سلمى وقبل ما تطلع جازي قالت " جازي .. تعالي لي بأي حصة تصيرين فاضية فيها عشان نشوف بموضوع رقصك بالتخرج "
جازي ابتسمت بحماس " ان شاء الله" وطلعت تاركة ثريا تناظر سلمى بإستنكار الشي اللي خلاها تقول " مضيعة شي بوجهي ؟"
ثريا قعدت على الكراسي المقابلة للمكتب وقالت " جازي درت ان ذا مو شغلي الاساسي"
سلمى وقفت من مكانها بصدمة " درت؟كيف درت؟ في احد قال لها؟ من قال لها ؟ ليش قال لهـ .. " مسكت ثريا فم سلمى وهي تقول " بس صدعتيني "
سلمى رجعت جلست وقالت " هي درت وانتِ قاعدة قدامي مبردة ولا كأن شي صاير كيف؟؟"
ثريا " روان قالت لها .. شفتها تصيح وسألتها .. كانت منصدمة بس زين ذكرتيها على فقرة الرقص بالتخرج .. اتوقع بتنسى "
سلمى " هي صح تحب الرقص بس مو لدرجة تنسى شي مهم زي كذا "
ثريا " أنا اعرفها تزعل وعلى طول ترضى "
...
وعد وهي منزلة رأسها قالت بحرج " صدق اسفة ما كنت ادري اني نسيته هنا "
دان ابتسمت بخفيف ومدت لها الجوال وهي تقول " اللحين مو المفروض تكونين بالمدرسة؟"
وعد أخذت الجوال " الا بس غبت اليوم ما كان لي خلق اداوم "
دان " طيب تفضلي اشربي شي "
وعد " لا ما ابي اثقل عليك .. "
دان " انتِ جاية مع من؟"
وعد " مع عمر .. اخوي "
دان " خلاص اتصلي عليه خليه يروح وانتِ اقعدي "
وعد " صدق ما ابي اشغلك "
دان " خلاص بس المرة الجاية لازم تشربين شي "
وعد " ان شاء الله "
...
وقت الحصة الرابعة بمدرسة جازي
جازي " السلام ابلة .. مشغولة؟"
سلمى " لا لا زين جيتي تعالي اقعدي "
جازي دخلت وقعدت بالكرسي المقابل مكتب سلمى وتكلمت سلمى " عطيني وقت معين تصيرين فيه فاضية كل يوم عشان اقدر اخليك تتدربين بالمسرح"
جازي " امم .. كل يوم نفس الوقت؟"
سلمى " أي"
جازي " اتوقع .. الحصة الرابعة "
سلمى " امم .. اختاري غيرها لأني كلمت ابلة ثريا قبل وقالت الرابعة هي عليكم "
جازي " أنا هذا الوقت مرة عاجبني ابي أتدرب الحصة الرابعة "
سلمى " روحي قولي لها .. إذا وافقت بنخليها الرابعة"
جازي " ان شاء الله "
