✔Dating the Undead [Books 1&2]

DTU2: SEDECIM

This chapter is dedicated to Ms. Karies Victoria (biskulit)

---

A virus is a harmful microorganism that attaches itself to a host. Naka-depende sila sa iba para mabuhay. Madalas, nakakapagdulot sila ng mga sakit at posibleng mamatay ang kanilang "host". Bakit ko 'to sinasabi ngayon? Well, let's just say that a certain "Ethan Pascua" is similar to a virus.

Mapanganib at nakamamatay.

Oo, promoted na siya mula sa pagiging bad bacteria. Magpasalamat dapat siya sa'kin!

"So, hiningi mo pala ang tulong ng Society sa imbestigasyon natin? How foolish of you, James. You haven't even consulted me! I'm hurt," Pang-aasar niya habang prenteng nakaupo sa tapat namin.

He smirkerd, sipped his iced tea, and leaned closer to us. Bumaba ang kanyang boses na para bang nagbabanta, "Padalus-dalos ka magdesisyon. A scientist thinks before he works his magic. Wala bang nakapagturo sa'yo 'non? Psh."

'Kapag nasamid siya sa iced tea niya, magpapa-fiesta talaga ako sa Eastwood,' isip-isip ko't inayos ang salamin sa ilong ko. I met his intense gaze and frowned, "I'm a genius, Pascua. Alam ko ang mga ginagawa ko. Hindi ikaw ang nanay ko para magpaalam pa ako sa'yo."

Nakakuyom na pala ang mga kamao ko sa ilalim ng mesa. Umirap si Algea sa'ming dalawa at siniko ako.

"Ouch!"

"Calm down, nerd." Pagtataray niya.

"Siya nagsimula eh!"

Ethan laughed, "The genius of Eastwood is acting all childish again! How amusing."

Pinipigilan ko na lang talagang mag-imbento ng robot na gagawing punching bag ang mukha ng hudas na 'to. The idea is really tempting.. 'Be mature, Levi. Baka madisappoint ang fans mo.' Huminga ako nang malalim.

"The Eastwood Paranormal Experts Society is the best ally we can get. Kilala ang grupo nila sa mga information resources at strategies. I don't see why you'll disapprove, Ethan." Kalmado kong sabi. Algea nodded, "Malaking tulong ang pag-recruit natin sa kanila. Kapag may nangyaring masama bukas, they can keep watch and help us."

Nagkibit-balikat si Ethan, "Hindi ko naman sinasabing hindi sila makakatulong. I'm only concerned with the fact that they're outsiders. Gaano kayo kasigurado na hindi nila tayo gagamitin para sa pansarili nilang mga interes?"

Naalala ko ulit si Magno at Epi. Well, no matter how much I want to argue about it, this bastard has a point. Sabihin na lang nating hindi maganda ang reputasyon ng kanilang leader. Magno is a mysterious man and a troublemaker. Balita ko nadawit siya sa drug trade scandal noong nakaraang taon.

I was about to voice out my opinion when Algea suddenly interrupted, "Nagbabago ang tao, Ethan. Alam mo 'yan. They're paranormal experts for pete's sake! What could possibly go wrong?"

Napailing na lang ang dambuhalang virus. "Fine. Have it your way."

Algea glanced at her phone. Mabilis siyang bumaling sa'kin, "Uy, kailangan ko nang umuwi. Nagpapatulong pa si Tita Jen para linisin 'yong bodega niya." Hindi niya pinansin si Ethan at mabilis na siyang tumayo.

Hinawakan ni Algea ang kamay ko para ayain na akong umuwi pero hindi ako kumilos.

Ethan smirked at this. The tension between us rose as I sighed. Mukhang alam na niyang may kailangan akong impormasyon sa kanya. Tsk!

"Are you familiar with Professor Samuel's unpublished works?"

Nanigas si Algea sa narinig. Kumunot ang noo niya na para bang nagsasabing 'bakit ka naman magkaka-interes sa mga lumang studies ng daddy ko?'. I ignored her questioning gaze and glared at Ethan. Napasandal siya sa upuan, "Is this about the monster inside Project Beta's laboratory?"