🔱🍁 هيام ما بين الغفران و الانتقام 🍁🔱
تتمة التانية من الجزء 80 ♥️
كلام تقيل تقال على موضوع جد حساس ، الشئ لي خلا صابرين فبلاصة ماتنهار بالبكاء ، تبقى جامدة و تحسس مع قلبها كل كلمة سمعاتها و هي كتخوي ميكة الخيزو فبانيو باش تغسلو....بكات عليهم تا عيات حتى ملات من وحشهم ، لدرجة كلام بحال هدا مابقاش كايأثر فيها، تجاربها مع دموع الاشتياق خلاوها تعرف بلي غير كتخوي دموعها فالرملة و اجتهادها فنحيط و البكا عمرو ماغايرجعهم ليها ... قتانعات بهاد الفكرة و طبعاتها فدماغها..بدات كتصالح مع يتمها و عرفات بلي ضروري ما الألم خاصها تصادقو باش تزيد القدام.. و عرفات بلي فبعض الاحيان ضروري ما الحياة كتحتم على الانسان انه يجرب بزااف لانعطافات المضلمة و يضيع وقت طويل فطريق غريبة عاد يملك السلام و الفرحة لي بغا...من دابا و هي مع قلبها مستعدة استعداد شديد لطرق مشوكة حاسة بيهم بلي مزال كايتسناوها باش دوز عليهم ... ضبابة سميكة فمستقبلها كتشوفها و مع دالك مبتاسمة ليها بعينين مغرغرين و مخايفاش من داكشي لي غايجي منها..كتقول مع راسها بلي السطاجات الصعاب راني دوزتهم ،الموت ديال ماما و خويا عشتو و شفتو و الاغتصاب راني دوزتو ..مستقبلي بقا فيه غير سطاجات صغاار و راني قادة عليهم و غندوزهم باقل الأضرار كيف دوزت الكبار...كلام خديجة غرغر ليها عينيها و لكن دغيا سرطات الدموع..حاولات تغير الموضوع و تنسي خديجة فداكشي لي كتقول و لكن ماعرفاتش ...فقط ماجاوباتهاش خلاتها تهضر و عتابراتها كتهضر على شي بنت اخرى ماشي عليها ، بلعات بكيتها و مشات كتخوي فالميكة التانية ديال تقدية عاضة شفتهااا، و مع الحلة بانت ليها بانطوفة بيضة مخشية بين لميكات الفواكه على شكل ارنوبة عندها الودنين مدليين و نيفها على شكل قلب بالغووز بارد، دغيا جبداتها و بقات كتقيس فيها و كتحسسها بصباعها بحنية حيت عجباتها الرطوبية لي فيها ... حتى بدون شعور همها لاحتو وراها متعمدة و دغيا نطقات بنصف ضحكة مع خديجة وهي مغيرة الموضوع بأكمله
صابرين( بنبرة باحة و بضحكة خفيفة ) : واو اخالتي هااد البانطوفة زوينة ، منين شريتيها ؟!
كانت مزال كتستف بعض الخضرة فالتلااجة و كتهضر على ماضي صابرين الجميل لكن غير سمعاتها شنو قالت، دغيا ضارت لعندها بضحكة فرحة و حتى هي كاع داك الحزن لي كان مجتاح قلبها تلاشى و نساتو .. خديجة( سدات التلاجة و مشات لعندها بضحكة ) : عجباتك؟!!
.. صابرين( مزال كتشوف ببانطوفة باعجاب و كتقيس فيها, و بضحكة جاوباتها) : كتحممق ..كيووت بزااف زادت فرحات من ردة فعل صابرين ، عاود جلسات فجنبها و نطقات مستبشرة
خديجة: ايوا راها دياالك...غير شفتها و انا نمشي نشريها عرفتك غتحمااقي عليها
صابرين( بنضرة دهشة و فرحة ): ديااالي !!...حلفييي خديجة(ضحكات على فرحتها الطفولية و نطقات): يا ويلي على حلفي على هادشي فييه الحلووف ...( شافت فصندالة احمد لي فرجل صابرين ) شريتها لك بااش تحيدي علييا ديك الهنكارة لي لابسة فرجلك ، مابغيتش نبقا مزال نشوفك كضوري بيها فداار سمعتي
صابرين( كضحك و هي كتشوف فصندالتو لي لابسة و نطقات بمرح ) : مريحة اخالتي داكشي علاش كنلبسها خديجة ( بنضرة ريبة ) : ..منيين جاتك راحة يا لكديديبة ، شحال من المرة كنشوفك كتعكلي بييها
صابرين( بسبابتها وصفات و بدات كتبلگ عليها عينيها باش تغطي كدبتها و باش تخليها تبقا تلبسها ): غيير مرة وحدة اخالتي لي تعكلت بيها مااشي ديييما..
