🌹رواية هيام ما بين الغفران و الانتقام تكملة اجزاءها لفصلها التالت 🌹

part 57 saison 3 ✨

🌹 رواية بغيتك من اول نضرة 🌹

الجزء 57 ♥️ الفصل تالت 🥀

❤️ لمحة بسيطة و تعريف بسيط عن حياة الأم و الابن❤️

...كانت مزال كتطلب فيه  من نيتها بشوفة طفولية مغرغرة  باش ينسا موضوع امال و ناسية القرب لي مخلوق بيناتهم بكترة الخوف لي متملكها على مستقبل صاحبتها اما هو فكان مستمتع بصوتها مامسوقش لطليبها و كايلعب بخصلات شعرهاا و كايتمنضر فيها..لي فراسو فراسو و ماباغييش يغير قرارو ابدا.. حتى على غفلة لمح خديجة خارجة من بيتها و كانت باينة عليها من قبيلة و هي فايقة ..مرأة بيضة حروفها كحلين هادئين عندها  55 عام و مازال شادة فراسها.... كتبان باقة صغيرة و ملامحها جميلة لكن ماكتشبهش ابدا لاحمد الشئ لي شافها يعرفها كانت تيتيزة فصغرها...قصيرة عندها شوية الكرش  كأنها عمرها ما والدة...ماكايبانش فيها الكبر فوجهها  بحكم كتهلا فراسها بلي كريم، تاهي بنت عائلة كبيرة و صغرها كلو دوزاتو فالفشوش واخا كانت يتيمة الام ،  دوزات تا هي فصغرها قصة حب زوينة مع طليقها لكن المكتاب هو هدا فأخر المطاف كل واحد شد طريقو و خلاو فقط لبعضياتهم  تمرة حبهم لي هو احمد  لي كان فعمرو عام فديك الوقيتة....خديجة من ورا طلاقها مباشرة خرجاات ضربات تمارة على ولدها بدون مساعدة اهلها،  كبراتو بعرق جبينها و دوزات هي وياه ايام جميلة فبيت صغير كانت كراتو  من بعد ما كانت عايشة معززة مكرمة "ففيلة" طليقها... لكن كبريائها دارها بيها و قررات طلق بزز من الكل  بسباب ضروف قاسية عاشتهم فديك الفيلة ماصبراتش عليهم ابدا...  حتى جا داك نهار لي احمد جلسها بزز منها من الخدمة و ولا هو لي خدام عليها من لي قفل   18 عام السبب ماشي حيت لقا خدمة من ورا لباك كيف كدب عليها لكن حيت نجح فتكوين  عصابة لي بسبابها دخل بيها جبهة  فعالم تبزنيز طولا و عرضا...هيبتو عونااتو بزااف هي  و شخصيتو و ايضا دكائو لي بسبابهم كون بيهم اصدقاء كبر منو سنا و تجربة فهاد العالم المضلم .. نطالق انطلاقتو فسن 18 و من تما وهو  كايدخل ففلوس صحيحة عن طريق بيع المخدرات  و مازال لحد الان عمرو مافشل و غير ماكايزيد يطلع لفووق بخدمتو، حقق حلمو بفلوسو باش يسكن مو ففيلة و يعوضها على ايام القهرة لي دوزاتها بسباب تربيتو لي كانت صعيية لكن من بعد 4 سنين فديك سكنة ديال فيلة خديجة قررات ترجع تسكن فدار متوااضعة هي ويااه لي هي هاد دار ...حيت بكل بساطة ولفات البساطة و الفيلة جاتها كبيرة مارتاحتش ليها...

يتبع...