Astig II (The Promise)

Chapter 19 - Frozen and in love

Nang gabing yon, plinano ni Mandie ang pagkuha ng Birth Certificate ni Shelby. Nagkunyari siyang concerned kay Shelby. Pagdating niya ng bahay, pinuntahan niya ito sa guestroom. Kumatok siya sa pinto. Pinapasok naman siya nito.

Mandie: I just came to give you this para may souvenir ka. Nakuhanan pala ng auto shutter yung pagpasok mo ang ganda ng picture mo sa ilalim ng arc eh. Tsaka bagay sa yo yung gown oh, you look.

Shelby: ay oo nga...

Mandie: Eto naman yung nagpose kayo ni Tatay.

Shelby: Salamat.

Mandie: Wala yon... oo nga pala galing ako kay Lolo, medyo naumpisahan ko nang sabihin ang problema mo. Just like what I told you, he will not help unless he is sure na anak ka ni Tatay. So, sinabi ko about the birth certificate, and he wanted to see it. Pwede ko bang hiramin para ipakita ko sa kanya. Or kung gusto mo naman, sumama ka na para kausapin siya.

Shelby: Ayoko, natatakot ako sa kanya eh. Sige, eto oh ipapahiram ko na lang sa yo. Basta tulungan mo ako ha.

Mandie: Promise, bukas may sagot na ang problema mo.

Shelby: Sige, matutulog na ako, bukas na lang.

Mandie: Okay, goodnight.

Nagpunta na sa kwarto niya si Mandie. Gamit ang 3 in 1, printer, fax,scanner niya ay iniscan niya ang birth certificate ni Shelby. Inilagay niya ang original sa isang envelope at itinago sa ilalim ng kutson ng kama niya at ang scanned copy ibinalik sa plastic envelope na lalagyan ng original copy.

Kinabukasan ng umaga, nagkita sila ni Joax sa dining table para magbreakfast. Binati niya ang kanyang Tatay na parang walang nangyari. Umarte pa talaga siyang masaya siya.

Mandie: Good Morning po Taytay, Naynay. I have class today and we are also attending a training after class so afternoon na po ako makakauwi then I will pass by Lolo Dada's house.

Maya: Okay Darling... magpapahatid ka ba kay Manong? Oh may personal driver ka na naman.

Mandie: May personal driver ako Naynay. May class din siya today eh, sabi niya sasamahan niya din ako sa mga lakad ko.

Joax: Mukhang dibdiban ang panliligaw ni Jaybee ah, inaaraw-araw ka na eh.

Mandie: Kapag weekdays lang naman Taytay eh... kasi pag weekend may training siya sa Lolo niya tapos Sundays naman is family day. Besides he's just making most of the days that we are together kasi next school year I will be away.

Joax: Hindi ka niya pinipigilan to study abroad?

Mandie: He's not happy about it but he said he understand and he does not want to stand in the way of my dreams.

Maya: Mabait na bata talaga yang si Jaybee.

Mandie: Anyway, I better eat he'll be here soon.

Makalipas ang labinlimang minuto pumarada na nga ang kotse ni Jaybee sa tapat ng bahay nila Mandie. Bumaba ito at papasok na sana si Jaybee ng biglang bumukas ang gate at sumulpot si Mandie.

Humahabol naman si Joax...

Joax: Mandie Darling... wait...

Huminto si Mandie sa tabi ni Jaybee at humarap sa kanyang ama.

Mandie: Yes po Tatay?

Joax: About what happened yesterday...

Mandie: Wala na yon Tatay, I understand, don't worry I will mention it to Lolo later.

Mabilis itong sumakay sa kotse ni Jaybee at nagpaalam na ng tuluyan. Walang nagawa si Jaybee kung hindi sumakay na lang din at kumaway kay Joax. Isinama ni Jaybee si Mandie sa bahay ng kanyang Lolo. Ipinarinig nila ang coversation nilang magama kasama si Shelby na nairecord ni Mandie sa kanyang cellphone at ipinakita nila ang birth certificate.