تتمة 45 ❤️ الفصل التالت 🥀
عنقاتها فتيحة و جاتها البكية على الهضرة لي قالت ليها و خلات صابرين فحضنها يطيحو دموعها على هاد تخلي لي سمعات من عندهااا ..حتى على غفلة احمد مسح دمعة حبيبتو و قلبو ضرو على هاد الفعلة لي داار.... و مع داالك غير تفكر بلي حب قلبو غتبقا معاه دابا بزز منها و مغاتبقااش تجبد ليه مريم،،، فرح و حاول يتنااساا ...اما خديجة كانت كترتب حوايج صابرين فالماريو و كتصنط ليهم حتى تصدمت من كلام فتيحة .. و بلاما تحس غوبشات فيها و كبتات غضبها عليها غير بزز مقدرات تقول واالو قدام صابرين خافت لاتفهمها غلاط و تقول ليها بلي حتى نتي مابغيتينيش، بقات غير كتنهد بغضب و هي كطوي فالحواايج .. مشا احمد يوصل فتيحة لباب و خلا صابرين مكمدة فبلاصتها بديك الهضرة لي سمعات و حابسة بكيتها غير بزز قدام خديجة لي كانت مزال كطوي ليها فحوايجها و كتهدنها بكلمات لي طيب خاطرها ....بقات هكاك حابسة البكية حتى شافت خديجة خرجاات من البيت و هي تعطي بضهرها فيساع الباب و بقات كتبكي ديك ساعة كطفلة بشوويية و مهبطة راسها مابغات تاحد يسيق ليها الخباار ... لمدة دقائق و هي على ديك الحال حتى دخل عليها احمد على غفلة... كان باغي غير يطمئن عليها حتى تقبط عليه قلبو ديك ساعة فاش شافها عاطياه بضهر و كتبكي... بدون شعور مشا زرب فالمشية عندها و جلس فجنبها.. هز ليها راسها من دقنها بحنية قابلو مع وجهو و ديك ساعة ندم اشد ندم على فعلتو و ما كرهش كون رجع زمان بلور و مايمشيش عند فتيحة ..كايشوف وجهها ساارد بدمووعها و كتبكي بكاء كيحطم القلب و كتنخصص بحال درية صغيرة...تحسس ليها دراعها العريانة من جهة كتفها بدون شعور و نطق بخووف عليها و هو كايتمنضر فيها بحب
احمد( بصوت هامس و ميل راسو و قرب اكتر لعند وجهها): ماالك؟!
مابغاتش تجاوبو بقات غير كتبكي لييه و هو كايتمنضر فبكيتها و حيران معاها.. بقا دقائق قليلة و هو كايمسح دموعها بيديه بجوج و كايتسنا منها شي نضرة و فأخر المطاف ماقدرش يصبر على بكيتها الشئ لي خلاه يقرب منها اكتر و بلهفة عنقها و خشاها فحضنو ....بقا كايمسح على شعرها بحنية و كايحزرها باش تسكت و هي مخشية فيه ما بغاتش تسكت ليه من بكا حتى سردات ليه قاميجتو ..و ماشي بزاف ديال وقت باش نطقاات على غفلة فاش حسات بقلبها غايترفكع ايلا مافرغااتش بالكلام و خلاتو مصدووم بقلب مضروور بندم على الفعلة لي دار و لي كسر بيها قلب حبيبتو بلاما يقصدصابرين( ببكية): كاع لي كنعرف هربو مني ...( كتنخصص بطفولية ) ...انا عمرني ما اديتهم ماعرفتش علاش مكايبغيونيش ..حتى من خالتي فتيحة لي كنت دايراها بحال ماما صدقات منهم
أنت تقرأ
🌹رواية هيام ما بين الغفران و الانتقام تكملة اجزاءها لفصلها التالت 🌹
Romance😍رواية رومانسية بامتياااز ، فصلها الاول و التاني في صفحتي ارجو زيارة ، بدارجة المغربية ❤️❤️❤️🥰