صباح/مساء الخير حبايبي💗
...
ثريا " لازم تنزلين اللحين يعني؟"
جازي وهي تمسح على يد ثريا " ما اقدر أتأخر تعرفين .. لازم أقابل بابا وعمامي "
ثريا تنهدت " بشتاق لك "
جازي " وأنا بعد " قالت جازي بإبتسامة لطيفة قبل لا تقرب من ثريا وتبوسها مخليتها ترجع تتنهد .. ضحكت جازي قبل لا تبوسها مره ثانيه وتبعد عنها
نزلت واخذت اغراضها .. ودعت ثريا وانتظرت لين سيارتها تختفي .. على طول دخلت لبيتها وحطت الاغراض وطلعت مره ثانيه تأخذ تاكسي
...
امل وهي تحط الملف قدامها " ذا يحتاج مراجعتك " اومئت ثريا بهدوء مخليه أمل تقول " ايش فيك؟" ثريا " احس الشغل اليوم زايد حبتين "
امل " بالعكس .. " سكتت شوي بعدها رجعت تكلمت "ارجعي اليوم بدري .. اتوقع خلصتي اغلب الاشياء المهمة "
ثريا اومئت بتنهيدة ووقفت تلم اغراضها " وش رايك تاخذين إجازة بكرة؟"
ثريا ثواني ناظرت لها بإستغراب بس بعدها نفت براسها " كافي اليومين اللي أخذتهم شوفي كيف تراكم الشغل مع اني حاولت اخلصه قبل لا اخذهم "
...
الساعه 4 العصر
دخلت البيت متجاهلة الانوار المشتغله ومشت لغرفتها .. خطت اول خطواتها داخل غرفتها وريحه البخور والعطور ماليه الغرفة .. وقفت مكانها بشك
وبدأت تدور عيونها بأركان الغرفه .. مفارش السرير متغيره وفوقها محطوط ملابس لها .. حولت عينها لباب الحمام اللي كان مفتوح وصوت الموية طالع منه
مشت بخطوات متباطئة ووقفت قدام الباب .. شافت ظهر جازي اللي كانت قريب البانيو تحوس بالاشياء اللي عليه تنتظر البانيو يمتلي موية
ابتسمت ثريا ابتسامة هادية .. ووقفت هناك بدون ما تتحرك مكتفيه بتأمل جازي .. كلها دقيقتين وقامت جازي بعد ما تأكدت ان الموية امتلت
التفتت وانتفضت بخرعه لما شافت وضعيه ثريا .. بعدها ابتسمت بخفيف" متى جيتي؟"
ثريا وهي تقرب منها" توني واصله " حاوطت ظهر جازي وهي تتبادل النظرات معها قبل لا تبوسها بخفيف وتبعد وجهها وتقول " وش تسوين؟"
جازي اللي كانت جالسه تتأمل ثريا بإبتسامة بسرعه تغيرت ملامحها وقالت بإنتحاب " كانت المفروض تصير مفاجأة "
ثريا مسحت على خد جازي بهدوء " أحلى مفاجأة "
جازي بعدت عن ثريا بسرعه كأنها تذكرت شي وفتحت درج الطاولة الصغيرة اللي على زاوية الحمام .. أخذت منها شي وخبته ورى ظهرها
ثريا " وش تسوين؟"
جازي " اختاري يد "
ثريا " هممم .. هذي " قالت وهي تأشر برأسها على يد جازي اليمين مخلية ابتسامة جازي تتوسع وتحط اللي بيدها الثانية على الطاولة وتقرب من ثريا
