واقفه جادي بالطابور حولها كم من وحده من صحباتها تسولف معهم سوالف سطحيه .. جا في بالها صديقتها راما .. كانت عارفه بحبها لثريا لذا ما قالت لها عن جيه ثريا لهم
التفتت للطابور اللي جنبهم وشافتها تتأمل ثريا بكل هدوء وواضح للأعمى انها تحبها .. انغبنت وبعدت وجهها عنها ملتفته لقدام وجت عينها بعين ثريا اللي من بدا الطابور
وهي تناظرها لا جازي ولا ثريا شالوا عينهم بذيك اللحظه بل اكتفوا يناظرون لبعض بهدوء .. كلها ثواني قبل لا تحس جازي على نفسها فبعدت عينها
والاحمرار اخذ مكانه على وجهها المُحرج .. خلص الطابور والطوابير بدأت ترقى للصفوف بالدور اما المعلمات ففي منهم اللي صعد فوق ومنهم اللي يسولفون مع بعض وثريا منهم
جازي مشت مع طابورها وثريا التفتت تناظرها بالوقت اللي كانت فيه جازي تحاول تبعد نظراتها المتوتره على قد ما تقدر
...
دخلت جازي الفصل وقعدت بمكانها وهي تسولف مع صديقاتها الين ما قاطعهم دخول ثريا اللي ما كانت عليهم اساساً فسألت وحدة من البنات " ابلة انتِ علينا ؟"
ثريا بإبتسامه "اي ابلة الدين غايبة وانا عليكم بدالها " قالتها وهي توزع نظراتها على البنات بالفصل اللي قاموا يعطونها نظرات حزينة فتكلمت بضحك
ثريا" هههه لا تخافون ما بعطيكم الدرس اذا ما ازعجتوني بس لـ.." كل البنات تحمسوا وقاطعوها بصوت واحد " طيييييببب!!!"
ولأنهم عارفين ايش بتقول ما عطوها مجال تتكلم مخلينها تضحك عليهم" يلا تعالوا فوق عشان اسوي شغلي " كلهم قاموا بتأفف اما جازي كانت بوضع ثاني ومتحمسة
لأنها بتصبح بوجهها واخر حصة هي عليهم اليوم وش هاليوم الحلو؟
...
" شتسوين ؟" قالتها نوف وهي تشوف جازي تحوس بورقة بتركيز وتطوي فيها " احاول اسوي طائرة ورقية " عطيني احاول " عطتها جازي الورقت بترقب بينما
نوف تحاول تسوي وفي النهاية سوتها بس في اشياء غلط " الله الله على الطيارة الفاشلة " قالتها جازي وهي تصفق اما نوف اخذت الطيارة وضمتها لصدرها بدراما
وهي تقول"بنتيييييي" عطيني عطيني " قالتها جازي وسحبتها من نوف وطلعت من مكانها اللي كان عند الجدار ووقفت عند الطاولات وقامت تلعب فيها وتقول بطفولية
" الطائرة الفاشلة المُتوجهة من مطار الخبر الى مطار الدمام ستقلع الان الرجاء اللحاق عليها لأنها ستسحب عليكم اكرر الرجاء اللحاق عليها لأنها ستسحب عليكم "
قامت تضحك ونوف وياها .. قامت جازي صفقت بيدها صفقتين ورى بعض بشكل ازعج ثريا اللي كانت مشغولة بلابتوبها فطقت قلم الرصاص اللي بيدها على الطاولة طقتين ورى بعض ورجعت كملت شغلها
