[COMPLETED]ငါက နေ့တိုင်း အချိုတွေကျွေးနေတယ်တဲ့ (ဘာသာပြန်)

Chapter 75🍬

🍬Chapter 75
------------

နောက်ဆုံးဂစ်တာ၏သံစဉ် ပြီးဆုံးသွားသည်နှင့်အမျှ အားပေးသံ၊လေချွန်သံများအား အချိန်အတော်လေးကြာသည့်အထိ ဆက်ကြားနေရသည်။သို့သော် အဓိကဇာတ်ဆောင် စင်ပေါ်၌မရှိတော့ ရုတ်တရတ် မှောင်သွားတာကိုအခွင့်ကောင်းယူပြီး ချီချန်အန်း လက်ကောက်၀န်ကိုဆွဲကာ ရွှီလော့ယန် ပွဲကျင်းပရာနေရာမှပြေးထွက်လာခဲ့သည်။

မှတ်ဉာဏ်အတိုင်း ရွှီလောယန် လူကို ထောင့်၂ထောင့်ကျော်သွားသည့်အထိ ဆွဲခေါ်သွားကာ တံခါးလေးတစ်ချပ်အားဖွင့်လိုက်ပြီး " out of order "ဆိုင်းဘုတ်တပ်ထားတဲ့ သိုလှောင်ခန်းထဲကို၀င်သွားသည်။အထဲ၌ သစ်သားစင်အလွန်တစ်ခုသာရှိနေပြီး မီးလုံးကလည်းကျွမ်းနေသေးသည်။ တံခါးကိုပိတ်လိုက်တော့ အမြင်အာရုံတစ်ခုလုံးမည်းမှောင်သွားရသည်။

သီချင်းသံများအားတိုးတိုးလေးကြားနေရဆဲဖြစ်ကာ ချီချန်အန်း လက်ကိုကိုင်ထားရင်း ရွှီလော့ယန် မောဟိုက်စွာဖြင့် "ဘယ်သူမှဒီထဲကို၀င်လာမှာမဟုတ်ဘူး"

ဘာမှမမြင်ရခြင်းကြောင့် အကြားအာရုံနဲ့အထိအတွေ့ကိုပိုပြီးခံစားမိလာရပြီး လူနှစ်ဦးရဲ့အသက်ရှုသံကပေါင်းစည်းသွားသည်။

ရွှီလော့ယန် နှလုံးခုန်သံတွေမြန်လာရပြီး အသက်ရှုသံတောင်မှနည်းနည်းတုန်ယင်လာရကာ "မင်း အဆိုတော်ကို ဘာပြောလိုက်တာလဲ "

ချီချန်အန်းက ဖြည်းဖြည်းချင်းပြောပြလေသည်။

"ကိုယ်ပြောလိုက်တာက ကျွန်တော်ချစ်တဲ့သူကစင်အောက်မှာလို့ သူ့မျက်လုံးထဲမှာ ကျွန်တော်တစ်ယောက်ထဲရှိနေစေချင်တယ်လို့ "

တစ်ချိန်တည်းမှာပဲ ရွှီလော့ယန် နှုတ်ခမ်းတွေအား ပူနွေးတဲ့လက်ချောင်းထိပ်‌ဖြင့်ပွတ်သပ်လာသည်။အတော်လေးထိလွယ်ရှလွယ်ဖြစ်နေလွန်းလို့လားမသိ နှုတ်ခမ်းတစ်ခုလုံးစူးရှတဲ့ ခံစားချက်ပျံနှံသွားလေသည်။ပြီးနောက် ချီချန်အန်းရဲ့နူးညံတဲ့နှုတ်ခမ်းကသူ့ကိုဖုံးအုပ်သွားသည်။

သို့သော် ချီချန်အန်းက မလှုပ်ရှား၊ရွှီလော့ယန်နှုတ်ခမ်းအားဖိကပ်ထားပြီး မေးလိုက်သည်။