🌹رواية هيام ما بين الغفران و الانتقام تكملة اجزاءها لفصلها التالت 🌹

Part 2 of part 54 saison 3 ✨

تتمة الأولى لجزء 54 ♥️ الفصل تالت 🥀

هزات فيه دغيا عويناتها بشوفات استغراب، شي حاجة ساهلة بحال هادي ماكايعرفش ليها؟!!  ماقدراتش تيقو..بقات كتشوف فيه بعدم تقة كان كايصحاب ليها غير كايضحك معاها بسؤالو، حتى شافتو ضار شاف فيها ببراد فيديه و كايتسناها تجاوبو بشوفات جادة ... حتى طلقات ضحكتها فوجهو بلاما تحس فاش عرفاتو بلي كايدوي بصح منيتو...كانت ضحكة جد جميلة خلاتو يسها فيها و يفرح بيها من قلبو ..حيت و اخيرا من بعد معناات ديال كتر من شهرين  من صدمتها  بداات كتخرج ضحكتها لي كان كايحلم يسمعها فشي صباح فسبيطار   ، حتى دغيا دارك سهوتو و بقا حتى هو كايضحك بضحكتو الساحرة لي كتسطيها و نطق معاها  ديك ساعة

احمد: كضحكي عليا لمك..راه عمرني  ماطيبتو  داكشي علااش
صابرين( بضحكة و كدوي بشوفات استغراب علييه) : و واخا عمرك ماغتكون مطيبو.. (   حابسة ضحكتها) مقادير اتاي معروفين مايمكنش ماتكونش عارفهم

رجع كايشوف فنعناع و اتااي و كايهضر منيتو

احمد: و راني عارف اش كايدار فيه ،و لكن كيفاش كايطيب هنا فين وحلت..واش كتغليو الما مع نعناع عاد كتزيدو اتااي؟!

رجع شاف فيها باستغراب كايتسناها تجاوبو، لقاها رمقاتو بصدمة و باينة عليها حابسة ضحكة، نطقات ديك ساعة و هي مازال كتشوف بصدمة

صابرين:  صدمتيني مافخباركش ..اول مرة غنشوف شي حد ماكايعرفش يطيب اتاي ( ضحكت)

احمد( ضحك تاهو على راسو و رجع نطق و هو كايخربق قدامو  خشا نعناع و سكر فالبراد و دوا ): و دابا قولي ليا كيفاش كايطيب

يلاه بغات تنوض صابرين بضحكتها من بلاصتها وهي هازة معاها أميرة ، بغات تمشي توريه كيفاش، حتى رجع جلسها بكلاامو و مخرج فيها عينييه

احمد( بجدية): لاا رجعيي جلسسي، راه انا لي باغي نطيب الفطور بيدي...غير قولي ليا من بلاصتك شنوو نديير...

سمعات كلامو و بقات كتقول ليه الطريقة بفمها و هو متبع هضرتها بالحرف ، و فوسط طيابو  لاتاي هرس لخديجة جوج طباسل كاتحماق عليهم و هو ماجاايب خباار لحجم الموصيبة لي دار، دغيا جمع زاجهم حطهم ليها فوق البوطاجي بوجه حمر حيت عكز يلوحهم فطارو دزبل، و رجع لطيابو بضحكتو هو وصابرين كأن تاشي حاجة ماواقعة  ..و من بعد معناات ديال وقوف قدام البوطة و هو كايتسنا فالبرااد باش يتشحر   و اخيرا طاب ليه اتاي...ومع كان عقلو مبلوكي فواحد نضرة  دوزها طوييلة مع صابرين  بمشاااعر  حب و  قلوبهم بجوج تهزو بيها،  حتى داخ بزينها الطبيعي البريئ لي كايشوف قدامو  لدرجة من بغا يهز البراد من فوق البوطة ما هزوش بشي زيف، هزو نيشان بيدو حتى تحرق و طلقو كلو من فوق العافية تا تكب ليه نصو...قفزات صابرين ديك ساعة فاش شافتو نقز قدامها شاد يديه بالم  تخلعات عليه ديال بصح و مع دالك  مابينااتش خلعتها بقات غير كترمقو بشوفاتها من بعيد كطمئن عليه و قلبها كايضرب بخوف لايكونو صباعو تحرقو   عكسو هو لي كان قلبو بدا كايضرب بالخلعة فاش شاف الفورنو لي لاسق مع البوطاجي كلوو تمرج بأتاي، دغيا نطق مع صابرين و ضحكة غالباه

احمد( بالخلعة) :  قودتها من عند خدييجة، ليوما تجري علياا

بدات كتضحك صابرين و هو مامسوقش لفعلتو عاود هز البراد بزيف ديال الماعن جبدو من واحد المجر كان باقي جدييد و زويين لي  دغيا طبعو  باتاي و هو ماعلابالو بتاشي حاجة من غير صابرين خاصها تفطر هاد ساعة، هز البراد حطو فوق صينية و   بقا كايسيس فيه اكتر من مرة حتى قالت ليه صابرين براكة  عاد رجع عمر كاس برَّزْتُو و مدو ليها باش دوقو من بعد ما بردو ليها مزياان باش  تعطييه رأيها فيه بكل صراحة قبل مايدوقو هو...شربها بيدو جغمة و بقا كايتسنا منها اش غاتقوول ...طلع بنين و بلاما تحس نطقات معاه صابرين بشوفة دهشة و بنبرة جادة

صابرين: امم، هوو هدااك ولايلا زوين

فرح فخاطرو و دغيا رجع داق من نفس البلاصة منين شربات هي و حتى هو تدهش من المداق ديالو، دار بيديه حركة 👍و هو فرحان بانجازو لي عمل

نطق معاها ديك ساعة بتقة كايسولها على نفسو بضحكة و هو ناسي راسو بلي كايخصر معاها الهضرة

احمد( بشوفات اهتمام و فرحان) : مقود ولا ماشي مقوود؟!

حشمات تجاوبو بقات غير كضحك، لكن جاوباتو غير فخاطرها كتغزل بيه و هي كتشوف فيه بزعطة كبيرة كايبان ليها وسيم بزااف و ماقدراتش باش ماتعنبش عليه

صابرين: نتاا كلك مقود أحبيبة (ضحكت فخاطرها، و ابتسامتها فقط لي بانت)

يتبع ...