🌹رواية هيام ما بين الغفران و الانتقام تكملة اجزاءها لفصلها التالت 🌹

Part 2 of part 41 saison 3 ✨

تتمة 41 ❤️ من فصل تالت 🥀

                       ❤️ عند احمد و صابرين❤️

......كسيرا يوسف و خلا وراه  احمد  مضارب مع حب قلبو قدام الموطور، مابغاتش تركب ليه بقات غير كتهرنن ليه و كتقفقف قداامو بداك الكاسك و بديك جلابة لي محزومة بفيسط ديالو، كان منظر جد مضحك و مع دالك كانو بجوجهم  مامسوقينش لحالتهم و غير ملاهيين مع بعضياتهم.. هو معصب باغي يخرج من درب خلاص قبل مايشووفها شي حد من رجالو و هي خايفة منو و مقصحة معاه راسها ...من بعد دقائق قليلة صابرين شافت حبيبها بدا كايهز يديه و بحالا باغي يضربها ... قررات تنطق  وهي كتشوف فيه بطفولية من وسط الكاسك و كتنخصص
  
صابرين( بخووف): مكنعرفش نركب فموطور ...عمرني ما ركبت فييه
احمد( بنضرة استغراب و هو مصدوم من هاد البنت لي قدامو، ؟!  اول مرة غايتصادف مع بنت عمرها ما ركبات فماطر و جاتو غريبة بزااف و رغم دالك عجباتو هاد القضية بزاف و غير مازاد فرح  فاش عرف بلي حبيبتو  اول واحد فحياتها غتركب معاه فموطور هو نييت..رجع نطق بجدية و هو كايتمنضر فملامح وجهها بحب بتخنزيرة خفيفة )

احمد:  وااش حتى كنششحف عاد كتهضريي..قوليها ليا من لوول

هزها ديك سااعة جلسها على الكوسان بخبطة ، خلاها تغوت بشوية بصدمة و تشد ليه كتفو و مخلووعة من هاد الجلسة ..و يلاه غايبغي يهز ليها رجل تانية باش يحطها فجهة لوخرى حتى كتبان ليه جلابة تزيرت ليها من جهة طرمة و داكشي عندها غير مزااد خررج واخا تغطا بلافيسط... بقا كايشووف داك المنضر بتخنزييرة و رجع شاف فيها بنفس نضرة كأنه كايعاتبها...، لقاها كترمقو بخوف و كترمش فيه عويناتها  بطفولية و كترجف وسط الكااسك، و هو ينطق معاها بنبرة معصببة 

احمد( بتخنزيرة ): عقلي مزياان على هاد  البسالة لي درتي ليووم ...راه مغادووزش لمك غا بااش تعرفي

صوتها تقطع  بالخللعة و بقات غير كتشوف فيه برجفة... كتخااف منو بلا تهديد و غير مازاد على مابيهاا بهضرتو و بتخنزيرتو ..حبيبها قادها فالجلسة و هي حداه غير كتشوف فيه   بعششق و قلبها كايضرب لهاد الوسيم لي مهتم بيها ...اما احمد فاش تأكد بلي راها جلسات مزيان و مغطيحش  مشا جلس حتى هو  فبلاصتو و ديمارا الموطور ديك ساعة و بنبرة آمرة  باش هضر و قلبو كان كايتسناها بفارغ صبر ديرها

احمد: شدي فييا

شاف صبيعاتها شدو ليه جناب قميجتو بشدة خفيفة و كايترعدو..و بدون شعور تقلق مع راسو و تعصب دغيا... كان كايتسنا شي تعنيقة منها كيف كايديرو ليه البنات تا صدماتو و كسرات ليه قلبو بهاد النفور لي راسمااه معاه.. و بلاما يحس شد يديها بجوج بعصبية و جبدها لعندو حتى لسقها مع ضهرو و لف ليها يدياتها بجوج على خصرو بقووة  و دوا بغضب

احمد : بحاال هكا كايشدو نااس

كسيرا ديك ساعة بسرعة ..بلعااني باش تزيد تزيير عليه من عندها و داكشي لي طراا...صابرين بالخلعة و حيت اول مرة غتركب شي موطور شداات فييه شدة العمى فضلمة و مابقااتش بااغة طلقوو..عنقااتو تعنييقة ديال قلب، خلاتو صاايك و قلبو كايفرفر و هي معاه خلااص غتمووت بسعاادة...ابتسامتها مافرقتهااش و طول رحلة كانت كتطلب ربي باش يكون نصيبها و ماديه ليها تا شي "عزبة"
يتبع....