Chapter 105
ရွှီလော့ယန် ဟိုတယ်ခန်းကိုပြန်ရောက်တော့ ချီချန်အန်းက ဝိုင်ခွက်တွေနေရာချရင်း အလုပ်ရှုပ်နေလေသည်။ဖန်ခွက်ကို အလင်းရောက်အောက်မှာဖောက်ထွင်းပြီးမြင်နေရတာက အတော်လေးဆွဲဆောင်မှုရှိလှသည်။
ခြေသံဖွဖွနင်းကာ လျှောက်သွားလိုက်ပြီး အနောက်ကနေသိုင်းဖက်ကာ ခေါင်းလေးထွက်ပြီး မေးလိုက်၏။
"ချန်အန်း ဘာလုပ်နေတာလဲ "
သူလုပ်နေတာကိုရပ်လိုက်ကာချီချန်အန်းက လက်ကိုကိုင်ပြီး ရွှီလော့ယန်ကို နမ်းလိုက်သည်။ပြီးနောက် ပြန်ဖြေလာသည်။
"ကိုယ်တို့အတူ ရှန်ပိန်နဲ့အောင်ပွဲခံသင့်တယ်မဟုတ်လား "
ရွှီလော့ယန်၏ မျက်နှာထက် ချက်ချင်းဆိုသလို မျက်စိကျိန်းလောက်စေမယ့် အပြုံးတစ်ခုဖြစ်တည်လာရကာ
" ငါ auditionအောင်သွားတာ ဘယ်လိုသိလဲ"
"မုန်းလိုက်တာ ဒါမှမဟုတ်ရင် တခြားဘာရလဒ်ရှိသေးလို့လဲ"ထိုပုံစံအတိုင်း ချီချန်အန်းကသူ့ကို ဆွဲခေါ်သွားသည်။
ရှန်ပိန်ပုလင်းကိုဖောက်လိုက်ပြီးနောက် သူ့လက်ဖမိုးအား ပုတ်လိုက်ပြီး
"နျောင်နျောင် တံခါးခေါက်သံကြားရတယ်၊ကိုယ်တို့ မှာထားတဲ့ညစာရောက်လာပြီထင်တယ် "
" ဟုတ်သားပဲ "
ရွှီလော့ယန် အမြန်သွား၍ တံခါးဖွင့်ပေးလိုက်တော့ အစားအသောက်တွန်းလှည်းကိုတွန်းလာလေသည်။
လှည်းပေါ်ရှိ ပန်းအိုးထဲနှင်းဆီပန်းတစ်ပွင့်ကိုတွေ့ပြီးစားပွဲထိုးအားအသံတိုးတိုးဖြင့် "ကျွန်တော့်သူငယ်ချင်းကနှင်းဆီပန်းနဲ့မတည့်ဘူး "ဟုပြောလိုက်သည်။
အမြန်လေး စားပွဲထိုးကတွန်းလှည်းကိုအထဲကိုမတွန်းခင်လေး ချက်ချင်းဖယ်ပစ်လိုက်သည်။
အစားအသောက်တွေကို စားပွဲပေါ်၌ ခင်းကျင်းလို့ပြီးသွားသည်နှင့် auditionကြောင့်တနေ့ခင်းလုံး စိတ်လှုပ်ရှားနေရသဖြင့် နေလည်စာတောင် ရွှီလော့ယန် ကောင်းကောင်းမစားရသေးပေ။ ယခုချိန်မှာတော့ သူစိတ်အေးလက်အေးဖြင့် တူကိုကိုင်လိုက်ပြီး မရပ်တန့်နိုင်တော့ပေ။ချီချန်အန်းကနေပြီး သူအတွက် အသားကိုတစ်ကိုက်စာအရွယ်အတုံးလေးများ လှီးပေးနေကာ ဖန်ခွက်အလွတ်ထဲအအေးထည့်ပေးပြီးတော့မှသာ သူကစပြီးစားလေသည်။
YOU ARE READING
[COMPLETED]ငါက နေ့တိုင်း အချိုတွေကျွေးနေတယ်တဲ့ (ဘာသာပြန်)
RomanceTitle Translations Unicode only Zawgyi ဖတ်ချင်တဲ့သူလေးတွေအတွက် IQ Team tele channel မှာ pdf file တင်ထားပါတယ် All CREDIT TO ORIGINAL AUTHOR
![[COMPLETED]ငါက နေ့တိုင်း အချိုတွေကျွေးနေတယ်တဲ့ (ဘာသာပြန်)](https://img.wattpad.com/cover/354807698-64-k121204.jpg)