[COMPLETED]ငါက နေ့တိုင်း အချိုတွေကျွေးနေတယ်တဲ့ (ဘာသာပြန်)

Chapter 108

Chapter 108

ချီချန်အန်းက ဇာတ်ညွှန်းကိုဖတ်ပြီးပြီဖြစ်တာကြောင့် ဘယ်ဇာတ်၀င်ခန်းလဲဆိုတာကို သိလေသည်။အသက်လေးဆယ်အရွယ် ယိုစုက တက္ကသိုလ်တတ်နေချိန်ကိုပြန်ရောက်လာသည့်အခန်းဖြစ်သည်။

သူဒုတိယမြောက်‌ပြောင်းလဲချင်သည့်ကိစ္စမှာ သူရဲ့ပါ‌ေမာက္ခဆရာနှင့်ပတ်သတ်နေသည်ပင်။

cut လို့အော်လိုက်ပြီး မုန့်ဟွားကျန်းက ရွှီလော့ယန်ကို သူတို့နားလာခဲ့ဖို့ လက်ပြလိုက်သည်။ရွှီလော့ယန် မျက်လုံးတွေက မှိုင်တွေနေပြီး လက်ကတုန်နေသေးသည်။

သူကဘေးနားကိုရွှေ့လိုက်ကာ "အချိန်ယူ ချီချန်အန်းကို ပိုပြီးကြည့်ပေး "

ထိုနာမည်ကိုကြားလိုက်သည်နှင့် ရွှီလော့ယန်က တဆတ်ဆတ်တုန်ယင်‌နေသည့်မျက်တောင်များဖြင့်မော့ကြည့်လာသည်။

မုန့်ဟွာကျန်းက သူ့အမူအယာကို တောက်လျှောက်စောင့်ကြည့်နေလျက်ရှိပြီး ပုံမှန်ပြန်ဖြစ်သွားပြီဆိုမှ သူကလေသံအေးအေးဖြင့်မေးလိုက်သည်။

"မင်းက ဘယ်သူလဲ "

"ရွှီ....ရွှီလော့ယန် "

"ကောင်းတယ် ကောင်းတယ် အချိန်ယူလိုက် ဒီအခန်းကိုပြန်ရိုက်မယ် "

ရွှီလော့ယန် ကင်မရာရှေ့ကိုပြန်သွားတော့ ချီချန်အန်းကမေးလိုက်သည်။

"ခုနက ရိုက်တဲ့အခန်းကို ခင်ဗျား ဖျက်လိုက်ပြီမှတ်လား "

"ဟက် ဒါက လျှို့ဝှက်ထားစမ်းပါ "

မုန့်ဟွာကျန်းက ရွှီလော့ယန် သရုပ်ဆောင်ချက်အား မော်နီတာကနေကြည့်နေရင်း တိုးတိုးပြောလေသည်။

"ရိုက်ထားတဲ့ဟာတော်တော်များက တကယ်တော့ အလကားပဲသုံးလို့မရဘူး၊ဒါပေမယ့် ရွှီလော့ယန်နဲ့ ငါအချိန်ဖြုန်းပေးနိုင်တယ်၊ငါထင်တာမမှားရင် ငါ့ကို သူအံ့အားသင့်သွားအောင်လုပ်လိမ့်မယ် "

ချီချန်အန်း၏မျက်လုံးများ ပြုံးရိပ်သန်းသွားရသည်။

"သေချာပေါက်ပဲ "

"အင်း သူကစိန်တုံးတစ်တုံးလိုပဲ အရောင်ထွက်အောင်သွေးပေးဖို့ပဲလိုတာ ဒါဆိုရင် သူ အားလုံးကိုအံ့အားသင့်သွားအောင်လုပ်နိုင်လိမ့်မယ်၊ 'Divergent Road 'တုန်းကထက်စာရင် ငါလက်ထဲ ပိုပြီးတိုးတတ်လာတယ်လို့ မင်းမထင်ဘူးလား"