🌹رواية هيام ما بين الغفران و الانتقام تكملة اجزاءها لفصلها التالت 🌹

Part 61 saison 3 ✨

🌹 رواية بغيتك من اول نضرة 🌹

الجزء 61 ❤️ الفصل تالت 🥀

                 ❤️ عند احمد و مريم و فتيحة ❤️

احمد و مريم حاليا سلاو التقضية و كدالك حاجة مهمة سلاوها فهاد الخريجة ألا و هي النضرة الخاطئة لي كانو وااخدين على بعضياتهم...هي كانت واخدة عليه النضرة ديال انه  شخصية غير صالحة للعشرة بتاتا و كدالك  هو كان واخد عليها فكرة بلي راها عاهرة و بحالها بحال امال دون شك و ماتصلاحش لصابرين...لكن من الحسن الحظ الساعة لي دوزوها مع بعضياتهم فسوبر مارشي كانت كافية ليهم بجوج باش تمسح ليهم ديك النضرة و تعاود تكتب ليهم نضرة اخرى على بعضهم...خلات مريم تبدا تشوف فيه دو شخصية ضريفة و مهدنة و صاااالحة للعشرة و كدالك هو خلاتو يتيقن منها  بلي راها بنت مربية و متخلقة و تصلاح تكون صديقة حبيبتو، ماشاف منها لا نضرة ولا وقفة مغرية ولا حتى كلمة خاسرة.. كانت شخصيتها مطابقة لصابرين غير هي كانت مطلوقة معاه فالهضرة   اكتر من صاحبتها ...فرمشة عين قلوبهم رتاحت لبعضياتهم لدرجة بعد المرات  كانو كيناقشو  مواضيع خارج نطاق حبيبتهم و هوما كايتقداو....دخلو فعالم الصداقة بلاما يحسو و كانو راضيين على داك الجو لي خلقوه....و من ورا هاد التقضية حالياا احمد وقف طنوبيلتو قدام دار خديجة و كانت  مريم اول وحدة غتهبط منها ، هازة فيدها 4 الميكات دياولها عااامرين بسقاطة و هي فرحاانة..تاهي تبرعات على ضهر صاحبتها و كانت طايرة بسعادة و لكن قبل ماتمشي لدارهم..وقفت و نطقت مع احمد بضحكة و هي كتوريه الميكات لي هازة فيدها

مريم: لله يخلف عللك...فينما تبغي تشري هادشي جيبنيي معاااك عندااك ..انا رهن الاشارة ولاهما نقول ليك لا
  
كان كايضحك و كايخرج الميكات من الكوفر و كاينطق

احمد: صاافي مشااات...( شافها غتمشي و عاود نطق معاها دغياا بجدية) عنداااك ما تبقاايش تجي لعندها....غتبقا بوحدها ولي تجي تونسييها

مريم( بجدية): واايليي ضروري بلاما توصيني  ..سير كون هاني من هاد القضية

سلات هضرتهم بضحكة و مشات مريم طيارة لدارهم بالخلعة  بحكم فات الحاال و كانت متأكدة مها غتكون مخلووعة عليها فهاد اللحضة، و داكشي لي كانت متوقعاه طرا حيت غير دخلات لدربهم شافت مها كتطل من شرجم و شادة حنكها بقلق...دغيا ضحكات معاها من بعيد ببراءة و بدات كتوريها الميكات لي هازة ، اما  فتيحة   غير رمقااتها، قلبها ترخف من جهتها فاش شافتها صحة سلام ماواقعة ليها تا شي حاجة لكن   بدون شعور بدات كتحلف عليها بعصبية بيديها و  نطقات

فتييحة( بعصبية) : ابلاااتي على ممك تااا طلعيي

طلعات مريم بضحكتها و هي كلها كتخرشش بتشيبسات و بالبيموات لي فيدها...دخلات على مها بداك صداع البيت و يلاه بغات تقلب عليها باش  تنطق معاها حتى حسات بواحد شحطة جاتها لطرمتها بصندالة الميكة.

نقزاات من بلاصتها بغوتة و ضارت شافت فيها بصدمة و نطقاات

مرييم( بتغوبييشة) : ااااح ماااماا وعتييني

فتييحة( بعصبية) : توعتتك لي ماتعتتتقك ياا لمسخووطة ( كانت يلاه بغات تزيدها واحد شحطة اخرى حتى لقاتها هربات ليها لبعيد بميكاتها و كتشتف فوق سداري و كتضحك) فييين كنتتيي ، 11 لييل هادي ...
مريم( كتوريها الميكات و كتضحك من نيتها): و كنت مع احمد مشينا شريناا، هادشي  لصاابرين ..هانتي شووفي

فتيحة غيير سمعات احمد ركابيها قفقفو بالخلعة، دغيا طلقات صندالة من يدها و شدات حنكهاااا

فتيحة( بالخلعة) : هااويلي على احممد...واااش حمااقيتيي...اش دااك ليييه

مريم( بغات تقنعها باي طريقة باش ماتبقااش معصبة من جهتها, نطقات بجدية و هي كتمتل باغة تخلعها): و هو لي قال ليا يلااه معاااياا ..شنو نقول لييه لاا  بغيتيه يصيفطني عند جدي لقببر ...( خرجات فيها عينيها) و حمدي لله رجعت برجليياا
فتييحة( مشات لعندها بجرا و جراتها من يدها و بدات كتقلب فيها بالخلعة ، فيديها و وجهها.. كانت خايفة لايكون راسها بسوء و كتهضر بلاماتحس): هااوييل هاد صككعة بااغة تففقصني و تفݣص ليا مراارتي ..كتضضحكي و نتي كتقوليهااا...يااكماا داار لييك شيي حااجة

بعدات منها مريم بتأفئيفة و بدات كتخوي ليها شيبسات و بيموات قدامها

مريم( بجدية) : و ما داار لياا واالو ... هاانتي شوفي اش شراا لياا..( دوات معاها بدهشة) صدق ضرييف اماامااا تصوري ( ضحكت بصدمة)

فتيحة بدات غير كتهز و تحط  فشكلاط و تشيبسات لي كانو بالكترة فوق طبلة و مستغربة غا راسها..لاسف ماتيقااتهااش نهائيا..دغياا نطقاات معاها بتغوبيشة و هي شاااكة

فتييحة( بعصبية) : معاامن كنتي الحماارة..هادشي مااااشي دياال احمد..( مشاات هزاات صندالتها وشيرات عليها بعصبية) وليتي حتى نتيي تصاااحبي و تخرجي ضووري معاااه فليااالي ....( مشاات ليها عوتاني باغة ضربهاا) يااك اساايبة خرجوو رجليييك شوااري
يتبع....