🌹رواية هيام ما بين الغفران و الانتقام تكملة اجزاءها لفصلها التالت 🌹

Part 42 saison 3 ✨

🌹 رواية بغيتك من اول نضرة 🌹

الجزء 42❤️ من الفصل تالت🥀

                            ❤️ فالغابة❤️

فوسط غابة لي ف ارضها تدفنات فيها اكتر من أربعة جثث، كانو حقا ضحايا و مشاو ابرياء عند خالقهم، بسبب واحد لاغير... هو ان زعيم مافيا بغا وحدة و كايقلب على شكون لي غتاصبها..من ليلة اغتصاب حبيبتو و هو كايقلب على مول الفعلة.. المنطقة لي كانت قريبة لديك الغابة فين تغتاصبات صابرين على حسب اعتقادو  هو   تشطباات تشطيبة نييت... جميع شماكرية لي فيها و لي معروفين بلاغتصاب و مكبوتين ، تخطفو فطنوبيل من طرف "سعد و سهيل " .. تعرضو الإساءة و تعديب و عنف بجميع أشكالو باش غير  ينطق واحد  فيهم بجملة وحدة لي هي " انا لي غتاصبتها"...دازو من ايام جد مخييفة و مع دالك و  لاسف مزال حاليا مالقااوش المغتصب الحقيقي .. لي شدوه كاينكر و كايقول عمرني ما شفتها ولا قصتها "راني غير مضلوم" ...  تقتلو ربعة من بين 20 واحد لي تخطف ، بسبب العنف البشع لي كانو تعرضو لييه اما 16 لي بقاو.. 15 منهم سراحهم  تطلق فاش تأكد الزعيم بلي ماشي هوما المغتصبين و 1  لي بقا مزال حاليا محبووس و مابغااش احمد يطلقو... كايعتابرو هو المشتبه به الاول و مزال لحد الان نااكر ليه و مزال متشبت ليه بجملة " ولاهما انا".... قدام كوخ صغير فقااع الغابة مخبي ما بين الاشجار..و مخفي على العالم الخارجي بمعنى الكلمة .. تاحد ما عندو دراية على هاد المكان من غير احمد و يوسف و الضحايا لي جاو ليه و ايضا سعد و سهيل...اي مكان سري مختص بأي حاجة كتعلق بصابرين   ...كان يوسف فهاد الاتناء متكي على طنوبيلتو كايكمي ليه كيف العادة كارو و مستمتع باصوات العصافير لي ضايرة بيه من كل جانب و ايضا بالهدوء ديال  طبيعة لي هو من محبينها و قدامو رويحة مقرض فوق حجرة و حتى هو كايكمي بترعيدتو و شيطانو فجنبو خالعو كايتصنط ليه... كايقول ليه  بلي راه من ورا ساعة ولا سعتاين اولا كاع 5 سوايع مغاتبقااش على قيد الحياة و غتودع تودييعة خاايبة بشي قتييلة ماضايراااش....لاسف الخلعة تملكااتو ديال ببصصح و مابقااش قادر يصبر على هاد الوضع المخييف لي هو فيه...و على غفلة قرر يهرب و بلا ما يفكر لاح كاروه و ضربهاا بواحد جرية، خلا يوسف مزال وااقف فبلاصتو كايكمي بهدوء و كايشوف فيه بضحكة خفيفة باستهزاء

يوسف( كايشوف فرويحة هرباان و بتهديد غير مباشر قالها): هههه ماما ربيعة و بابا لحسن  بان ليا غايتعشاو هاد ليلة هنا

غير سمع اسم مو و باه   فيساع فهم بلي غايتقتلو فبلاصتو ايلا غبر ، بلا مايفكر وقف ديك ساعة من جراا .. عينيه بداو يتغرغرو باستسلام و خوف ، و بدون شعور  ضار شااف فيه و دوا معاه من بعيد  بشوفات ترجي

رويحة: و كنقسم لك ب لله مكايسحابلي راها مرتو، عمرني ما شفتها معاه

بقا كايتسناه باش غاي جاوبو ، حتى شافو  خنزر فيه بكارو ففمو و دوا معاه بعينيه باش يرجع يجلس فبلاصتو، مالقا مايقول زير على قبضة يدو بعصبية و تم رااجع بتغرغيرتو بزز منو و قلبو غاينفااجر بخووف، عاود قرض فالحجرة و هز الكارو لي لااح بدا عاوتاني كايكمي فيه بتقفقيفتو تحت انضاار يوسف لي مامسووقش نهائيا لخوفو... دازت بيناتهم دقائق قليلة ديال صصمت عاد قرر يوسف ينطق معاه بتغوبيشة و هو مزال متكي عل طنوبيل فاش سمع بكيتو

يوسف( بجدية):  فعاايلك كتاار اولد قحبة  اغير بلاما دير فيها ضحيية ،... ( بشوفات جادة و هاز عليه يديه لي فيها الكارو) راه  كان غايصفييها لمك من شحال هادي  غير  كان كايجمع لك   .. ( شاف تجاه باب الكوخ  و زفر الكارو باستهزاء و عاود نطق بضحكة خفيفة) ههه  و لكن ما عند دين مك زهر هاد  تلويطة جمعات لك حب تبن معاه

رويحة( غوت علييه بعصبيية و هو فااقد السيطرة بالخلعة): و معرفتهاااااااااش وااش انا حمممق تااال هاد درررجة ...( بتغوبيشة مدمععة)  غنكووون عاارفها مرتو و نمشييي لييهاا

يوسف( بلاموبلات و دار صبعو جهة فمو باش يخفض صوتو): لبدها ( أشار بصبعو جهة لباب لكوخ بتغوبيشة ) ولا دخل تقود لدااخل متصدعش ليا كري... هاد الهضرة تايجي و قولها ليه هو

فهاد الاتناء بضبط تيليفونو لي كان حاطو حداه فوق طنوبيل بدا كايزنزن ، شاف من بعيد بتغوبيشة  على شكون المتصل، حتى كايتفاجئ بمريم ، زاد غوبش بإستغراب حيت اول مرة غتعيط ليه .. مولف يهضر معاها غير ميساجات ... هز تيليفونو و قبل مايجاوبها، عاود دار صبعو ففمو و هضر مع رويحة فيساع و مشا بعد عليه باش يجاوبها

يوسف: مانسمعش حسك, كمي جوانك و سكتنا

يتبع...