خديجة( ضحكت ): و بقااي لاسقة عليها دابا تجيبي بيها الربححة ... نوضي بعدا ا سليعفانة قيسي بانطوفة، نشوفها كيجات علييك
صابرين : هه هي لوولة
جمعت نوضة ديك ساعة بفرحة و بابتسامة عريضة هازة فيديها البانطوفة و يلاه بغات تمشي توقف قدام خديجة باش تلبسها و هي تعفط على الخوا لي خارج من لور صندالة لي لابسة حتى ما حسات براسها تا لقات راسها مشبحة فلرض على كرشها و وجهها جا عند رجلين خديجة ......بصدمة بقاات غير مخرجة عينيها فالفراغ و كتشوف فالارض و ممصدقااش بلي صندالتو طيحااتهاا.
ضرباتها بسقلة وبقات عاضة شفتها من شدة الاحراج لي طاحت فيه و خلات فوقها خديجة تشد راسها بالخلعة و تبدا تنݣر عليها
خديجة: هاااا ليي قلنااا..( دغيا تحنات لعندها و بدات كتحيد ليها الصندالة من رجليها بزز و كتحلف عليها) ولله و نشوففك مزاال كتلبسييها تانلوححك من شرجم سمعتيي... ( جمعات نوضة بغضب و مشات قصدات بيتها بزربة ) ولا عرفتي شنو غنمشي نسد على مها فالماريو باش ماتبقاييش ضوري بجهتها ، اوييلي شي نهار تطييحك على فمك تهرس لييك دوك سناان لله يحففضكصابرين غير عرفات بلي صندالة حب قلبها غتخبا عليها و ماغتبقاش تلبسها، دغيا جمعات نوضة و مشات كتجري تبعاتها لبيت
صابرين ( بالخلعة) : الاا اخاالتي عفااك ماتخبييهااش راه كرسيي لي طيحنيي ماشي هي ...
.
خديجة( خشاتها فالماريو سدات عليها و دغيا جاوباتها بحزم ): دابا راني هضرت ، نشوفك مزااال لابسة شي صندالة كبر منك نتقااهم معاااك
كصابرين (بنبرة حزن و كتشوف فالماريو لي تخبات فيه صندالتو )كتعجبني اخالتي غيرخليني نبقا نلبسهاا
خديجةغير بانت ليها صابرين تقلقات منيتها دغيا شافت فيها بنضرة ديال واش من نيتك ونطقات معاها كانها باغة ترطبها
خديجة: يا ويلي على الهبيلة واااش كااين شي واحد كايبغي يلبس شي حاجة كبر منو ... و زعما نتي بنوتة زويونة خاصك تلبسي شي حاجة لي تواتيك و لي تزيد تزينك.. ماشي لي غتبينك مبهدللة
عجبها الاطراء لي تقاال عليها فبلاما تحس ديك نبرة الحزن دغيا بدلاتها بنبرة حشمة و جاوباتها بفرحة
صابرين: راني اخالتي كنلبسها غير فداار ماشي فزنقة ..مكاين تا شي حد غريب غايشوفني بيهاخديجة: ايوا واخا فداار خاصك تبقااي ديما انييقة ..وحدة بحالك مخاصش تبقا تبهدل راسها ( خرجات من بيتها و عاود قصدات الكوزينة و هي مخلية وراها صابرين كتشوف فالماريو و كتأكد منو على اساس واش تسد بساروت او لالا...المهووسة مسخاتش بصندالتو و من دابا بدات كتفكر كيف غتخرجها من الماريو بلاما تشوفها خديجة )
خديجة( كتجمع الروينة لي فوق طبلة و كضحك ) : و زايدوون ليوما جايين عندنا خواتاتي و شي منافقاات يتغداو معانا و بغيتك احبيبتي تبااني زيينة و أنيقة قدامهم ، مابغيتكش تخلي ليهم منين يعيبو فييك...( وقفات قدام لافابو بدات كتغسل فالخيزو لي حطاتو صابرين فالبانيو و هي جد فرحانة بالبنت لي بغاها ليها ولدها لدرجة بلاما تحس بافتخار و بالفرحة نطقاات) راني قايلة ليهم مرت ولدي كتحمق بزين و مامتيقينييش ( بنبرة استهزاء نطقات و جد مفقووسة على نضرة خواتاتها لي واخدينها على ولدها) عند بالهم غايجيب ليا شي وحدة شالوطية ،، ( بنبرة مريحة) ساعة ربي كبيير حنتهم و ما خلا ليهم منين يشمتو فيااا...( هزات كفوفها لسما بالفرحة و هي فرحانة بداك الكابوس لي ماتحققش ليها فالواقع ديال ان احمد شي نهار يتزوج ليها بشي سكايرية بحالو و يشفي فيها العدياان ) سيير يا ولييدي احمد كيف فرحتيني بهااد البنيية و كيف ماحشمتينيش مع المنافقاات ، لله يفرحك فهاد النهاار
أنت تقرأ
🌹رواية هيام ما بين الغفران و الانتقام تكملة اجزاءها لفصلها التالت 🌹
Romance😍رواية رومانسية بامتياااز ، فصلها الاول و التاني في صفحتي ارجو زيارة ، بدارجة المغربية ❤️❤️❤️🥰