اسرار خلف اسوار

part 45

ڤوت وكومنت لطفًا 💕
...

مكالمة جماعية لجازي وصديقاتها

روان " ولا يكون انتِ راضية باللي يصير ؟!"

جازي " من قال لك؟؟ صار لي سنة ادق على اهلي بس محد يرد جحدوني "

رنيم " ما تدرين وش يمكن يصير اليوم "

جازي " شنو بيصير يعني؟؟ بتكمل حركاتها زي كل مرة وتتركني بعدها "

بشرى " تأملي بالخير تلاقينه "

جازي " ما يحتاج اتأمل كان المفروض اعرف من جت لي الغرفة ومعاملتها اللي زي وجهها ان هاليوم ما بيعدي على خيـ .. برجع اكلمكم بعد شوي "

سكّرت جازي لما شافت ثريا ساندة ظهرها على الباب وهي متكتفة .. قربت منها وسكرت الباب وقالت بوجه بدون تعبير " بما انك خلصتي مكالمتك المهمة .."

جازي " ما خلصت "

ثريا " طيب .. ما اتوقع يحتاج اني اوريك الغرفة لأنها كانت لك من قبل تعرفين مكان الدولاب والحمام .. بتلاقين بالدولاب ملابسك وملابس المدرسة بعد "

جازي وهي معقده حواجبها " ملابس شنو؟؟ برجع البيت وش يقعدني هنا اكثر !"

ثريا نفت برأسها بإبتسامة " بتجلسين عندي الفترة الجاية"

جازي ناظرت لها بحدة وتكتفت قبل لا تقول "ليش؟؟ أي حجة استعملتي هالمرة ؟؟"

ثريا " لأني ابي "

جازي رفعت حاجبها وقالت وهي تقوم من مكانها " مو أنا اللي تقولين لها ابي وتسوي لك .. اخترتي وحدة غلط"

مشت بنية انها تطلع وترجع لبيتها بس ما حست الا على يد ثريا اللي مسكت كوعها ونطقت بهدوء خوّفها " ارجعي .. هالباب ما بتطلعين منه "

جازي التفتت لها .. كانت خايفة .. ما تنكر هالشي بس كبرياءها وعنادها ما بتكسرهم لو ايش ما كان حجم خوفها " لا يكون تحسبيني بقول ان شاء الله واجلس؟"

ثريا " ما احب اكرر كلامي .. عشان ما اسوي شي ما ابيه .. جازي " بعدت يد ثريا عنها بقوة وقالت "بطلع ووريني شبتسوين "

ثريا تنهدت قبل لا تقول " لا تخليني امنعك من روحة المدرسة .. ما اظنك تبين توصلين لهالمواصيل"

جازي " من انتِ ؟؟ من انتِ عشان كلمتك تمشي وتأمريني وتنهيني ؟؟ انتِ من ؟؟ "

ثريا " دامك تعرفين ان كلمتي تمشي واللي براسي يصير .. سوي اللي اقول لك اياه "

جازي " وليش اسمع كلامك ليش ؟!! ليش تتحكمين فيني دايم وكل شي تبينه مني تحصلينه ايش هدفك من كل اللي تسوينه لوين تبين توصلين مو قادرة افهم !!"

ثريا " مو مهم انك تفهمين بس الاهم انك تطبقين اللي ينقال لك .. نامي بدري بكرة وراك مدرسة "