🌹رواية هيام ما بين الغفران و الانتقام تكملة اجزاءها لفصلها التالت 🌹

Part 48 saison 3 ✨

🌹 رواية بغيتك من اول نضرة 🌹

الجزء 48 ❤️ الفصل تالت 🥀

                   ❤️ فالعرس ❤️

جوج عائلات من اكبر تجار المخدرات لي هوما عائلة انخيل و عائلة المغربية لي نصهم مغريبي و نصفهم اسباني، تشاركو مع بعضيااتهم و داارو افخم عرس لولادهم، خلاو الحاضرين حاليين فمهم من شدة جماليتو  و الصحافة تجي تحضر و تصور المشاهد الأسطورية لي واقعة فهاد الحفل، كان عرس مغريبي مئة بالمئة، و حتى من عائلة انخيل عيالاتهم كاملات كانو لابسات القفاطن و تكااشط.. و ايضا كان الحفل عاامر غير بالمافياات الكباار و الشخصيات لي يدهم تقييلة فالبلدان بجووج " المغرب " و " اسبانية" و الحاجة المهمة من هادشي كاامل مكانش عرس طبيعي بالمرة  بالعكس كاان فرصة دهبية لبزااف د بزناازة كباار فين يتعرفو على شخصيات مهمة لي جايين على ودها لهاد الحفل..كاين البزناز لي بلباقتو دغيا خلا  قاضي كبير فالبلااد يرتاح معاه فالهضرة و يخليه يفكر باش يصاادقو  و كااين لي مكايعرفش يدوي شرا صداع لرااسو مع مافيا مكانتش كتسمع بيه... القااعة كبيرة لدرجة كتباان قصر ماشي ركن فين كايتقامو فيه الاعراس..كلشي متيول و كلشي فخم و كلشي جالس فبلاصتو و كايسفق على العروسة لي جاية مع باها لعند راجلها بغوب بيضة طوييلة لي كانت كولها محجرة   بالالماس و دايرة تاج كيوت ديال دهب لي  عبارة عن هدية بسيطة جاتها  من عند نسيبها ... فلوس التبزنيز بااينة على العريس و العروسة و على حتى لي  الحاضرين لي كانو حتى هوما لابسين افخم اللباس... و علاش لا و كلهم خاانزيين فلووس بفلوس الحراام بطبيعة الحاال..و منهم نييت الزعيم  لي كان نااشر هيبتو و وسامتو على البناات بديك القميجة البيضة لي بدلها فالغابة و بداك سروال ديال كوستيم لي بقا مطبع ليه من التحت بدم رويحة لي تلوط  ليه على حبيبتو..كان جالس فطبلة همااوية ماشي عادية عامرة غير بشرااب الغالي  كتر من ديسير و الماكلة..  مع رئيس و يوسف و عصام و مروان و ايضا مع سوزاانا الفاتنة لي طلعات زويينة بقفطانها الدهبي ..و لي  كانت لاسقة فيه شادة فدراعو   كأنه راجلها   و كضحك مع الحاضرين و فنفس الوقت حاضية العروسة من بعيد  لي بدات  كتقطع فالحلوة...اما الزعيم فكان حاضر غير  بكسدتو  فالحفل  اما عقلو  كاان طااير عند  محبوبتو .. من لي بداو زغااريت و شاف جمالية المكان  و هو  كايواعد نفسو بلي غايدير لحبيبتو عرس حسن من هدا بالف درجة... خاصها غير تقبل بييه و تبغييه و هادي هي اهم حااجة...و فوسط تفكيرو فيها قاطعاتو سوزاانا لي حطاات يديها عند فخضو قريبة لحجرو و دوات ليه فودنييه

سوزانا( بنبرة مغرية) : حسيت بيك بحالا مليتي ..اش بان لك نكملو ليلتنا فدار  ( ضحكت بخفوت)   نطلع ليك لموراال

رجعات شافت فيه فشوفات اغرااء و هي قريبة لفمو بابتسامتها الساحرة و مخلياه يبقا غا يطلع  و يهبط  فيها بشوفاات خااويين بلا احساس بنصف ابتسامة استهزاء على تقحبينها  ..و فنفس الوقت مخلي ايضا مروان يصور اكتر من تصويرة لراسو  و يبينو معاه فتصويرة بديك البوزيسيوون المتيرة لي مع سوزانة و يصيفطهم ديك ساعة لهدى لي بغات تعرف فين كاين هو  ..بقا كايشوف فيها دوك شووفاات لتواني مخليها تدووب فبلاصتها باعجاب فيهم حتى على غفلة منها و من الكل قرر يجمع نوضة بتنهييدة قلبو ضرو فيها على حبيبتو لي ماكرهااش تكون فبلاصة سوزانا فهاد لحضة...شاف فرئيس و دوا بجدية بتخنزيرة خفيفة

احمد: انا غنمشيي ..ايلا كانت شي حاجة عيط علياا

رئيس( بتغوبيشة و كاينتر كاروه): جللس اصااحبي ، راه مابقا واالو و يسااليو

هز فيسط ديالو من فوق لكرسي لي كان حداه و بتغوبيشة هضر و تم غاادي

احمد( بحزم): لا غنمشي ، ضرني راسي

مشا فحالو بخطوات بطيئة بتغوبيشة  و هو ممسوقش للمعجباات لي غياكلووه بعينيهم و يوشوشو بيناتهم علييه بضحكة خفيفة..  و خلا حتى  سوزانا ماترضااش بينها و بين نفسها على هاد القمعة  لي عطاها و كيف طيح بيها ..بقات غير كتبسم  لاي واحد شاف فيها و قلبها غاينفااجر بغضب......عمرها ماترفضاات فحياتها تال هاد ليلة من عند زعييم لي طرييقو كااملة و هو مكسيري راجع لعند حبيبتو بقلب مفرفر و كايطلب من لله انه يلقاها مزال فاايقة واخا كان متأكد غتكون نااعسة فهاد الوقيتة

يتبع....