كانت جازي تمشي مع رنيم والبنات لمعمل ثريا وبدت تكلمها عنها " امم ابلة ثريا تدرس اجتماعيات وهي كيوت ويانا بس .. يعني لا تقاطعينها اذا جت تتكلم وحاولي
تشدين حيلك بمادتها عشان ما تستقعد لك بوقت الاختبـ .." قاطع كلام جازي روان اللي قالت " هذي هي اللي تحبها صديقتك المُتيمة " ناظرت لها جازي ووجهها
قلب احمر بس جت بشرى قالت " عادي تعودي قلوبنا ميتة نسيتِ !" وغمزت لجازي اللي بدا يتحول احراجها لعصبية .. طنشتهم وكملوا مشي وتناقر الين وصلوا
جت جازي بتدخل لكن روان مسكت يدها هي ورنيم وقالت " روحي قولي للأبلة انها جديدة وادخلي بعدين " ها ؟ اه صح " قالتها جازي ومسكت يد رنيم وقربوا
من مكتب ثريا وقالت " ابلة هذي رنيم طالبة منازل جديدة وبتبدأ تداوم معنا من الترم الجاي " اومئت لها ثريا بإبتسامة وقالت " المرشدة ما حطت لها احد يعلمها
ويساعدها من فصلكم ؟" الا حطتني انا " رفعت ثريا حاجبها وقالت " اها خلاص خليها تجلس جنبك " اومئت جازي وراحت مع رنيم لمكانها .. وبدت ثريا الحصة
وكعادتها بدت خطة مراجعتها للبنات بما انه اخر اسبوع قبل الاختبارات النهائية فكانت تحاول توصل المعلومة وتبسطها لهم .. وبعد ما خلصت قالت " بعطيكم
استراحة بما اننا انجزنا وقدرنا نخلص النصف الاول من المراجعة بوقت قياسي وما اتوقع عندكم سؤال
.. صح؟!" اييهه " الكل جاوب بصوت واضح فأبتسمت
برضى وقالت " زين اذا عندكم اي سؤال عن الجزئية الجاية من المراجعة جهزوه من وقت بدري واسألوني عنه بكرة " قالت وقعدت على مكتبها تكمل
شغلها .. تنهدت وهي تمسح بين حواجبها ولبست نظارتها لكن ما مرت دقايق الا وامل تدق " هلا امل " اهلين ثريا .. امم " سكتت امل وعقدت ثريا بين
حواجبها " شنو في امل ؟ " هناي توها متصلة علي وقالت انها حجزت لرجعتها " قالتها بصوت متقطع فتنهدت ثريا " مو وقتها امل لا ترجع
عندي كثير شغل وانتِ ادرى بالمشاكل اللي قاعدة تصير هالايام " شدعوة ما اشتقتِ لها يعني اقنعيني!" ابتسمت ثريا وقالت " اكيد مشتاقة لها بس تعرفينها دلوعة
وان انشغلت شويتين عنها بتقلب لي المواجع وان انا اهملها " همهمت امل وقالت " يلا عادي ترى كلها ثلاث اسابيع وبعدين بترجع وعلى فكرة يوم اتصلت علي
كان بعد ما صعدت الطيارة فجهزي نفسك لوصولها بأي وقت " تنهدت ثريا وقالت " اجل بحاول اخلص شغلي على السريع وبأستئذن لي ولجازي وتعالي اقعدي
وياها بالقصر بروح انا اجيب هناي من المطار " لا يعـ ..." قاطعتها ثريا " وجيبي ريم معك " ابتسمت امل " من عيووني " ضحكت ثريا وقالت " والله مو عشان
