My Last Mr. J | #Wattys2017

Chapter 25 - Where Is He?

Nang araw din na yun ay pinayuhan ang family ni Jelly na ilipat sya sa Makati Med para mas matutukan ng family doctor nila at para na din maalagaan sya nang mabuti. Tama nga ang suspetsa ng doctor na nainfect nga si Jelly ng Tetanus dahil sa sugat nya pero buti na lang at mabilis na naagapan bago kumalat sa buong katawan na pwedeng maging dahilan ng paglo-lock jaw o pwede din nyang ikamatay.

She stayed in the ICU for 5 days at nang masigurado na nang mga doctor na safe na sya ay saka sya ipinalipat sa regular hospital room.

When she opened her eyes, she looked around the room at napansin nya ang Mommy nya na nakasubsob sa tabi ng bed nya.

"Mom... mom..." Ginigising nya ang mommy nya.

Naalimpungatan ang mommy nya. "Jelly... Oh thank God nagising ka na..." At hinalikan sya nang mommy nya sa kamay at maya-maya ay tumayo na at hinalikan sya sa noo. "I'm happy that you're starting to recover na... Thank God."

Ngumiti lang si Jelly.

"May gusto ka ba anak? Are you hungry or thirsty?" Excited na tanong ng mommy nya.

Umiling lang si Jelly. "Where is Dad, mommy?" Tanong nya.

"Ahhm, lumabas lang sya kasama si Kuya Jeremy at Ate Paula mo pero babalik din daw sila kaagad." Sagot ni Mommy Jill.

"Okay po, wait ko na lang po sila..." Tipid na sagot ni Jelly at sabay ngumiti.

Maya-maya ay pumasok na sa room si Daddy Jim kasama si Jeremy at si Paula. May dala-dala silang fresh fruits at fresh roses para kay Jelly.

Nang makita nilang gising na si Jelly ay excited silang lumapit sa bed nito.

Dali-daling hinalikan ng daddy nya si Jelly sa noo at hinaplos-haplos ang pisngi nito.

"Sobrang na-miss ko ang baby kong 'to.. buti naman nagising ka na. Sobrang nag-alala kami ng mommy mo sa'yo, pati Kuya Jeremy mo at Ate Paula.." Daddy Jim declared.

Tiningnan ni Jelly ang mag-boyfriend at sabay na kumaway at ngumiti sa kanya ang dalawa. 

"Namiss ka namin sis, sobra! Di ba Pau? Buti at safe ka talaga, kung hindi I'll blame myself kung mas malala ang nagyari sa'yo dahil hindi ko siguro ikaw naalagaan ng husto nung nasa Boracay tayo." Sabi ni Kuya Jeremy sabay sulyap kay Paula na ngumiti sa kanya.

"Kayo din naman sobra kong na-miss... Parang ang tagal-tagal kong nawala..." Sabi ni Jelly habang tumutulo na ang luha.

"O ha, you're not allowed to cry kse di ka gagaling nang maayos nyan.." Si Daddy Jim habang pinupunasan ang luha ng anak. "Tsaka yan o, papangit ka nyan.." Sabay pisa sa kanyang pisngi.

"Dad, I'll be ugly na, pinapalapad mo mukha ko..." Reklamo ngunit nakangiting sabi ni Jelly.

Nagtawanan silang lahat.

Maya-maya ay biglang natahimik ang paligid. Para mabasag ang silence ay may naisipang itanong si Jelly.

"Mom.. Dad... Nagpunta na ba dito si Vince?" Mahinang tanong ni Jelly.

Nagkatinginan silang lahat.

"Ahhh... o-oo naman... Araw-araw nga syang nandito nung nasa ICU ka e... E-everyday nga nagdadala sya ng flowers para sa'yo... Pati yun iba nyong friends dumadalaw din lagi..." Mommy Jill explained.

Kumislap ang mga mata ni Jelly. "Talaga po? Eh di malamang today e pupunta sya dito. Pwede po bang paki-text sa kany na okay na ko at nagising na ko?" Excited na sabi ni Jelly.

"Si-sige sis ako na magtetext sa kanya mamaya, lowbat lang kse ko e..." Sabi ni Jeremy na tumingin kay Paula pagkatapos.

Nagkatinginan ulit sila lahat.