غَـــوثِـهِـمْ "يا صبر أيوب" الجزء التاني

لبيك اللهم لبيك..

"لَبيّكَ إنّا مُتعبون،
اجبُرنا كأنَّنا لم نَرى حُزناً"...

كل عام وحضراتكم بخير وألف صحة وهنا، دُمتم بخير رفقة أحبابكم، لا بأس إن عرفة آتٍ، فلا تصمتوا في هذه الأيام المباركة، كبروا، هللوا، سبحوا، اذكروا ربكم، ولا تنسوا أننا في العشر المباركة..

               _________________

طبعًا حضراتكم مستنيين الفصل، بس حقكم عليا، طبعًا دي أيام ضغط من الشغل والبيت والترويق، فالكتابة والقراءة مستحيلة الأيام دي، علشان كدا الفصل إن شاء الله هينزل يوم العيد، ويا رب يكون عندي وقت فاضي علشان أقدر أدلعكم العيد دا زي كل سنة، وكل عام وحضراتكم بخير، ومتزعلوش مني، بس حقيقي صعب أكتب الأسبوع دا، علشان كدا هعوضكم، ودا اقتباس أهو

                _________________

_تعرف؟ أنا الست الوحيدة اللي لو جوزها قالها بحبك زي ما بحب أخويا عمري ما هزعل، علشان عارفة أنتَ بتحبه قد إيه، كان نفسي أتحب زيه كدا.

طاف بعينيه في وجهها، لمح الحزن المنطوق بعينيها، يبدو أنه أهملها حتى زادت المسافات بينهما، انشغل في الانتقام والثأر فتاه عن دربها، ثم انشغل في الزفاف وفرحة شقيقه فغادر محطتها، تركها وحدها وهي لم تطلب قربه، لكن اليوم لعلها تتيقن من بعض المشاعر التي تحتاجها منه، وهو لم يبخل..

عقد حاجبيه ورسم بسمة صافيه يسألها:

_هو الحب إيه يا "سمارة" بالنسبة ليكِ..؟.

سأل وانتظر وببسمة شجن حزينة ظهرت بعينيها جاوبت:

_الحب دا معرفتوش غير معاك، الحب هو أنتَ.

زادت بسمته اتساعًا بينما يشير بين قلبيهما يُعدل الجواب بهدوء ولازال يبتسم:

_الحب معناه أمان، راحة، غربة لو اللي بتحبه مش جنبك، ولو الحب دا معناه إني رافض أي حاجة تكون برة وجودك فيها، أو أي حاجة تخصك قبل ما تخصني، أو حتى الحب هو إني مهما تُهت وغيبت لازم أرجعلك، يبقى أنا بحبك.

منذ زمنٍ لم ينطقها، لم يُصرح، ينسى أن المرأة تستسلم بأذنها، تناءى عنها حينما قتل، ابتعد عن مدارها وعكف نفسه عن كوكبها، يرى نفسه حانثًا بالوعدِ، آثمًا، اقترف الذنب وقتل رغم أنه وعدها ألا يفعلها، خشى أن يتعرى جُرمه في عينيها، فتبغض، وتكره، وتبعد ثم ترحل، خشى الفراق منها، ففارق الطريق هو، حتى في الليل اختلفت عاداته، فبدلًا من تطويقها بذراعيه فارضًا حمايته، كان يوليها ظهره ويتهرب منها..

ابتسمت له ورغمًا عن حيرة قلبها، وعن أنف كبريائها هتفت بضياعٍ، وتشتت، كأنها تخبره أنها في غيابه رحلت عنها الشمس وأضحت غاربة:

_أنتَ وحشتني أوي يا "إيـهاب".

#إلى_اللقاء_يوم_العيد.