كانت راما تدور هنا وهناك بالسطح الكبير عن كتابها الين لقته اخيرًا وصار كله غبار .. اخذته بتأفف وقامت تنفخ على الغبار اللي فيه وهي ماشية لبرى
توّها بتعدي من الباب وهي بنفس الوضعية بس صقع راسها بصدر وحدة فرفعت راسها وانصدمت بريانة الواضح عليها ملامحها المحتده لعصبيتها اللي
تخوّف اللي ما يخاف فرجعت لورى بتلقائية وجسمها يرجف من الخوف ... مسكتها ريانة ولصقت ظهرها بأول جدار شافته عينها وقامت تتأمل عيون
راما بصمت واشتياق لها .. " ابعدي عني شتبين " قالتها راما وهي تدف بريانة بعد ما استجمعت شوي من شجاعتها " ليش كل هالقطعة؟ ليش حارمتني منك
وصايرة مع جازي؟ مو كنتِ تكرهينها؟ وش اللي حببك فيها؟ وش اللي خلاك تتعلقين فيها وتتركيني هممم ؟!" قالتها بصوت حزين وهادي
وهي تتأمل راما المصدومة فقالت راما بعد صمت دام لثواني وهي تتأتأ " ا .. انا مـ.. ما تركتك بس احتجت فترة اصفّي فيها عقلي .. احتاج وقت بعيد عنك "
ريانه " ومتى ترجعين لي راما القديمه؟" راما تكلمت وهي تشتت نظرها " عطيني كم يوم " متى كم يوم متى ؟!" عـ .. عطيني اسبوع بالكثير " واذا ما رجعتِ لي برجعك بالقوة " قالتها وهي تبتسم
فبادلتها راما الابتسامة وقالت " تمام " راما راحت تاركة وراها ريانة تفكر باللي صار وايش السبب اللي تبي تصفّي راما عقلها له هالفترة .. مو دارية ان هي الاساس
لكل شي هي اللي خلتها تنحف وتهتم بنفسها ودراستها وهي السبب اللي تبي راما تصفّي عقلها عشانه ذي الفترة
من جهة ثانيه راحت راما لجازي وقلبها يدق بسرعة اول ما لمحت عينها جازي نطت عليها وضمتها بقوة ، ضحكت جازي وضمتها
بعدها قالت " ها شصار مع حبيبة القلب ؟" خلصت جملتها وغمزت لراما اللي زاد احمرارها " مـ .. ما صار شي" وخدودك حمرة زي الطماط ليش؟"
" افف خلاص طيب " قالت راما لجازي اللي صار لها " وبعد كل هذا ما صار لي شي انن " قامت تقلد راما ضحكت راما عليها وضربت كتفها على خفيف
من ثم قالت جازي بجدية شوي " بس راما خلاص وقفي تلعبين بمشاعرك ومشاعرها محد بيتضرر من اللي تسوينه كثركم .. الفرصة قدامكم استغلوها
والحياة قدامكم خلاص لا تحرمون نفسكم من بعض اكثر" حست راما ان جازي متضايقة قلبها نغزها ان فيها شي من كم يوم بس تسوي نفسها كويسة
فقالت لها " تعالي تعالي وياي انتِ وراك سالفة بالعتها" كانت تشدها من يدها لمكانهم اللي بالسطح وحاطة يدها على قلبها ما تبي تشوف ريانة
وصلوا ومحد فيهم تكلم .. تنهدت راما براحة لما ما شافت ريانة وسحبت جازي للمكان اللي هم مجهزينه بكرسيين وطاولتين نظاف .. تربعت راما على الطاولة
