكم واش حوالكم ، كاش قراية ، كاش بحر