WITH LOVE (Completed)

Kabanata 7

Araw ng linggo.

Tulad ng pangkaraniwan kong ginagawa tuwing linggo, maglilinis ako ng mansyon. Kaya ngayong umaga, kasalukuyan akong naglalakad patungo sa mansyon ng mga Santos.

Para sa akin, hindi rin pangkaraniwan ang umagang ito, gumising ako nang hindi man lang ako pinapagalitan o sinesermunan ni Mama. Ang mga kapatid ko naman ay busy sa kanilang mga cellphone, usong-uso kasi sa kanila ang facebook at saka ng snapchat.

Kanina nga, sobrang pagtatakha ko nang maaga akong paalisin ni Mama para makapaglinis na ng mansyon, Umagang-umaga pa kasi ngayon at dapat nga ay hapon pa ako pupunta sa mansyon.

Halos isang araw ko na palang hindi nakikita si Senyor Travis, Ewan ko ba pero namimiss ko na siya, kahit na isang araw pa lang ang nakalilipas nang huli kaming magkita.

Hindi na nga pala Senyor o Sir ang itatawag ko sa kanya, sa halip ay Travis na lamang ang dapat kong itawag sa kanya. Hindi naman daw kasi niya gustong tawagin ko siyang Sir.

"Naku naman, Kara! Bakit ngayon ka lang pumunta rito? Kahapon ka pa inaabangan ni Sir Travis rito." Halos mamilog ang mata ko sa sinabi ni Manang Tessa sa akin.

"Nasaan po siya?" Tanong ko.

"Nasa kwarto niya. Mainit na nga ang ulo kakahintay sa'yo." Sabi pa ni Manang, "Pumanta ka na 'ron." Sabi pa ni Manang sa akin.

Sumibol ang kaba sa dibdib ko sa sinabi ni Manang, agad rin akong naglakad patungo sa kwarto ni Travis at nang makarating ako ay agad ko siyang kinatok.

"N-Nandito na ako," sabi ko.

Idinikit ko pa ang tainga ko sa pintuan ng kwarto ni Travis, hindi naman siya sumasagot at naka-lock rin ang pintuan niya.

"Si Kara ito." Sabi ko.

Kumatok pa ako ng mga tatlong beses at saka niya binuksan ang pintuan ng kwarto niya,

Madilim ang kwarto niya at tanging ilaw lamang na nagmumula sa telebisyon ang naaaninag ko, malamig rin sa kwarto niya.

"Bakit ngayon ka lang?" Tanong niya sa akin nang makaupo na siya sa kama niya, ako naman ay nakatayo sa may tapat ng kanyang telebisyon.

"Wala kasi akong trabaho dito kahapon, kasi nakapaglaba na ako ng friday diba?" Sabi ko.

Hindi siya sumagot, tanging pagbubuntong hininga niya lamang ang naririnig ko,

"Sunday ngayon." Sabi niya,

Tumango naman ako.

"Maglilinis ako ng bahay." Sabi ko.

Lumapit siya sa akin at naramdaman ko na lamang ang biding niyang nakayakap na sa akin. "I missed you." Aniya.

Napapitlag ako sa sinabi niya, halos mawala rin ako sa sarili ko at tila ba may kung anong kiliti sa puso ko ang sinabi niya.

"Nakalimutan mo na ba?" Sabi niya,

Napatawa naman ako nang humaba ang nguso niya.

"Sunday di'ba, magsisimba tayo?" Saad niya.

Oo nga pala! Linggo nga pala ngayon at may pangako ako sa kanya na magsisimba kami ngayon!

"Sorry, nakalimutan ko. Magbibihis lang ako sa bahay." Sabi ko.

Umiling naman siya at hinawakan ang balikat ko, "H'wag na, may damit ka na rito. Binili kita nung friday pag-uwi ko." Sabi pa niya.

Napatikom ako, sobrang dami na talagang ibinibigay sa akin nito ni Sir.

Wala na rin naman akong nagawa pa kaya dito na ako naligo sa banyo niya, paglabas ko ng banyo ay sumalubong sa akin ang napakagwapong si Travis,

Simpleng white shirt lamang ang suot niya at maong na pants na tinernuhan ng Adidas na sapatos.

Mariin akong napakagat sa labi at saka marahang yumuko, nakatapis pa lamang ako ng tuwalya at kukunin ko pa lamang ang damit ko na nakalapag sa kama.

"K-Kara, anong ginagawa mo?" Gulat na tanong niya sa akin.

"Magpapalit po akong damit.."

Napa-kunot ang noo niya, "Dito sa harap ko?"

Kinuha ko ang damit na susuotin ko na nakapalapag sa malaking kama niya.

"Hindi po. Sa banyo ako magbibihis." Sabi ko.

Tumango naman siya kasabay ng paghawak niya sa noo niya, "Masakit ba ang ulo mo?" Tanong ko sa kanya.

"Hindi," umiiling-iling pang sagot niya. "Sige na, magbihis ka na." Sabi pa niya.

Agad akong dumiretso sa banyo upang makapagbihis.

Matapos kong magbihis ay lumabas na rin ako ng banyo at naabutan ko pa si Travis na nakakunot pa rin ang noo habang titig na titig sa akin.

Napalunok naman ako at pasimpleng tinignan ang suot ko, maganda naman ang suot ko, pero ewan ko ba kung bakit siya nakatingin sa suot ko na para bang inoobserbahan ito. Sa suot ko ba o sa dibdib ko?

"Pulang-pula ang bra mo, bumabakat talaga." Aniya,

Mabilis na nanlaki ang mata ko sa sinabi niya, agad kong tinapunan. Ng tingin ang suot ko at totoo ngang bumabakat 'ron ang kulay red na bra ko.

"Magpalit kang damit," Sabi pa niya habang kumukuha ng damit sa closet niya.

Binigyan niya ako ng isang makapal-kapal na damit. "Ayan nalang," sabi pa niya.

Nagpalit na rin ako ng damit at matapos 'non ay okay na rin naman kaya dumiretso na kami sa sasakyan niya.

Kanina ko pa napapansin na tunog ng tunog ang cellphone niya, pero hindi naman niya ito pinapansin kaya naglakas loob na akong sabihin na may tumatawag sa kanya, baka kasi hindi siya aware na may tumatawag pala.

"May tumatawag yata sa'yo." Sabi ko.

Binuksan na niya ang engine ng sasakyan niya, at saka niya kinuha ang iPhone niya mula sa bulsa niya.

Sinagot niya ang tawag, habang ako ay tahimik na nakikinig.

"Yes, baby."

Napatigagal ako at nawala ang ngiti sa aking labi nang marinig ko ang sinabi niya.

"I missed you, how are you?"

Napalunok pa ako ng ilang beses at saka ipinukaw ang atensyon sa labas ng sasakyan.

"Eh, si mommy?"

----

Thank you sa book cover @Forevernotfounddddd :)

Don't forget to vote and comment!