🌹 رواية بغيتك من اول نضرة 🌹
الجزء 69 ♥️ الفصل تالت 🥀
( الايـام الاولى فسبيـطار )
و حتى دخل لبيروه و استاراح فكرسيه لبضع دقائق عاد رشقات ليه باش يعيط على الزعيم يوصل ليه الخبيرة، دوز رقمو بتنهييدة و حط تيليفون فودنو كايتسناه يجاوب و فنفس الوقت كايفكر فكيفاش غايبدا هاد الحريرة لي دار عصام...اما احمد فكان يلاه داخل لسبيطار غادي قاصد غرفة حبيبتو بخطوات سريعة و فيديه ساشيات جداد ديال الدوا لي تقادا ليها، حتى حس بتزنزين فجيبو ديك ساعة جبد تيليفونو و غير شاف شكون لي معيط علييه دغيا طلع حاجبو بإستغراب حيت قليل فين كايعيط عليه و ماجات فبالو غاخدمتو قال ممكن غتكون واقعة فيها شي حاجة، بالخف جاوبو و هو داخل لغرفة صابرين و فنفس الوقت كايضور عينيه فاطراف الغرفة كايقلب على حب قلبو حيت مابانتش ليه ناعسة فبلاصتها
احمد( حط دوا فوق الكوافوز و كايدوي باهتمام معاه): خبار لخيير ؟! ..هدا مايكون غير يووسف داير شي كرييتةياسين(ضحك بخفوت و دغيا طمئنو): كولشي بيخير هاد سااعة، غير عيطت لك على قبل عصاام
احمد(غوبش و مشا جلس فالفوطوي من بعد ما تأكد من حبيبتو كاينة فطواليط مع الفرمليات و مريم كتبدل فحوايجها ): ماالو ؟!
ياسين( كايضحك) : واالو غير خطف وحدة من البحر و فبلاصة ماشهود يديكلاريو بيه هو ديكلاراو بك نتا
متصدمش من خبار عصام ابدا بلعكس جاتو الخطفة لي دار جد طبيعية حيت عارفو مغتصب من زمان و شحال من مرة شافو بعينو كايخطف فالبنات قدام عينو سوا فبار ولا فزنقة فنصاصت ليل و لا حتى فالبحر مع واضحة نهار ... لكن مع دالك كان جد مستغرب على ديكلاراسيو لي جات عليه
احمد( مطلع حاجبو): او انا ماالي ، لاش جابديني ؟!
ياسين(حل عينيه فالفراغ بجدية ) : خبارك بدات كضور امعلم..بنادم ولا عارفك شكوون .. غير دارو عصام طريق باش يجبدوك راهم باغين يوقفوك عند حدك
احمد( ماستفزاتوش الهضرة بتاتا كتر ما ضحكاتو ، ضحك بخفوت باستهزاء و هو مدهووش) : يوقفوني عند حدي گاااع
ياسين( كايضحك) : اييه اسيي ...( بجدية و مزال كايضحك) المهم ما على الرسول الا البلاغ، دير اطونسيون معاه و لا من احسن صفيها لگنسو راه خونا كايدوي على حقو بزااف و مكايخافش ، دابا يجبد لك شي المشاكل ..( كايلمح ليه بجدية على عدوه ) و راك عارف لاخور باغي غير امتا يدوز لك
كان باقي كايضحك على اول جريئ لي قدر يزعم عليه و مزال ايضا مدهووش منو حيت شافو مشا نيشان ديكلارا بيه هو شخصيا من دوون رجالو
احمد : و زعامة كبييرة هادي ...
ياسين( تقاد فجلستو بضحكتو و حك حاجبو باغي يعرف منو شنو يدير خلاص) : ايوا شنوو؟! ، نصيفط العنوان لعصام يمشي ليه؟!
أنت تقرأ
🌹رواية هيام ما بين الغفران و الانتقام تكملة اجزاءها لفصلها التالت 🌹
Romance😍رواية رومانسية بامتياااز ، فصلها الاول و التاني في صفحتي ارجو زيارة ، بدارجة المغربية ❤️❤️❤️🥰