صحت جازي من النوم وراسها بينفجر من الصداع تلفتت حولها تدور جوالها بس ما لقته تنهدت بإنزعاج وقامت من سريرها للحمام غسلت وجهها كثير
لعلّ وعسى يخف الاحمرار والانتفاخ اللي فيه بس ما في فايدة تنهدت بقوة تبي تبعد الضيقة اللي فيها وقامت تدور جوالها بشنطتها ، اول ما حصلته قامت
تناظر بشاشته وهي مسرحة كيف بتقدر تحط عينها بعين ثريا بعد كل اللي صار امس؟ فتحت جوالها وشافت الساعة 5:48 وش اللي مصحيها من بدري!
تنهدت وقامت تتجهز للمدرسة بعدها قعدت على السرير تطقطق بجوالها بس لفت انتباهها ان راما راسلة لها فيديو استغربت وفتحته وكان عبارة عن راما وريانة
يسولفون مع بعض ويتغازلون وكل وحدة فيهم ضحكتها واصلة لأذنها تنهدت وابتسمت لأنهم صنعوا يومها ومن ابتسامة راما حست بكمية فرحها مع
ريانة وتأكدت للمرة المليون ان راما على ما يقولون بأيدي امينة مع ريانة ، دق الباب دقتين ورى بعض خلاها تترك جوالها وتقول " تفضل " فتحت خدامة
الباب وما تحركت من مكانها قالت " وقت الفطور استاذة" اومئت لها جازي اخذت شنطة المدرسة وطالعت بساعة الجوال انصدمت لما شافتها 6:35 متى مر
الوقت بهالسرعة ؟ هي بالعادة تحسب الدقايق عشان تنزل وتقابل ثريا لهدرجة هي ما تبي تقابلها لدرجة ان الوقت يمر بهالسرعة ؟! كانت تفكر وهي ماشية
لكرسيها بغرفة الاكل قعدت عليه وقالت " صباح الخير " نطقتها بدون نفس ومن كثر احراجها صارت باردة فنطقت ثريا "صباح النور ، من مزعل الحلوة ؟"
جازي تجمعت دموعها بعينها على طول وهزت راسها بالنفي .. لاحظت ثريا دموع جازي فطبطبت على ظهرها وعطتها ماي .. اخذت جازي الكأس وقامت تشرب
وغصتها زادت { كيف تكون طيبة معي كذا بعد ما هربت وكان ممكن اسبب لها مشاكل ما لها اول من اخر؟} ثريا " خلاص جازي انا نسيت وابيك تنسين
انتِ صح غلطتِ بس وعدتيني انها اخر مرة وانا واثقة فيك وواثقة بوعدك " اسـ .. اسفة كنـ .. " قاطعها اصبع ثريا اللي صار على فمها وكلماتها
" انا قلت انسي اذا تبيني اسامحك انسي ورجعي لي جازي القديمة " ابتسمت جازي هزت راسها اشارة على رضاها ومسحت دموعها بيدينها ، كانت بنظر ثريا
نفس الطفلة بالضبط ، من ناحية بكاءها وشهقاتها اللي ما تقدر تخفيها حتى في مسحها لدموعها ، كملوا فطور ورجعوا يسولفون نفس دايم بعدها قاموا
عشانهم تأخروا على المدرسة ، دخلت جازي فصلها وقعدت بمكانها بشرى وروان ما كان عندهم اي فكرة عن اللي صار مع جازي بس قررت تقول لهم لما تخلص الحصة
...
كانت نايمة بوضعية تضحك رجلها اليمين بصوب واليسار بصوب ثاني غير فمها المفتوح وقميصها المرتفع ومبين ظهرها بحكم نومتها على بطنها ، دخلت
