رنيم وهي تطق الباب بقوة " جازي .. جازي افتحي
الباب ما ينفع تسوين كذا !"
روان " خلاص هدي شوي انت بعد !"
رنيم التفتت لها وتكلمت بعصبية " كيف اهدي
وصديقتي حابسة نفسها بهالغرفة من يومين ؟؟
ها؟؟ فهميني كيف ! "
راما وهي تبكي " جازي لا تسوين بنفسك كذا .."
رنيم " راما البنت مو ناقصة لا تجين تصایحین
على رأسها وتروحين .. وانتِ جازي بتفتحين الباب
بالطيب ولا نكسره؟!"
زفرت بقوة وهي تناظر لبابها .. وللهدوء اللي صار ..
وکسره جيه بدور "طلعت ؟"
روان " لسا "
تنهدت بدور وقالت وهي تطق الباب بهدوء "جازي حبيبتي .. يلا افتحي شوي طمنينا عنك .. شوي بس "
صوت القفل اللي كسر الصمت بينهم خلا ملامحهم
تتغير وبسرعه يفتحون الباب ويدخلون لها .. كانت
الغرفة ظلام مع أن الدنيا نهار .. المكان حوسة
والملابس مليانه بكل ركن فيها .. غير لفحه
البرودة اللي حسوا فيها اول ما دخلوا .. وجازي اللي
منسدحه على السرير .. مادة كل اطرافها بجهة غير
وهي تناظر للسقف بنظرة ميته وشاردة .. ثواني كانوا
يتبادلون النظرات فيها قبل لا تقول بشری " رنيم تعالي
معي خل نسوي لها اكل "
رنيم اومئت برأسها ولحقت بشری لبرى بالوقت
اللي روان اشرت فيه لراما وريانه عشان يرتبون المكان وهي راحت تفتح الستاير واللمبات اما بدور فوقفت قدامها
ما تحرك فيها ولا انش .. ولا عطتهم ولا نظرة .. بدور
قربت منها وجت بتجلس جنبها بس جازي بحرکه
سريعه حطت مخدة بالجهة اللي كانت بتجلس فيها
عقدت حواجبها بإستغراب .. وقالت " جازي ..
ايش فيك ؟؟ حابسة نفسك هنا من يومين بدون
أي سبب ليه ؟؟"
ما جاها رد الشي اللي خلاها ترجع تتكلم بإنفعال بسيط
" اكلمك أنا .. ردي علي حابسة نفسك هنا ليه؟!"
بعد ما جاها رد فقالت بعصبية " جازي أنا مو أي أحد
تعرفينه .. أنا بدور .. تعرفين زين أسلوب التطنيش ذا ما
يمشي معي فتكلمي احسن لك !"
روان " أنا والبنات بنروح نساعد رنيم وبشری " قالت روان كلمتها وبسرعه طلعت مع راما وريانة مسكرين
الباب وراهم .. أما بدور فجابت لها كرسي التسريحه
حطته قدام جازي وجلست عليه حاطه رجل على رجل
" اسمعك " جازي تعبير البرود بدأ شوي شوي يتغير
ووجهها بدت ملامح البكاء تطلع فيه
قامت بسرعه وتربعت وقالت ودموعها تنزل بسرعه
" رفضتني .. بدور رفضتني بدون ما تبرر لي !"
بدور " بينت لك انها تكره هالشي؟" جازي نفت بسرعه
برأسها وهي تتذكر كل تفصيله صارت ذاك اليوم ..
حاولت تمسح دموعها بس بكل ثانيه تمر
