بعد ما طلعت جازي من صدمتها بثريا راحت تتروش ولبست شورت وجاكيت كبير عشان تبدأ تحط مكياج وتسوي شعرها
جلست تسوي مكياجها زي دايم وهي تسمع لأغانيها اللي تحبها من سماعاتها ..كانت بتحط الروج كآخر خطوة وتخلص بس طاح على الارض قبل لا تفتحه حتى
تأففت ونزلت من كرسي مرايتها واخذته رفعت راسها عشان تكمل وانصدمت بثريا اللي واقفة وراها .. حطت يدها على قلبها بخوف وشالت السماعات
" بسم الله ما شفتك لما دخلتي" ههههه اي حاطة سماعاتك من وين تنتبهين .. المهم متى ما جهزتي انزلي عشان اوصلك " عادي اقدر اروح مع السواق لحالي "
" بوصلك واقضي كم مشوار بالمرة بعدين ناوية على موتي؟ لو درت امك قتلتني ما تأتمنك الا مع سواقكم" هههه تمام اجهز وانزل لك " طلعت ثريا وتركت جازي
تحط روج على السريع بعدين غيرت ملابسها .. قلبها يدق بسرعة للحين ما هي مصدقة انها تكلمها كذا عادي وما هي مصدقة قد ايش علاقتها فيها تطورت لهالدرجة
نزلت لتحت بعد ما لبست وقالت بعد ما شافت امل " امل وين عبايتي ؟" اللحين اجيبها لك " راحت امل وجازي قعدت على وحدة من الكنبات وهي تكلم روان
وبشرى وتبتسم على كلامهم الغبي .. نزلت ثريا وشافت وضعية جازي وابتسامتها اللي شاقة وجهها وقامت تناظر لملابسها من فوق لتحت وجت امل بنفس
الوقت وعطت جازي عبايتها وهي حاطة يدها على قلبها لا تعصب ثريا من جازي .. اخذت جازي عبايتها وشكرت امل وانتبهت لوجود ثريا فقالت
" يلا انا جهزت " رفعت ثريا حاجبها وقالت " وبتروحين بهالملابس ؟" اي شفيها ؟" قالت جازي وقامت تناظر بملابسها
تيشيرت قصير شوي لكن ما يبين بطنها بسبب البنطلون المرتفع اللي كان متشقق من كذا ناحيه " لا لا ما ينفع روحي غيري"
" ليييش ؟! بليز خنروح بسرعة بنتأخر " قالتها جازي برجاء لثريا عشان ما يتأخرون بس قالت ثريا لها بصرامة " لا تجننيني جازي وبسرعة غيري ملابسك"
لبست جازي عبايتها وكأنها ما سمعتها وقالت "شكررًا يلا نروح " قربت منها ثريا ومسكتها من طرف عبايتها من فوق وقالت " اي يلا روحي غيري ملابسك قبل لا انا اغير رايي"
راحت جازي وهي تتأفف غيرت ملابسها لجينز عادي وبلوفر اسود .. نزلت وقالت "اللحين يصير نروح ؟! " ههههه اي يلا " ومشوا لبرى .. جازي كانت قاعدة
وتتأفف بين كل ثانية والثانية الين ما قالت ثريا "ترى ما خليتك تلبسين ذيك الملابس عشان ما يحسبون صديقاتك ان قاصرك شي " ما فهمت شدخل ؟!"
" بالله عليك كنتِ ناوية تطلعين بملابسك المقطعة ذي ويحسبون عندك عنف اسري؟ " قالتها ثريا باستغباء مع انها تدري ان ذا نوع من الستايل اللي تحبه جازي
