صباح/مساء الخير حبايبي💕
...
آخر يوم اختبارات نهائية
جازي تناظر لهم وهي عابسه بحزن .. حولت عينها على الساحه .. بتشتاق لهالمنظر .. بتشتاق لكل لحظاتها هنا .. ولكل اللي هنا من معلمات لعاملات
روان وهي تمدد جسمها " اخيرًا بنطلع من هالمدرسة" ناظرت لجازي وملامحها وقالت وهي رافعة حاجب" عفننا فيها ثلاث سنين على وش عابسة؟!"
جازي فتحت فمها بتتكلم بس قاطعتها روان " اي اي نسيت ان لما نروح الثانوي حبيبتك ما بتقدر تتحرش فيك"
جازي قلبت عيونها ونفس الشي رنيم اللي قالت
" تافهة " ثواني كانت كفيلة تخلي روان تضحك على تعابيرهم هي وباقي البنات
رنيم بسرعه مشت من عندهم لما شافت مها واقفة على الدرج تناظرها بإبتسامة .. قربت منها رنيم ولوت فمها نفس الطفلة مخلية ابتسامة مها الهادية تتوسع
مها " ايش فيها حبيبتي زعلانه؟" قالت وهي تحضن رنيم اللي بادلتها " لأنه اخر يوم لي هنا " مها فصلت الحضن قبل لا تحوس شعر رنيم
مها " يمديك تجين كل اخر دوام عشان تشوفين البنات" رنيم نفت وهي تجعد ملامحها بتقزز وقالت " لا .. أنا زعلانة لأني ما بقدر اشوفك مرة ثانية "
مها " حبيبتي نسيتي اننا ساكنين مع بعض؟"
رنيم نفت براسها ورجعت تكلمت " ما بقدر اشوفك مرة ثانية وانتِ تشرحين .. ما بقدر احسّن نفسيتي بوسط الدوام عشاني لمحتك .. ما بقدر اسوي
كثير اشياء لأني بطلع من هالمدرسة " تنهدت بحزن آخر كلامها مخلية مها تبتسم على لطافتها .. مسحت على خدها بهدوء قبل لا تهديها وتحاول تضحكها
...
ثريا بكل طفولية نفت رأسها بعناد وإصرار "أسبوعين كانت كثيرة علي "
جازي تنهدت بإبتسامة قبل لا تقول " بس ما اقدر اترك مها ورنيم كذا بدون ما اقول لهم او اخذ اغراضي على الاقل "
ثريا ناظرت لها .. وجازي ابتسمت بخفيف تبيها توافق بس الثانية بكل عناد نفت رأسها كذا مرة ورى بعض .. جازي تنهدت ما تعرف وش تسوي عشان تقنعها
ما تروح معها من اللحين .. بتتفشل تترك رنيم ومها اللي كانوا صابرين على مزاجيتها وحزنها بعد رفض ثريا .. كانت بترجع تتكلم لو ما جوا رنيم ومها
رنيم " جازي وش بك للحين ما تجهزتي؟ بنطلع اللحين "
جازي ابتسمت لثريا وهي تودعها بعيونها قبل لا تقول " اللحين بروح اخذ اغراضي "
اومئت رنيم " بننتظرك بالسيارة "
ثريا تكلمت مخليتهم يوقفون ويناظرون لها " ما له داعي تتعبون نفسكم أنا بأخذها معي وارسل احد ياخذ اغراضها"
