اسرار خلف اسوار

part 41

وعد " يلا عشاني "

روان تنهدت وهي متكتفه " وبالله ليش بتهتم إذا أنا اللي كنت انشب لك ؟؟"

وعد " أنتِ اكثر وحدة تعرف تمثل يلا عشاني "

روان " خلاص طيب بس تراها اخر مره اسويها "

وعد " طيب طيب يلا "

...

في الليل كان الجو قريب للبروده .. الكل متفرق بالمكان ..

جازي " وبس هذا اللي صار "

روان نفخت وهي تقوم " أنا بروح "

بشرى " ما عليك منها ذي النفسيه الـ .. "

روان مسكت يد بشرى وهي تتكلم مخليتها تسكت وهي تناظر لها بإستفهام .. نظرة روان لعينها ما كانت أي نظره .. كانت كأنها تحاول تكلمها بالنظرات

تبي تتأكد اذا هذا فعلاً رأيها ولا لا وكثير أسأله ببالها .. كانت عميقه وكأنها تناظر لروحها .. بشرى بلعت ريقها وعيونها تهتز .. رنيم وهناي مع جازي تبادلوا النظرات

والكل سكت .. تركتها روان وهي تهز رأسها وقالت" بروح وعد تبيني " بشرى نزلت رأسها وراحت روان .. ثواني كانوا ساكتين فيها قبل لا تتكلم جازي وهي تحاول

تلطف الجو " رنيم وش كنتِ بتقولين؟ "

بشرى رفعت رأسها فجأة وهي تبتسم " خلينا منها اللحين وخنركز عليك "

اومئت جازي بحماس وتكلمت بشرى " مدري ليش حسيتها كانت على وشك انها تعترف لك"

رنيم " من جد احسها كانت على طرف لسانها بس سكتت"

هناي وهي تنفي بيدها " لا ما اتوقع ثريا بتتهور وتقولها بدون ما تاخذ احتياطاتها او على الاقل تضمن رد جازي"

جازي اومئت وهي تفكر " وهي الصادقة .. ساعات احسها جنية تعرف كل شي "

رنيم حطت يدها على جبهتها وهي تقول " شوفي أحنا وين وذي التيس وين "

بشرى " لازم تسوين شي يخليها تعترف "

جازي وهي تتكتف " وأنا وش كنت قاعدة اسوي طول هالسنه ؟؟"

رنيم هزت رأسها بقل حيله وقالت موجهة كلامها لهناي " كانت مركزه على كيف تخليها تحبها أكثر من دراستها .. واضح راسبة بالاثنين "

...

وعد بإنتحاب " روانن ساعديني ما اعرف شسوي !"

روان " خلي كل شي علي "

وعد " يعني ما اسوي شي؟"

روان " بس جاريني باللي اسويه "

اومئت وعد ومشت مع روان للمطبخ .. كان المطبخ فاضي ما فيه الا دان اللي جالسه على الطاولة وتشتغل باللاب .. روان كانت تضحك بصوت عالي