Astig II (The Promise)

Chapter 36 - Rage

Kinabukasan habang nasa garden at nagpapractice ng martial arts si Mandie at Alex, dumating si Chief Marco at dumerecho ito sa opisina ni Jaybee.  Nagtataka sila dahil hindi naman ito nagsabi na darating siya. Nagfile na pala si Jaybee ng restraining order at dinala lang ng abogado at ni Chief para mapapirmahan. binalita naman ni Chief Marco na may address na silang nakuha mula sa isang registration ng kotse sa LTO sa pangalan ni Vivien at pupuntahan na nila ito para iserve ang warrant of arrest.

Isinama ni Chief si Matrix at ilan pang kapulisan at pinuntahan ang address pero wala silang nadatnan kung hindi ang katulong.

Nagmamadali daw na nagempake si Vivien ng nagdaang gabi pagkagaling sa isang birthday party at ang sabi pupunta daw ng probinsya.  Hindi naman alam ng katulong kung saang probinsya.  Bumalik ang grupo ni Chief Marco sa bahay ni Jaybee na bagsak ang mga balikat.

Jaybee:  It's okay, as long as there is a restraining order.   Now I want you to put her on the wanted list I will give a reward to anyone na makapagtuturo sa kanya.  Maaaring nakakapagtago siya pero ang daga kusang lumalabas ng lungga kapag gutom na. At ang daga pwedeng habulin ng mga pusang ligaw.  Kaya paliliitin natin ang mundo niya. At hahayaan natin ang mga pusang ligaw ang humabol sa kanya. I want her picture on every tabloid and broadsheet.

Chief Marco:  Sigurado ho ba kayo dito?

Jaybee:  I am just so tired of her game.  Patayin na niya ako kung papatayin niya.  I just want this done and over with so we can all go back to our normal life at wala ng iba pang masaktan. Maraming buhay na siyang sinira. Buhay ng mga kabataang nangangarap lang na maging modelo.  Kung ang mga babaing yon walang kakayahang lumaban sa kanya ako meron.   Pinagbantaan na niya ang buhay ko, nabaril na si Mandie, may karapatan akong lumaban sa paraang kaya kong gawin.  Hindi ko siya mahuli ng magisa then I will have the same people of her kind to find her for me dead or alive. Tignan ko lang kung hindi siya matakot.

Mandie:  Jaybee, lalo kang magiging delikado,  sigurado akong iisipin niyang ikaw lang  ang may kakayahang gumawa niyan.

Jaybee:  I don't care anymore. Maaring may mga tauhan pa siya, maaaring marami akong makakalaban.  Pero sisiguraduhin ko naman na buong mundo ang kalaban niya. 

Napatingin silang lahat sa kanilang cellphone isang flier ang pinost ni Jaybee sa isang social media using a different name at itinag nito ang mga grupo or organization at institusyong alam niya.   Ang nakalagay  Wanted:  Dead or Alive.  May litrato ni Vivien at buong pangalan. Vivien Fernandez Stevens, Drug Pusher,  head of a syndicate involved  in human trafficking.  She sold a lot of young aspiring models to become a sex slave. She drugged them and sold them in different countries.  Reward:  Five Hundred Thousand Pesos.  May isa pa na tagalog naman ang nakasulat.

Jaybee:  Andrea, tawagan mo ang printer ng Lolo  I already emailed them  those fliers layout. I want those fliers printed today as many as they can. Kapag nakagawa na ipadala dito agad. 

Mayamaya, dumating sila Shawn, Ice at Ian.  Wala ng nagawa sila Mandie kung hindi iwan ang mga ito.

Chief Marco:  Magiging delikado nga ang buhay niya pero tama siya kung kaya niyang lumaban kailangang lumaban siya dahil kung hindi papanong mahuhuli si Vivien? Hindi pwedeng habang panahon siyang nagtatago.

Mandie:  Natatakot ako para sa kanya Chief.  

Chief Marco:  No Mandie, hindi ka dapat matakot.   Ngayon ka dapat magpakatatag.  He kept quiet dahil pananakot lang naman ang ginawa niya. Pero yung nasaktan ka na ayaw na niyang manahimik. I will inform Chief Norton about this and we will see what else we can do.

Nang hapon ding yon may dumating na fliers sa mansyon. Dumating sila Shawn.  May ilang mga kasamang riders, kumuha ang mga ito ng mga fliers.  

Shawn:  Ikabit ninyo ito sa bawat poste na makita ninyo o bulletin board sa mga barangay hall at police department. Kayong tatlo papunta sa South, isa papuntang Muntinlupa hanggang Calamba. yung isa papuntang alabang-zapote Road hanggang las Pinas at yung isang Paranaque hanggang Lawton.   Kayo namang tatlo, isa papuntang Makati suyurin ninyo mula South Super HIghway to Edsa.   Yung isa hiway to taft  hanggang don sa Paco.  At ang isa  Suyurin ang Edsa pasukin ang Estrella, Guadalupe, Pasig, Marikina hanggang Antipolo. Ayan ang paunang bayad kapag naubos niyo yan at nacheck namin na maayos ang trabaho ninyo. Babayaran ko ang kabuuan tapos  papunta naman kayong lahat ng mga probinsiya doble naman ang bayad.