تتمة 52 ♥️ من الفصل تالت 🥀
صدمها و حشمها و فرحها عل نبوري بجملتو ،خلا قلبها يتهز من بلاصتو و تبقا تشوف فيه بعينين متلئلئين بحناك مزنكين و مخليااه تاايه بشوفااتها بابتسامة خفيفة و هو حيران فيهم ... ماعرفش باش يفسرهم واش بشوفة زعطة ولا هاديك غير شوفتها العادية بلامبالغة و هوما فلاصل كانو شوفات عشق و جنون فيه..سهاو فبعضياتهم للحضة حتى خلاو قدامهم فردوس تكحب و تقاطع نضرتهم بالحشمة و دغيا تداركات الموقف بضحكة ملي مدات لصابرين اميرة
فردوس: ايوا يا ختي ملي عزازين علك دراري صغاار ، شديها وااحد شويية ، خليني نمشي نكمل نعاااسي
شداتها صابرين و حناكها مزاالين كايوزوزو بالحشمة، و مزال ايضا عقلها طااير معااه، و خلات اميرة لي ولات من بين يديها ضحك بالفرحة و طلق من فمها سكاتها و تخشي ليها صبعها ففمها تلعب معاها و هي مرتاحة فحضنها..فردوس لاحضات اميرة كيف فرحانة فيد صابرين و غير مازادت رتاحت لحبيبة احمد و مشات فحالها مطمئنة على بنتها..اما صابرين دغيا هربات من احمد مشات جلسات فطرف ناموسية هي و اميرة عطاتو بضهر، لكن هروبها باء بالفشل حيت مشا تبعها جلس فجنبها و ديك ساعة مسح فوق شعرها بحنية و نطق بجدية و هو كايرمقها باهتماام كأنها بنتو
احمد: قولي ليا نعستي مزياان؟!
تساخرات عليه واحد شويية و هي كتشوف فيه بنص عين و دايرة راسها كتلعب مع اميرة ماعلبالهاش بيه اما راه مخها و قلبها كلهم كاانو معاااه
صابرين: امم
شافها تساخرات عليه قال ماشي مشكيل و كمل كلاامو و هو مزال هاييم فيها و بلاما كايحس كايلقا راسو كايهضر معاها بشوية
احمد: لبارح كنت خداام ..كنت معول نجي بكري باش نبقا جالس معاك و ما نخليكش حشمانة مع واليدة و لكن ماقدرتش شدوني فالخدمة.. سمحي ليا
نطقات بتوتر و بتوترها خلاتو يترجمو على انها مامرتاحاش فالجلسة معاه اما راه العكس صحيح كانت فرحتها طااغية عليها حيت كتشوفو مهتم بيها و نبرة صوتو كتحس بيا الحب كايخرج منها
صابرين( بنصف ابتسامة و هي كتلعب مع اميرة بسكاتها): لا ماشي مشكيل ..خالتي كانت ضريفة معايا البارح هي و فردوس بزااف ..رتاحيت ليهم
تصنط ليها باهتمام و فرح من الخبار لكن قلبو نغزو فاش شاف النضرة هي لخرة ماعطاتهاش ليه و متوترة كأنها كتهضر من فوق قلبها..تنهد بتغوبيشة و بقا ساهي فيها لتواني بقلب مقبوط. كايشوفها ملاهيا مع اميرة ماعاطياهش وقت فين تخسر عليه شوفة ..و حتى شافها ضحكات مع اميرة على غفلة منو نسا دغيا قلقو و بدون شعور نطق بشوفات حب كايسولها و ضحك بشوية
احمد: عزازين علك دراري صغار؟!
شافت فيه بشوفة حماسية بلاما تحس و نطقات ببرائة و مخليااه يبتاسم لا اراديا على نضارتها لي رحمات بيها قلبو
أنت تقرأ
🌹رواية هيام ما بين الغفران و الانتقام تكملة اجزاءها لفصلها التالت 🌹
Romance😍رواية رومانسية بامتياااز ، فصلها الاول و التاني في صفحتي ارجو زيارة ، بدارجة المغربية ❤️❤️❤️🥰