🌹رواية هيام ما بين الغفران و الانتقام تكملة اجزاءها لفصلها التالت 🌹

Part 3 of Part 54 saison 3 ✨

تتمة 2 لجزء 54 ♥️ الفصل تالت 🥀

مشا حط ليها الكاس قدامها و رجع حط صينية حداها ومشا حل تلاجة جبد عصير ليمون، بانت ليه كيكة تا هي جبدها، و اي حاجة بانت ليه ممكن كتكال فالفطور جبدها  حطها قدام عينيها و خلاها بلاتشعر تشوف لخير  و تنطق ديك ساعة
صابرين: اوييلي، هادشي راه بزااف ...مافياش جووع غير حيد هاادشي  
  ماداهااش فكلامها، جبد البيض بغا يطيب ليها اوملييط و مشا جبد الخبز من الفراان، كان جديد و يلاه عجناتو خديجة لبارح فليل خصيصا ليها باش نييت تفطر بييه، خشااه فالفران ضو باش يسخن ليها و مشا هز المقلة ديال بغرير من دون المقالي لي كايشوفهم معلقين قدامو .. بانت ليه زويينة و نقية مامشرطاش  تشها لحبيبتو تااكل فيها، حتى حبسااتو صاابرين و دغيا نطقات معاه بالخلعة

صابرين: لا لا ، رجعها لبلاصتها ، هاديك راه ماشي ديال البيض...دابا تخصرها لخاالتي، كنديرو فيها غير ليكريب و لا بغرير

مشا حطها فوق البوطا و نطق ديك ساعة بتقة و هو ماعندو بحتى دراية لتاني مرة بحجم الموصيبة لي غايدير
 
احمد: راه  حتى لاومليط  غايجي فيها زويين دابا تشوفي

يتبع....

👈تتمة مليوحة👉